Мазмұнды Көшіру

https://www.nvrislam.net/index.php?j=kz&post=6852
Сұхбат: харам нәпақа ұрпағыңды құртады (2023.06.01, 12 Зұл-Қада 1444)
Канада, Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Барлық пайғамбарлар исламды үйреткен, ал ислам адам баласының өмір сүру жолын үйретеді, бұл жолға ілесу оларды бақытқа, қанағатқа жеткізеді, ол бүкіл барлығын олар үшін жақсы етпек, қайырлы етпек, барлығын исламнан таба аласыз, демек, ол не істеу керек, қайда бару керек, қайдан келдің т.б барлығын қамтиды, әр күнгі әр сағатыңызда осыларға ере алсаңыз, Алла Жәллә Жәләлуху сізге мол сауаптар беретін болады.

Қазір ғана, алхамдулилла, біз асымызды ішіп болдық, Алла Жәллә Жәләлуху үшін бізді қонақ етіп, күткендеріңізге рахмет, Алла Жәллә Жәләлуху сіздерге мол сауаптар сыйлағай, әрине, айтып өткеніміздей, әрбір нәрсенің исламда жолы болады, мәселен, қалай ас жеудің де өз әдебі болады, оны пайғамбарымыз саллал-лаху әлейхис-саламның сүннетімен бастау керек, ол «ас жер алдында және артында қолыңды жу» дейді, міне бұл оның сүннеті, егер сіз бұны істесеңіз ғажр-шахид немесе 5 я 7 шәхиттік, кейде жүз шәхиттікке дейін сауап аласыз, міне осындай шәхит сауабы берілмек, ал бір шәхитте күнәсі себепті Алла Жәллә Жәләлуху жағынан тозаққа түсірілмек болған 70 адамды тозақтан құтылдырып кететін күш болады, демек, бір шәхиттік сауапта 70 адамды тозақтан құтқарып, жәннәтқа кіргізе алатын күш бар, қараңыз, істеп жатқан ісіңіздің қандай үлкен екендігін көрдіңіз бе? тек қол жуып пайғамбар сүннетін орындаудың өзінде осындай зор қуат бар.

Одан соң, тамақ жеуге отырасыз, дұға етесіз, дұға білмесеңіз, тек «бисмиллахир рахманир рахим» деп бастасаңыз да жеткілікті, себебі бисмилласыз жеген тамағыңыздың әрбір тістемі шайтанды тамақтандыратын болады, ал оны айтсаңыз, шайтан «ох, менің құрсағым қатты ашып кетті» деп айтар, егер бисмилла айтылмаса, ол қатты қуанады, ал сіз еш сауап таба алмайсыз, «бисмиллахир рахманир рахим» айтып жеген тамақтың әр тістемі сізге шипа болады әрі жегеніңіз шайтанға кетпейді.

Асты осылай жеңіз, ас жеуге қатысыты бұдан басқа да көптеген әдептер бар, мәселен, тамақты өзіңіз жей алатындай ғана алыңыз, ал тамақты алған соң, ас ыдысыңызда ештеңе қалдырмай таза жеуіңіз керек, тамақты көп салып алмаңыз, аз алыңыз, жетпесе тағы көбірек алсаңыз болады, оны тауысыңыз, себебі пайғамбарымыз саллал-лаху әлейхис-салам «тамақтың мәлім бір бөлімінде бүкіл астың берекесі (жасырынып) тұрады, осы бөлігін жесеңдер, ол сендерге шипа болады әрі құт-береке береді» дейді.

Қазір адамдарда бір әдет бар, ол жаңа мода болған әдет, демек, олар (тамақ жеп болған соң) ас ыдысында титтей асты қалдырып қоятын болған, себебі олар оны қалдырмаса, өзгелер оларға «бұл жақсы емес» деген сөздер айтпақ, жұрт оларға күліп «ох, олар не істеп жатыр! еш тамақ қалдырмапты, олар әлі тоймаған ба! олар тақсыны да жеп жібермек-ау!» деп мазақтауы мүмкін, бірақ бұндай сөзге құлақ салмаңыз да, Алла Әззә уә-Жәллә үшін іс қылыңыз, Алла Жәллә Жәләлуху берген осыбір нығыметті қадірлеңіз, ысрап етпеңіз. Әлхамдулилла, біз аш емеспіз, милиондаған адамдар бар, олар тіпті сіздер жемей қоқсыққа тастап жіберген нәрселерді таба алмай отыр, себебі, нығымет өте сезікті нәрсе, егер сіз оған риза болмасаңыз, кейін оны таба алмай қалуыңыз мүмкін, қайта таба алмайсыз.

Сондықтан, осындай түйіндерді жақсы біліңіз, бұл жақсы жолды өзіңіз де, отбасыңыз да ұстануы керек, әсіресе, қазіргі осы заманда дүниенің барлық жерінде болсын, демек, батыс-шығыс, түстік-теріскей болсын, әр жерде әр түрлі кішкене (адам) тажалдар пайда болды, олар мүминдерге, иман-сенімге, жақсы әдеп-ибаға шабуыл жасауда әрі ел-жұртты әдепсіз-арсыз қасиеттерге үйретуде, соған әмір етуде.

Біз бұл амалдарды істеп жүрсекте, көптеген адамдар «балаларымызды қалай құтқарамыз?» деп сұрар, ал сіз оны тамақты қалай жеуден, үйде қандай әдепте болудан бастауыңыз керек, істі осылай бастасаңыз, Алла Жәллә Жәләлуху сіздерді қорғайтын болады, иншалла, міне бұлар осыбір хикіметтің астында жатқан құпия-сырлар еді, тек қана «балаларымызға не істесек болар, оларды қайтеміз? не істейміз?» дей бермей, осындай нәрселерге (пайғамбар сүннеттеріне) көңіл бөлу керек, бұндағы ең маңызды істің бірі, сіздің нені жеуіңіз және оны қалай жеуіңіз болмақ.

Ұмытып кетіппін, тамақ жер алдында тұздан кішкене алып, аузыңызға салыңыз, тұздан ауыз тигізіңіз, бұл да пайғамбарымыз саллал-лаху әлейхис-саламның сүннеті, ол денге саулық береді әрі береке әкеледі. Сәйдина Әли Каррама Аллаху Уәжхах «бұл сені 70 түрлі аурудан қорғайды» дейді, 70 түрлі ауру жәй кішкене кесел емес қой, әдетте, бір ғана кеселдің өзі сізді оңдырмайды емеспе, ал 70 түрлі кесел өте ауыр-дүр, менше рак ауруларды да осылардың ішінде болса керек, демек, бұл сүннет те маңызды.

Ас соңында дұға етіп, Алла Жәллә Жәләлухуға шүкірлік айтыңыз, сонымен бірге саусақпен тұздан кішкене алып жеңіз, ауызға салыңыз, бұнда көптеген нәрселер бар, бірақ осы айтылған кеңестер тамақ жеу әдебі хақында жеткілікті болмақ, бұлар қиын емес, оңай, сіз оларды істей аласыз.

Алла Жәллә Жәләлуху бізге ақшамызды қайдан тауып жатқандығымызға қарап, оған баса көңіл бөлу керектігін айтады, егер сіз мәлім бір жұмыс істеп жатқан болсаңыз, онда тұрған ештеңе жоқ, тек ниетіңізді Алла Жәллә Жәләлуху үшін жасап, Алла Жәллә Жәләлухудан жақсы риздық, жақсы жұмыс, жақсы бизнис сұраңыз, бұндағы маңызды іс адам алдамауыңыз керек, елден бірдеңе алып, сосын қайтарып бермей қоюдай іс болмасын, бұл өте хауіпті іс, осындай келеңсіз істерді істейтін кейбір адамдарды көресіз, олар хажылыққа барады, намаз оқиды, барлығын істейді, бірақ олардың балалары өздеріне мүлдем ұқсамайды, бұндай жағдай балаларды харам табыс, харам ақшамен бағудан туындайды, себебі олар харам жейді, елді алдайды, өздеріне тиеселі болмаған нәрселерді иемденіп алады, бұл барлық істе кездеседі, әсіресе, «ер кісі ата-анасынан қалған барлық дүниеге мұрагер болуы керек, әпеке-қарындасқа немесе қыз балаларға ештеңе қалмасын, барлығы тек ерлерге ғана қалсын» деген түзімді ұстанатын мемлекеттерде көп ұшырайды, Алла Жәллә Жәләлуху оларға берді, тіпті оның жартысы оларға (әйел жаққа) берілуі керек еді, олар сонда да ештеңе бермейді, олар осындай істерді қылар әрі артынша хажылыққа барады, көп рет ұмра жасайды, бірақ олардың балалары жақсы мұсылман болмайды, мұсылман емес-ау, тіпті жақсы адам да бола алмай, түрмеге түсіп жатады.

Олар бұл хақында ештеңе білмейді, шайтан оларды бұндай істі түсінбейтін көрсоқыр еткен, түсініктен жұрдай қылған, бұл шаруа сіздің қалай ас ішіп-жеуіңізден де маңызды, демек, жеуден бұрын, жейтін нәрсеңізді қалай табу маңызды болмақ, ешқашан «харамда да береке бар» деп ойлаушы болмаңыз, харамда еш береке жоқ, мүлдем жоқ, егер сіз хараммен милион тапсаңыз да, одан сізге ешбір пайда келмес, ештеңе де жоқ, ал халалмен аз тапсаңыз да, ол барлығыңызға берекелі болмақ.

Сондықтан, балаларымызға (сақ болалық), біз ештеңе айта алмайтын, сөзіміз өтпейтін елде өмір сүріп жатырмыз, (ал біз бірдеңе десек) олар адамдарға мәлім мәселелерді туындатады, бүгін әуел бастан өзіңізбен балаларыңызды тажал адамдардан сақтандыру жәйлі айттық, сіз өзіңізбен отбасыңызға халал риздық, қайнары жақсы таза табыс, таза айлық беруіңіз керек, ол аз болса да, таза болсын, бұл өте маңызды, егер бұлай істемесеңіз, кейін әлі-ақ өкінетін боласыз, себебі сіздің тапқан барлық дүниеңізде еш береке қалмайды, ал бұл берекетсіздік себепті отбасыңыздан да береке жоғалатын болады.

Алла Жәллә Жәләлуху бізді өзіміздің арсыз, тойымсыз, озбыр нәпсімізден сақтағай, нәпсі өте ашкөз келеді, нәпсі «барлығы жақсы, барлығы керемет» деп ойлайды, Түркия елінде айналасындағыларды сайқы-мазақ ету үшін айтылатын комминистердің бір өлеңі бар, олар «вер Аллахым, харам-халалды фарктмез, шөлук шөшук иерлер» (бер Аллахым, харам-халалды парық етпестен, ұрпағымыз содан жесін» дейді, ол (комминист ақын) бұны қалжыңдап айтып жатыр, бірақ ол комминист, Алла Жәллә Жәләлухудың хикіметі кезкелген жерден келе береді, ал мүмин-мұсылман үшін оның қайдан келгені маңызды емес, пайғамбарымыз саллал-лаху әлейхис-салам «хикіметті әр жерден ізде» дейді, ал бұнда ол (өлеңінде) өздерін «мұсылманбыз» деп жар салатын, намаз-құлшылық ететін, ана-мына іс қылатын, алайда, артынан келіп, «балаларымызға не болған? оларға не болды?» дейтін адамдарды (балаларын жақсы тәрбиелемейтін мұсылмандарды) айтып отыр.

Біз сақ болуымыз керек, расында, біз өте қиын заманда тұрмыз, қатты заман, аса хауіпті заман, Алла Жәллә Жәләлуху біздің балаларымызды және барша мұсылмандардың балаларын осы бәле-қалалармен кесірлерден сақтағай, бұл өте үлкен бәле, оңай емес, олар әр жерде мүминдерге шабуыл жасауда, әрине, бұнда өлтіріп, қырып, күйретіп шабуыл жасау деген бар, бірақ нағыз шабуыл дегеніміз олардың иманымызға жасаған шабуылдары болмақ, бұл да алдында айтылған қырып-жойып шабуылдаудан еш кем емес, адам өлсе шахит болады, бірақ бұнда олар балалардың иманын өлтіруде, бұл тіпті де қитұрқы болмақ. Алла Жәллә Жәләлуху бізді және бала-шағамызды есендікте еткей, біз расында сондай бір қиын заманда өмір сүріп жатырмыз.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: حارام ءناپاقا ۇرپاعىڭدى قۇرتادى (2023.06.01، 12 زۇل-قادا 1444)
كانادا، يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بارلىق پايعامبارلار يسلامدى ۇيرەتكەن، ال يسلام ادام بالاسىنىڭ ءومىر ءسۇرۋ جولىن ۇيرەتەدى، بۇل جولعا ىلەسۋ ولاردى باقىتقا، قاناعاتقا جەتكىزەدى، ول بۇكىل بارلىعىن ولار ءۇشىن جاقسى ەتپەك، قايىرلى ەتپەك، بارلىعىن يسلامنان تابا الاسىز، دەمەك، ول نە ىستەۋ كەرەك، قايدا بارۋ كەرەك، قايدان كەلدىڭ ت.ب بارلىعىن قامتيدى، ءار كۇنگى ءار ساعاتىڭىزدا وسىلارعا ەرە الساڭىز، اللا ءجاللا ءجالالۋحۋ سىزگە مول ساۋاپتار بەرەتىن بولادى.

ءقازىر عانا، الحامدۋليللا، ءبىز اسىمىزدى ءىشىپ بولدىق، اللا ءجاللا ءجالالۋحۋ ءۇشىن ءبىزدى قوناق ەتىپ، كۇتكەندەرىڭىزگە راحمەت، اللا ءجاللا ءجالالۋحۋ سىزدەرگە مول ساۋاپتار سىيلاعاي، ارينە، ايتىپ وتكەنىمىزدەي، ءاربىر نارسەنىڭ يسلامدا جولى بولادى، ماسەلەن، قالاي اس جەۋدىڭ دە ءوز ادەبى بولادى، ونى پايعامبارىمىز ساللال-لاحۋ الەيحيس-سالامنىڭ سۇننەتىمەن باستاۋ كەرەك، ول «اس جەر الدىندا جانە ارتىندا قولىڭدى جۋ» دەيدى، مىنە بۇل ونىڭ سۇننەتى، ەگەر ءسىز بۇنى ىستەسەڭىز عاجر-شاحيد نەمەسە 5 يا 7 شاحيتتىك، كەيدە ءجۇز شاحيتتىككە دەيىن ساۋاپ الاسىز، مىنە وسىنداي ءشاحيت ساۋابى بەرىلمەك، ال ءبىر شاحيتتە كۇناسى سەبەپتى اللا ءجاللا ءجالالۋحۋ جاعىنان توزاققا تۇسىرىلمەك بولعان 70 ادامدى توزاقتان قۇتىلدىرىپ كەتەتىن كۇش بولادى، دەمەك، ءبىر شاحيتتىك ساۋاپتا 70 ادامدى توزاقتان قۇتقارىپ، ءجانناتقا كىرگىزە الاتىن كۇش بار، قاراڭىز، ىستەپ جاتقان ءىسىڭىزدىڭ قانداي ۇلكەن ەكەندىگىن كوردىڭىز بە؟ تەك قول جۋىپ پايعامبار سۇننەتىن ورىنداۋدىڭ وزىندە وسىنداي زور قۋات بار.

ودان سوڭ، تاماق جەۋگە وتىراسىز، دۇعا ەتەسىز، دۇعا بىلمەسەڭىز، تەك «بيسميللاحير راحمانير راحيم» دەپ باستاساڭىز دا جەتكىلىكتى، سەبەبى بيسميللاسىز جەگەن تاماعىڭىزدىڭ ءاربىر تىستەمى شايتاندى تاماقتاندىراتىن بولادى، ال ونى ايتساڭىز، شايتان «وح، مەنىڭ قۇرساعىم قاتتى اشىپ كەتتى» دەپ ايتار، ەگەر بيسميللا ايتىلماسا، ول قاتتى قۋانادى، ال ءسىز ەش ساۋاپ تابا المايسىز، «بيسميللاحير راحمانير راحيم» ايتىپ جەگەن تاماقتىڭ ءار تىستەمى سىزگە شيپا بولادى ءارى جەگەنىڭىز شايتانعا كەتپەيدى.

استى وسىلاي جەڭىز، اس جەۋگە قاتىسىتى بۇدان باسقا دا كوپتەگەن ادەپتەر بار، ماسەلەن، تاماقتى ءوزىڭىز جەي الاتىنداي عانا الىڭىز، ال تاماقتى العان سوڭ، اس ىدىسىڭىزدا ەشتەڭە قالدىرماي تازا جەۋىڭىز كەرەك، تاماقتى كوپ سالىپ الماڭىز، از الىڭىز، جەتپەسە تاعى كوبىرەك الساڭىز بولادى، ونى تاۋىسىڭىز، سەبەبى پايعامبارىمىز ساللال-لاحۋ الەيحيس-سالام «تاماقتىڭ ءمالىم ءبىر بولىمىندە بۇكىل استىڭ بەرەكەسى (جاسىرىنىپ) تۇرادى، وسى بولىگىن جەسەڭدەر، ول سەندەرگە شيپا بولادى ءارى قۇت-بەرەكە بەرەدى» دەيدى.

ءقازىر ادامداردا ءبىر ادەت بار، ول جاڭا مودا بولعان ادەت، دەمەك، ولار (تاماق جەپ بولعان سوڭ) اس ىدىسىندا تيتتەي استى قالدىرىپ قوياتىن بولعان، سەبەبى ولار ونى قالدىرماسا، وزگەلەر ولارعا «بۇل جاقسى ەمەس» دەگەن سوزدەر ايتپاق، جۇرت ولارعا كۇلىپ «وح، ولار نە ىستەپ جاتىر! ەش تاماق قالدىرماپتى، ولار ءالى تويماعان با! ولار تاقسىنى دا جەپ جىبەرمەك-اۋ!» دەپ مازاقتاۋى مۇمكىن، ءبىراق بۇنداي سوزگە قۇلاق سالماڭىز دا، اللا ءاززا ءۋا-ءجاللا ءۇشىن ءىس قىلىڭىز، اللا ءجاللا ءجالالۋحۋ بەرگەن ءوسىبىر نىعىمەتتى قادىرلەڭىز، ىسراپ ەتپەڭىز. ءالحامدۋليللا، ءبىز اش ەمەسپىز، ميليونداعان ادامدار بار، ولار ءتىپتى سىزدەر جەمەي قوقسىققا تاستاپ جىبەرگەن نارسەلەردى تابا الماي وتىر، سەبەبى، نىعىمەت وتە سەزىكتى نارسە، ەگەر ءسىز وعان ريزا بولماساڭىز، كەيىن ونى تابا الماي قالۋىڭىز مۇمكىن، قايتا تابا المايسىز.

سوندىقتان، وسىنداي تۇيىندەردى جاقسى ءبىلىڭىز، بۇل جاقسى جولدى ءوزىڭىز دە، وتباسىڭىز دا ۇستانۋى كەرەك، اسىرەسە، قازىرگى وسى زاماندا دۇنيەنىڭ بارلىق جەرىندە بولسىن، دەمەك، باتىس-شىعىس، تۇستىك-تەرىسكەي بولسىن، ءار جەردە ءار ءتۇرلى كىشكەنە (ادام) تاجالدار پايدا بولدى، ولار مۇميندەرگە، يمان-سەنىمگە، جاقسى ادەپ-يباعا شابۋىل جاساۋدا ءارى ەل-جۇرتتى ادەپسىز-ارسىز قاسيەتتەرگە ۇيرەتۋدە، سوعان ءامىر ەتۋدە.

ءبىز بۇل امالداردى ىستەپ جۇرسەكتە، كوپتەگەن ادامدار «بالالارىمىزدى قالاي قۇتقارامىز؟» دەپ سۇرار، ال ءسىز ونى تاماقتى قالاي جەۋدەن، ۇيدە قانداي ادەپتە بولۋدان باستاۋىڭىز كەرەك، ءىستى وسىلاي باستاساڭىز، اللا ءجاللا ءجالالۋحۋ سىزدەردى قورعايتىن بولادى، ينشاللا، مىنە بۇلار ءوسىبىر حيكىمەتتىڭ استىندا جاتقان قۇپيا-سىرلار ەدى، تەك قانا «بالالارىمىزعا نە ىستەسەك بولار، ولاردى قايتەمىز؟ نە ىستەيمىز؟» دەي بەرمەي، وسىنداي نارسەلەرگە (پايعامبار سۇننەتتەرىنە) كوڭىل ءبولۋ كەرەك، بۇنداعى ەڭ ماڭىزدى ءىستىڭ ءبىرى، ءسىزدىڭ نەنى جەۋىڭىز جانە ونى قالاي جەۋىڭىز بولماق.

ۇمىتىپ كەتىپپىن، تاماق جەر الدىندا تۇزدان كىشكەنە الىپ، اۋزىڭىزعا سالىڭىز، تۇزدان اۋىز تيگىزىڭىز، بۇل دا پايعامبارىمىز ساللال-لاحۋ الەيحيس-سالامنىڭ سۇننەتى، ول دەنگە ساۋلىق بەرەدى ءارى بەرەكە اكەلەدى. ءسايدينا ءالي كارراما اللاحۋ ءۋاجحاح «بۇل سەنى 70 ءتۇرلى اۋرۋدان قورعايدى» دەيدى، 70 ءتۇرلى اۋرۋ ءجاي كىشكەنە كەسەل ەمەس قوي، ادەتتە، ءبىر عانا كەسەلدىڭ ءوزى ءسىزدى وڭدىرمايدى ەمەسپە، ال 70 ءتۇرلى كەسەل وتە اۋىر-ءدۇر، مەنشە راك اۋرۋلاردى دا وسىلاردىڭ ىشىندە بولسا كەرەك، دەمەك، بۇل سۇننەت تە ماڭىزدى.

اس سوڭىندا دۇعا ەتىپ، اللا ءجاللا ءجالالۋحۋعا شۇكىرلىك ايتىڭىز، سونىمەن بىرگە ساۋساقپەن تۇزدان كىشكەنە الىپ جەڭىز، اۋىزعا سالىڭىز، بۇندا كوپتەگەن نارسەلەر بار، ءبىراق وسى ايتىلعان كەڭەستەر تاماق جەۋ ادەبى حاقىندا جەتكىلىكتى بولماق، بۇلار قيىن ەمەس، وڭاي، ءسىز ولاردى ىستەي الاسىز.

اللا ءجاللا ءجالالۋحۋ بىزگە اقشامىزدى قايدان تاۋىپ جاتقاندىعىمىزعا قاراپ، وعان باسا كوڭىل ءبولۋ كەرەكتىگىن ايتادى، ەگەر ءسىز ءمالىم ءبىر جۇمىس ىستەپ جاتقان بولساڭىز، وندا تۇرعان ەشتەڭە جوق، تەك نيەتىڭىزدى اللا ءجاللا ءجالالۋحۋ ءۇشىن جاساپ، اللا ءجاللا ءجالالۋحۋدان جاقسى ريزدىق، جاقسى جۇمىس، جاقسى بيزنيس سۇراڭىز، بۇنداعى ماڭىزدى ءىس ادام الداماۋىڭىز كەرەك، ەلدەن بىردەڭە الىپ، سوسىن قايتارىپ بەرمەي قويۋداي ءىس بولماسىن، بۇل وتە ءحاۋىپتى ءىس، وسىنداي كەلەڭسىز ىستەردى ىستەيتىن كەيبىر ادامداردى كورەسىز، ولار حاجىلىققا بارادى، ناماز وقيدى، بارلىعىن ىستەيدى، ءبىراق ولاردىڭ بالالارى وزدەرىنە مۇلدەم ۇقسامايدى، بۇنداي جاعداي بالالاردى حارام تابىس، حارام اقشامەن باعۋدان تۋىندايدى، سەبەبى ولار حارام جەيدى، ەلدى الدايدى، وزدەرىنە تيەسەلى بولماعان نارسەلەردى يەمدەنىپ الادى، بۇل بارلىق ىستە كەزدەسەدى، اسىرەسە، «ەر كىسى اتا-اناسىنان قالعان بارلىق دۇنيەگە مۇراگەر بولۋى كەرەك، اپەكە-قارىنداسقا نەمەسە قىز بالالارعا ەشتەڭە قالماسىن، بارلىعى تەك ەرلەرگە عانا قالسىن» دەگەن ءتۇزىمدى ۇستاناتىن مەملەكەتتەردە كوپ ۇشىرايدى، اللا ءجاللا ءجالالۋحۋ ولارعا بەردى، ءتىپتى ونىڭ جارتىسى ولارعا (ايەل جاققا) بەرىلۋى كەرەك ەدى، ولار سوندا دا ەشتەڭە بەرمەيدى، ولار وسىنداي ىستەردى قىلار ءارى ارتىنشا حاجىلىققا بارادى، كوپ رەت ۇمرا جاسايدى، ءبىراق ولاردىڭ بالالارى جاقسى مۇسىلمان بولمايدى، مۇسىلمان ەمەس-اۋ، ءتىپتى جاقسى ادام دا بولا الماي، تۇرمەگە ءتۇسىپ جاتادى.

ولار بۇل حاقىندا ەشتەڭە بىلمەيدى، شايتان ولاردى بۇنداي ءىستى تۇسىنبەيتىن كورسوقىر ەتكەن، تۇسىنىكتەن جۇرداي قىلعان، بۇل شارۋا ءسىزدىڭ قالاي اس ءىشىپ-جەۋىڭىزدەن دە ماڭىزدى، دەمەك، جەۋدەن بۇرىن، جەيتىن نارسەڭىزدى قالاي تابۋ ماڭىزدى بولماق، ەشقاشان «حارامدا دا بەرەكە بار» دەپ ويلاۋشى بولماڭىز، حارامدا ەش بەرەكە جوق، مۇلدەم جوق، ەگەر ءسىز حاراممەن ميليون تاپساڭىز دا، ودان سىزگە ەشبىر پايدا كەلمەس، ەشتەڭە دە جوق، ال حالالمەن از تاپساڭىز دا، ول بارلىعىڭىزعا بەرەكەلى بولماق.

سوندىقتان، بالالارىمىزعا (ساق بولالىق)، ءبىز ەشتەڭە ايتا المايتىن، ءسوزىمىز وتپەيتىن ەلدە ءومىر ءسۇرىپ جاتىرمىز، (ال ءبىز بىردەڭە دەسەك) ولار ادامدارعا ءمالىم ماسەلەلەردى تۋىنداتادى، بۇگىن اۋەل باستان وزىڭىزبەن بالالارىڭىزدى تاجال ادامداردان ساقتاندىرۋ ءجايلى ايتتىق، ءسىز وزىڭىزبەن وتباسىڭىزعا حالال ريزدىق، قاينارى جاقسى تازا تابىس، تازا ايلىق بەرۋىڭىز كەرەك، ول از بولسا دا، تازا بولسىن، بۇل وتە ماڭىزدى، ەگەر بۇلاي ىستەمەسەڭىز، كەيىن ءالى-اق وكىنەتىن بولاسىز، سەبەبى ءسىزدىڭ تاپقان بارلىق دۇنيەڭىزدە ەش بەرەكە قالمايدى، ال بۇل بەرەكەتسىزدىك سەبەپتى وتباسىڭىزدان دا بەرەكە جوعالاتىن بولادى.

اللا ءجاللا ءجالالۋحۋ ءبىزدى ءوزىمىزدىڭ ارسىز، تويىمسىز، وزبىر ناپسىمىزدەن ساقتاعاي، ءناپسى وتە اشكوز كەلەدى، ءناپسى «بارلىعى جاقسى، بارلىعى كەرەمەت» دەپ ويلايدى، تۇركيا ەلىندە اينالاسىنداعىلاردى سايقى-مازاق ەتۋ ءۇشىن ايتىلاتىن كوممينيستەردىڭ ءبىر ولەڭى بار، ولار «ۆەر اللاحىم، حارام-حالالدى فاركتمەز، شولۋك شوشۋك يەرلەر» (بەر اللاحىم، حارام-حالالدى پارىق ەتپەستەن، ۇرپاعىمىز سودان جەسىن» دەيدى، ول (كوممينيست اقىن) بۇنى قالجىڭداپ ايتىپ جاتىر، ءبىراق ول كوممينيست، اللا ءجاللا ءجالالۋحۋدىڭ حيكىمەتى كەزكەلگەن جەردەن كەلە بەرەدى، ال ءمۇمين-مۇسىلمان ءۇشىن ونىڭ قايدان كەلگەنى ماڭىزدى ەمەس، پايعامبارىمىز ساللال-لاحۋ الەيحيس-سالام «حيكىمەتتى ءار جەردەن ىزدە» دەيدى، ال بۇندا ول (ولەڭىندە) وزدەرىن «مۇسىلمانبىز» دەپ جار سالاتىن، ناماز-قۇلشىلىق ەتەتىن، انا-مىنا ءىس قىلاتىن، الايدا، ارتىنان كەلىپ، «بالالارىمىزعا نە بولعان؟ ولارعا نە بولدى؟» دەيتىن ادامداردى (بالالارىن جاقسى تاربيەلەمەيتىن مۇسىلمانداردى) ايتىپ وتىر.

ءبىز ساق بولۋىمىز كەرەك، راسىندا، ءبىز وتە قيىن زاماندا تۇرمىز، قاتتى زامان، اسا ءحاۋىپتى زامان، اللا ءجاللا ءجالالۋحۋ ءبىزدىڭ بالالارىمىزدى جانە بارشا مۇسىلمانداردىڭ بالالارىن وسى بالە-قالالارمەن كەسىرلەردەن ساقتاعاي، بۇل وتە ۇلكەن بالە، وڭاي ەمەس، ولار ءار جەردە مۇميندەرگە شابۋىل جاساۋدا، ارينە، بۇندا ءولتىرىپ، قىرىپ، كۇيرەتىپ شابۋىل جاساۋ دەگەن بار، ءبىراق ناعىز شابۋىل دەگەنىمىز ولاردىڭ يمانىمىزعا جاساعان شابۋىلدارى بولماق، بۇل دا الدىندا ايتىلعان قىرىپ-جويىپ شابۋىلداۋدان ەش كەم ەمەس، ادام ولسە شاحيت بولادى، ءبىراق بۇندا ولار بالالاردىڭ يمانىن ولتىرۋدە، بۇل ءتىپتى دە قيتۇرقى بولماق. اللا ءجاللا ءجالالۋحۋ ءبىزدى جانە بالا-شاعامىزدى ەسەندىكتە ەتكەي، ءبىز راسىندا سونداي ءبىر قيىن زاماندا ءومىر ءسۇرىپ جاتىرمىز.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6852