Мазмұнды Көшіру

https://www.nvrislam.net/index.php?j=kz&post=6836
Сұхбат: жамандықты жақсылықпен қайтару (2023.05.26, 06 Зұл-Қада 1444)
Канада, Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим, «وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ» (туралықпен тақуалықта селбесіңдер, күнәмен зорекерлікте селбеспеңдер) (құран 05:02) делінеді, міне бұл Алла Әззә уә-Жәлләның бір-бірімізге қайырымдылықта және әрбір жақсы істе адамдарға көмектесуіміз үшін айтылған бұйрығы, бұл Алла Әззә уә-Жәлләдан пайғамбарымыз саллал-лаху әлейхис-саламға берілгем әмір еді.

Бұл адам баласының Алла Әззә уә-Жәлләмен және Оның елшілерімен бірге болудың қандай ұлы іс екендігін түсінуіне жеткілікті болмақ, олар адамдарға тек жақсылықты үйретті, оларды жақсылыққа қарай бастады, ешқашан адам баласы үшін еш жамандық қалаған жоқ, қайта олар бұл өмірлерінде адамдарды осы жамандықтардан құтқарып қалуға барын салып құлшынды. Бұндағы маңыздысы екінші өмір яғни нағыз өмір ақирет болмақ, ал мына дүние өмірі ештеңе емес, бұл өмір мәңгілікке салыстырғанда көзі ашып жұмғандай да сәт болмас.

Сондықтан, біз, иншалла, осы әмірге ереміз, демек, көмекшіл боламыз, біз әрдайым адамдарға жәрдем беруіміз керек, тіпті олар сізге жәрдемдеспесе де, тіпті олар сізге залал әкелсе де, сіз оларға жәрдем етіңіз, себебі сіз оларға (жақсы істе) көмек етсеңіз, сіз Алла Жәллә Жәләлухудың сүйікті пендесі боласыз әрі қуанышқа бөленесіз, бұл Алла Жәллә Жәләлухудың заңы, әмірі-дүр.

Көптеген әулиелер соншама жапа шексе де, адамдарға көмектесетін, олар зерігіп, жалыққан емес, тастап кеткен емес. «Саған зиян әкелген кісіге сабыр ету жақсы әдептен, ал оған сабыр етіп қана қоймай, қайтара жақсылық істей білген кісі нағыз абыройлы адам» деген сөз бар, мүмкін, сіз өзіңізге жамандық істеген адамға сабыр етерсіз немесе олардан аулақтанып қашып кетерсіз, алайда, сіз оларға сабыр етсеңіз әрі оларға жақсылық істей білсеңіз, нағыз абыройлы жан болғаныңыз, бірақ бұл аз ғана адамның қолынан келетін шаруа, ал бұлар әулиелер, Алла Жәллә Жәләлухудың сүйіктілері-дүр.

Манағы аяттың артында «وَلَا تَعَاوَنُوا عَلَى الْإِثْمِ وَالْعُدْوَانِ» (бірақ күнәмен зорекерлікте селбеспеңдер) (құран 05:02) делінеді, демек, «адамдарға залал әкелуде, оларға жамандық істеуде бір-біріңе көмектеспеңдер» дейді, бұны істемеңіздер, сіздің ру-тайпа, ел-жұртыңыз бұндай келеңсіздіктерді істеп жатса да, бірақ сіз оны істемеуіңіз керек, себебі адамдар бір-біріне әр істе көмек еткісі келеді, олардың кейбірі өзгелерге зұлымдық етіп жатса, кейбірі жамандық қылып жатады, ал бір тобы «бұны істемеңдер» деп ештеңе айтпас, бірақ сол жамандыққа көмек етер.

Бұндай істер ерте заманда көп туылған, ол хақында ясин сүресінде айтылып өткен. Сәйдина Иса әлейхис-саламның мүриттері «Антакия» деген қалаға барады, жақында Түркияда өте үлкен жер сілкініс сол жақта болды, Антакия - сол жер, ал бұл қаладағы бүкіл жұрт Сәйдина Иса әлейхис-саламның мүриттерін қабыл етпейді, ақиқатты да қабыл етпей қояды, ал ол арада өзі жақсы бір ағашшы ұста кісі бар болатын, оның есімі Нажжар еді, мағынасы «хабиб ұста» деген сөз, ол Антакия еліне «о жарандар, бұндай істемеңдер, олар жақсы адамдар, олар сендерді жамандықтан құтқарып, жақсы адам болуларың үшін кеңес беріп жатыр» дейді, алайда Антакия жұрты бұған қатты ашуланып, оны жерге алып ұрады да, аяқтарымен басып-жәншіп, таптап өлтіріп тастайды, бірақ ол сол кезде құрандағы ясин сүресіндегі мына сөзді айтқан еді, «ох, мен қандай болсам, менің елім де сондай болса» дейді, себебі ол жәннәтта, бірақ мына дүниеде оның жағдайы өте аянышты, сүркейлі болды, ел-жұрты оны аяқ астына басып таптап өлтірді, бірақ, солай бола тұрса да, ол еліне жақсы тілек тіледі, олар тіпті, ақиретте де адамдарға жақсылықпен қайыр тілейді. Алла Жәллә Жәләлуху бізді осындай адамдардан болуға ұмтылдырғай, иншалла.

Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: جاماندىقتى جاقسىلىقپەن قايتارۋ (2023.05.26، 06 زۇل-قادا 1444)
كانادا، يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم، «وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ» (تۋرالىقپەن تاقۋالىقتا سەلبەسىڭدەر، كۇنامەن زورەكەرلىكتە سەلبەسپەڭدەر) (قۇران 05:02) دەلىنەدى، مىنە بۇل اللا ءاززا ءۋا-ءجاللانىڭ ءبىر-بىرىمىزگە قايىرىمدىلىقتا جانە ءاربىر جاقسى ىستە ادامدارعا كومەكتەسۋىمىز ءۇشىن ايتىلعان بۇيرىعى، بۇل اللا ءاززا ءۋا-ءجاللادان پايعامبارىمىز ساللال-لاحۋ الەيحيس-سالامعا بەرىلگەم ءامىر ەدى.

بۇل ادام بالاسىنىڭ اللا ءاززا ءۋا-جاللامەن جانە ونىڭ ەلشىلەرىمەن بىرگە بولۋدىڭ قانداي ۇلى ءىس ەكەندىگىن تۇسىنۋىنە جەتكىلىكتى بولماق، ولار ادامدارعا تەك جاقسىلىقتى ۇيرەتتى، ولاردى جاقسىلىققا قاراي باستادى، ەشقاشان ادام بالاسى ءۇشىن ەش جاماندىق قالاعان جوق، قايتا ولار بۇل ومىرلەرىندە ادامداردى وسى جاماندىقتاردان قۇتقارىپ قالۋعا بارىن سالىپ قۇلشىندى. بۇنداعى ماڭىزدىسى ەكىنشى ءومىر ياعني ناعىز ءومىر اقيرەت بولماق، ال مىنا دۇنيە ءومىرى ەشتەڭە ەمەس، بۇل ءومىر ماڭگىلىككە سالىستىرعاندا كوزى اشىپ جۇمعانداي دا ءسات بولماس.

سوندىقتان، ءبىز، ينشاللا، وسى امىرگە ەرەمىز، دەمەك، كومەكشىل بولامىز، ءبىز ءاردايىم ادامدارعا جاردەم بەرۋىمىز كەرەك، ءتىپتى ولار سىزگە جاردەمدەسپەسە دە، ءتىپتى ولار سىزگە زالال اكەلسە دە، ءسىز ولارعا جاردەم ەتىڭىز، سەبەبى ءسىز ولارعا (جاقسى ىستە) كومەك ەتسەڭىز، ءسىز اللا ءجاللا ءجالالۋحۋدىڭ سۇيىكتى پەندەسى بولاسىز ءارى قۋانىشقا بولەنەسىز، بۇل اللا ءجاللا ءجالالۋحۋدىڭ زاڭى، ءامىرى-ءدۇر.

كوپتەگەن اۋليەلەر سونشاما جاپا شەكسە دە، ادامدارعا كومەكتەسەتىن، ولار زەرىگىپ، جالىققان ەمەس، تاستاپ كەتكەن ەمەس. «ساعان زيان اكەلگەن كىسىگە سابىر ەتۋ جاقسى ادەپتەن، ال وعان سابىر ەتىپ قانا قويماي، قايتارا جاقسىلىق ىستەي بىلگەن كىسى ناعىز ابىرويلى ادام» دەگەن ءسوز بار، مۇمكىن، ءسىز وزىڭىزگە جاماندىق ىستەگەن ادامعا سابىر ەتەرسىز نەمەسە ولاردان اۋلاقتانىپ قاشىپ كەتەرسىز، الايدا، ءسىز ولارعا سابىر ەتسەڭىز ءارى ولارعا جاقسىلىق ىستەي بىلسەڭىز، ناعىز ابىرويلى جان بولعانىڭىز، ءبىراق بۇل از عانا ادامنىڭ قولىنان كەلەتىن شارۋا، ال بۇلار اۋليەلەر، اللا ءجاللا ءجالالۋحۋدىڭ سۇيىكتىلەرى-ءدۇر.

ماناعى اياتتىڭ ارتىندا «وَلَا تَعَاوَنُوا عَلَى الْإِثْمِ وَالْعُدْوَانِ» (ءبىراق كۇنامەن زورەكەرلىكتە سەلبەسپەڭدەر) (قۇران 05:02) دەلىنەدى، دەمەك، «ادامدارعا زالال اكەلۋدە، ولارعا جاماندىق ىستەۋدە ءبىر-بىرىڭە كومەكتەسپەڭدەر» دەيدى، بۇنى ىستەمەڭىزدەر، ءسىزدىڭ رۋ-تايپا، ەل-جۇرتىڭىز بۇنداي كەلەڭسىزدىكتەردى ىستەپ جاتسا دا، ءبىراق ءسىز ونى ىستەمەۋىڭىز كەرەك، سەبەبى ادامدار ءبىر-بىرىنە ءار ىستە كومەك ەتكىسى كەلەدى، ولاردىڭ كەيبىرى وزگەلەرگە زۇلىمدىق ەتىپ جاتسا، كەيبىرى جاماندىق قىلىپ جاتادى، ال ءبىر توبى «بۇنى ىستەمەڭدەر» دەپ ەشتەڭە ايتپاس، ءبىراق سول جاماندىققا كومەك ەتەر.

بۇنداي ىستەر ەرتە زاماندا كوپ تۋىلعان، ول حاقىندا ياسين سۇرەسىندە ايتىلىپ وتكەن. ءسايدينا يسا الەيحيس-سالامنىڭ مۇريتتەرى «انتاكيا» دەگەن قالاعا بارادى، جاقىندا تۇركيادا وتە ۇلكەن جەر سىلكىنىس سول جاقتا بولدى، انتاكيا - سول جەر، ال بۇل قالاداعى بۇكىل جۇرت ءسايدينا يسا الەيحيس-سالامنىڭ مۇريتتەرىن قابىل ەتپەيدى، اقيقاتتى دا قابىل ەتپەي قويادى، ال ول ارادا ءوزى جاقسى ءبىر اعاششى ۇستا كىسى بار بولاتىن، ونىڭ ەسىمى ناججار ەدى، ماعىناسى «حابيب ۇستا» دەگەن ءسوز، ول انتاكيا ەلىنە «و جاراندار، بۇنداي ىستەمەڭدەر، ولار جاقسى ادامدار، ولار سەندەردى جاماندىقتان قۇتقارىپ، جاقسى ادام بولۋلارىڭ ءۇشىن كەڭەس بەرىپ جاتىر» دەيدى، الايدا انتاكيا جۇرتى بۇعان قاتتى اشۋلانىپ، ونى جەرگە الىپ ۇرادى دا، اياقتارىمەن باسىپ-ءجانشىپ، تاپتاپ ءولتىرىپ تاستايدى، ءبىراق ول سول كەزدە قۇرانداعى ياسين سۇرەسىندەگى مىنا ءسوزدى ايتقان ەدى، «وح، مەن قانداي بولسام، مەنىڭ ەلىم دە سونداي بولسا» دەيدى، سەبەبى ول ءجانناتتا، ءبىراق مىنا دۇنيەدە ونىڭ جاعدايى وتە ايانىشتى، سۇركەيلى بولدى، ەل-جۇرتى ونى اياق استىنا باسىپ تاپتاپ ءولتىردى، ءبىراق، سولاي بولا تۇرسا دا، ول ەلىنە جاقسى تىلەك تىلەدى، ولار ءتىپتى، اقيرەتتە دە ادامدارعا جاقسىلىقپەن قايىر تىلەيدى. اللا ءجاللا ءجالالۋحۋ ءبىزدى وسىنداي ادامداردان بولۋعا ۇمتىلدىرعاي، ينشاللا.

ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6836