Сұхбат: нәпсіңе құлақ салма (2023.05.04, 14 Шаууал 1444)
https://www.nvrislam.net/index.php?j=kz&post=6750
Сұхбат: нәпсіңе құлақ салма (2023.05.04, 14 Шаууал 1444)
Исламбол (Стамбул), Түркия
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Бисмиллахир рахманир рахим, «وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ» (біз адамды жараттық әрі оған оның нәпсісінің нені сыбырлап жатқанын білеміз, біз оған оның күре тамырынан да жақынбыз) (құран 50:16), садақаллахул ғазим.
Алла Әззә уә-Жәллә адамды жаратты әрі Алла Әззә уә-Жәллә «біз оның нәпсісі оған не сыбырлағанын білеміз» дейді, ештеңе жасырын емес, демек, Алла Әззә уә-Жәллә уәсуәсаны (сыбырды) және адамның нәпсісі не айтып жатқанын түгел біледі, сондықтан Алла Әззә уә-Жәллә «біз саған сенің күре тамырыңнан да жақынбыз» дер. Бүкіл барлығы Алла Жәллә Жәләлухудың құдірет мұхитында малтап, жүзіп жүр, адам, күллі жаратылыс және бүкіл әлем барлығы да, біз де барлығымыз Алла Әззә уә-Жәлләның құдіретінде жүзудеміз, Алла Жәллә Жәләлуху барлығын біледі.
Ал біздің нәпсіміз болса бізге уәсуәса жасап немесе құлшына жанталасып, бізді өзіне ерткісі келеді, көптеген адамдар нәпсілеріне ереді, әсіресе, біз ұдайы «ақырзаман» деп айтып жүрген осы заманда, нәпсісіне ермейтін адам өте аз, олар шанда бір кездеседі, ал қалғандары бүкілдей өз нәпсілерінің қалауларына тізе бүгіп, барлығын істейтін болған, олар сан түрлі заң-түзімдер жасап алған, адамдар «нәпсіңе қарсы келме, нәпсің не айтса соны істе, басқа ешкімді тыңдама, дінге, иманға, Аллаға, пайғамбарға құлақ салма, демек, ештеңе естіме, тек нәпсіңді есті, нәпсіңе ер де, өз қызығыңа бөлен» дер.
Алла Әззә уә-Жәллә «Мен сендердің нәпсілерің не айтып жатқанын білемін, Мен сендерге жақынмын» дейді, Ол тағы «нәпсіңе ілеспе, нәпсіңе бойұсынба» деп айтуда, пайғамбарымыз саллал-лаху әлейхис-салам да «нәпсілеріңе ермеңдер, нәпсің саған мініп алмасын, оған мінгізбе, қайта сен нәпсіңді мініп ал» дер.
Алайда бұл заманның адамдары нәпсілері нені қаласа, соған көңіл бөлетін болған, адамдар «сен есек сияқты бол, ал нәпсің саған мініп алсын, ол қайда барғысы келсе, сонда жүгір, ол саған қамшы салсын, ұрып сабасын, нәпсің абыройыңды түсіріп, қадіріңді кетірсін, құрышың сонда қанар, жамандық істеген сайын айызың қанып, қанағат табасың» дейді, ал Алла Әззә уә-Жәллә басқаша айтар, Ол «өзіңнің қадіріңді бұлай кетіріп, әтуеріңді жоғалытпа, одан сақтан, өзіңді бұндай кесірлі жағдайға түсіріп алма» дейді.
Айтып өткеніміздей, қазіргінің көптеген адамдары нәпсілеріне қарсы күресуді тастап кеткен, кейбір адамдар бар, олар «нәпсімізді қалай тәрбиелейміз? нәпсімізді қалай өлтіреміз?» деп сұрайды, нәпсі өлмейді, бірақ оны меңгеріп, басқаруыңызға болады, ал сіз оны «өлді» десеңіз, ол сізге дереу лап қойып, үстіңізден жүретін болады, нәпсі осылай аяқ асты тап беріп, сізді жұтып жібереді, сондықтан, адам тірі жүргенде, оның нәпсісі еш өлмес, ол сіз өлгенде ғана өледі.
Әрине, ұлы әулиелер өз нәпсілеріне қарсы орасан зор жихат (соғыс) жүргізеді, нәпсі сонда да олардан кетпейді, олар тәкәппарлықпен «мен нәпсімді өлтірдім» деп, нәпсілеріне қарсы соғысуды тастап кетпейді, олар ешқашан бұлай айтпас, бірақ олар өмірлерінің соңына дейін ұдайы нәпсісіне жихат жасап, оны меңгеруге құлшынады әрі осы мақсаттарына жетеді, олар нәпсіге сәл босаңдық танытса, нәпсі дереу семіріп, сізді алқымыңыздан ала түсетінін, төбеңізге шығып алатынын әбден біледі. Алла Жәллә Жәләлуху бізді нәпсіміздің кесірінен сақтағай, иншалла.
Уәмин Аллаһ ат-Тауфиқ, әл-Фатиха
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: ناپسىڭە قۇلاق سالما (2023.05.04، 14 شاۋۋال 1444)
يسلامبول (ستامبۋل)، تۇركيا
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
بيسميللاحير راحمانير راحيم، «وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ» (ءبىز ادامدى جاراتتىق ءارى وعان ونىڭ ءناپسىسىنىڭ نەنى سىبىرلاپ جاتقانىن بىلەمىز، ءبىز وعان ونىڭ كۇرە تامىرىنان دا جاقىنبىز) (قۇران 50:16)، ساداقاللاحۋل عازيم.
اللا ءاززا ءۋا-ءجاللا ادامدى جاراتتى ءارى اللا ءاززا ءۋا-ءجاللا «ءبىز ونىڭ ءناپسىسى وعان نە سىبىرلاعانىن بىلەمىز» دەيدى، ەشتەڭە جاسىرىن ەمەس، دەمەك، اللا ءاززا ءۋا-ءجاللا ءۋاسۋاسانى (سىبىردى) جانە ادامنىڭ ءناپسىسى نە ايتىپ جاتقانىن تۇگەل بىلەدى، سوندىقتان اللا ءاززا ءۋا-ءجاللا «ءبىز ساعان سەنىڭ كۇرە تامىرىڭنان دا جاقىنبىز» دەر. بۇكىل بارلىعى اللا ءجاللا ءجالالۋحۋدىڭ قۇدىرەت مۇحيتىندا مالتاپ، ءجۇزىپ ءجۇر، ادام، كۇللى جاراتىلىس جانە بۇكىل الەم بارلىعى دا، ءبىز دە بارلىعىمىز اللا ءاززا ءۋا-ءجاللانىڭ قۇدىرەتىندە جۇزۋدەمىز، اللا ءجاللا ءجالالۋحۋ بارلىعىن بىلەدى.
ال ءبىزدىڭ ءناپسىمىز بولسا بىزگە ءۋاسۋاسا جاساپ نەمەسە قۇلشىنا جانتالاسىپ، ءبىزدى وزىنە ەرتكىسى كەلەدى، كوپتەگەن ادامدار ناپسىلەرىنە ەرەدى، اسىرەسە، ءبىز ۇدايى «اقىرزامان» دەپ ايتىپ جۇرگەن وسى زاماندا، ناپسىسىنە ەرمەيتىن ادام وتە از، ولار شاندا ءبىر كەزدەسەدى، ال قالعاندارى بۇكىلدەي ءوز ناپسىلەرىنىڭ قالاۋلارىنا تىزە بۇگىپ، بارلىعىن ىستەيتىن بولعان، ولار سان ءتۇرلى زاڭ-تۇزىمدەر جاساپ العان، ادامدار «ناپسىڭە قارسى كەلمە، ءناپسىڭ نە ايتسا سونى ىستە، باسقا ەشكىمدى تىڭداما، دىنگە، يمانعا، اللاعا، پايعامبارعا قۇلاق سالما، دەمەك، ەشتەڭە ەستىمە، تەك ءناپسىڭدى ەستى، ناپسىڭە ەر دە، ءوز قىزىعىڭا بولەن» دەر.
اللا ءاززا ءۋا-ءجاللا «مەن سەندەردىڭ ناپسىلەرىڭ نە ايتىپ جاتقانىن بىلەمىن، مەن سەندەرگە جاقىنمىن» دەيدى، ول تاعى «ناپسىڭە ىلەسپە، ناپسىڭە بويۇسىنبا» دەپ ايتۋدا، پايعامبارىمىز ساللال-لاحۋ الەيحيس-سالام دا «ناپسىلەرىڭە ەرمەڭدەر، ءناپسىڭ ساعان ءمىنىپ الماسىن، وعان مىنگىزبە، قايتا سەن ءناپسىڭدى ءمىنىپ ال» دەر.
الايدا بۇل زاماننىڭ ادامدارى ناپسىلەرى نەنى قالاسا، سوعان كوڭىل بولەتىن بولعان، ادامدار «سەن ەسەك سياقتى بول، ال ءناپسىڭ ساعان ءمىنىپ السىن، ول قايدا بارعىسى كەلسە، سوندا جۇگىر، ول ساعان قامشى سالسىن، ۇرىپ ساباسىن، ءناپسىڭ ابىرويىڭدى ءتۇسىرىپ، ءقادىرىڭدى كەتىرسىن، قۇرىشىڭ سوندا قانار، جاماندىق ىستەگەن سايىن ايىزىڭ قانىپ، قاناعات تاباسىڭ» دەيدى، ال اللا ءاززا ءۋا-ءجاللا باسقاشا ايتار، ول «ءوزىڭنىڭ ءقادىرىڭدى بۇلاي كەتىرىپ، اتۋەرىڭدى جوعالىتپا، ودان ساقتان، ءوزىڭدى بۇنداي كەسىرلى جاعدايعا ءتۇسىرىپ الما» دەيدى.
ايتىپ وتكەنىمىزدەي، قازىرگىنىڭ كوپتەگەن ادامدارى ناپسىلەرىنە قارسى كۇرەسۋدى تاستاپ كەتكەن، كەيبىر ادامدار بار، ولار «ءناپسىمىزدى قالاي تاربيەلەيمىز؟ ءناپسىمىزدى قالاي ولتىرەمىز؟» دەپ سۇرايدى، ءناپسى ولمەيدى، ءبىراق ونى مەڭگەرىپ، باسقارۋىڭىزعا بولادى، ال ءسىز ونى «ءولدى» دەسەڭىز، ول سىزگە دەرەۋ لاپ قويىپ، ۇستىڭىزدەن جۇرەتىن بولادى، ءناپسى وسىلاي اياق استى تاپ بەرىپ، ءسىزدى جۇتىپ جىبەرەدى، سوندىقتان، ادام ءتىرى جۇرگەندە، ونىڭ ءناپسىسى ەش ولمەس، ول ءسىز ولگەندە عانا ولەدى.
ارينە، ۇلى اۋليەلەر ءوز ناپسىلەرىنە قارسى وراسان زور جيحات (سوعىس) جۇرگىزەدى، ءناپسى سوندا دا ولاردان كەتپەيدى، ولار تاكاپپارلىقپەن «مەن ءناپسىمدى ءولتىردىم» دەپ، ناپسىلەرىنە قارسى سوعىسۋدى تاستاپ كەتپەيدى، ولار ەشقاشان بۇلاي ايتپاس، ءبىراق ولار ومىرلەرىنىڭ سوڭىنا دەيىن ۇدايى ناپسىسىنە جيحات جاساپ، ونى مەڭگەرۋگە قۇلشىنادى ءارى وسى ماقساتتارىنا جەتەدى، ولار ناپسىگە ءسال بوساڭدىق تانىتسا، ءناپسى دەرەۋ سەمىرىپ، ءسىزدى القىمىڭىزدان الا تۇسەتىنىن، توبەڭىزگە شىعىپ الاتىنىن ابدەن بىلەدى. اللا ءجاللا ءجالالۋحۋ ءبىزدى ءناپسىمىزدىڭ كەسىرىنەن ساقتاعاي، ينشاللا.
ءۋامين اللاھ ات-تاۋفيق، ءال-فاتيحا
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6750