Мазмұнды Көшіру

https://www.nvrislam.net/index.php?j=kz&post=6741
Сұхбат: мүлтіксіз тамақтану әдісі (диета) (2023.04.29, 09 Шаууал 1444)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим, «فَلَيُغَيِّرُنَّ خَلْقَ اللَّهِ» (олар Алланың жаратылыстарын өзгертеді) (құран 04:119). Алла Әззә уә-Жәллә құран әзиму-шанда адамдар Алла Әззә уә-Жәллә жаратып қойған жаратылыстарды өзгеріткісі келетіндігін айтады, ал Алла Әззә уә-Жәллә барлығын әдемі, жарасымды, сұлу етіп жаратқан, Ол барлығын өз орнымен лайықтап жаратқан әрі Ол адамдарға барлығын жетерлік етіп қойған.

Алайда адам баласы оны ұнатпай, өздері басқа бірдеңелер жасағысы келеді, олар барлығына тәжірибе жасауда, әр түрлі нәрселерді тапқырлауда, олар сонымен бірге Алла Әззә уә-Жәллә жаратып қойған жаратылыстарды өзгертуде, ал олардың бұл нәрселерінің пішіні (формасы) қалыпты күйден өзгеше келеді. Ақырзаманда, әсіресе, соңғы отыз я қырық жылдан бері адам баласы осы нәрселерге онан арман қызыға бастады, демек, олар Алла Әззә уә-Жәлләның жаратып қойған жаратылыстарын ұнатпай, басқа бірдеңелер жасай бастады әрі олар «біз оларды тіпті де жақсы, тіпті де әдемі жасаймыз» деп ойлайды, бірақ олар көптеп бұған араласқан сайын, істері онан арман керісіне бағып, сорақыланып барады, олар жақсы шаруалар істеп жатқан жоқ. Ертеректе жұрт «"бір жағын жасаймын" деп жатып, тағы бір жағын бұзып алыпты» деп тәмсілдеуші еді, ал қазір бұлар бір жағын бұзып алған жоқ, бірақ бүкіл барлығын қиратып алып, өздері түгелдей қирандының астында қалып отыр, бұндай жағдай барлық нәрселерде туылуда.

Қасиетті пайғамбарымыз саллал-лаху әлейхис-салам адамдарға қалай өмір сүруді, қалай жеуді, қалай ішуді түгелдей айтып кеткен, демек, бүкіл барлығын пайғамбарымыз саллал-лаху әлейхис-салам айтып, нұсқап кеткен. Тамақ жегенде жеткілікті жеңіз де, нығыздалып тойудан бұрын дастарқаннан қолды тартыңыз, көп я артық жеп, тым тоя тамақтанбаңыз, асқазанның 1/3-ін тамаққа, 1/3-ін суға, 1/3-ін ауаға қалдырыңыз, сонда өзіңізді жәйлі сезінесіз, осыны істесеңіз ешбір тамақтану әдістемелерін (диета) қажет етпейтін боласыз.

Адамдар қазіргі кезде өз ойлары бойынша ел-жұртқа нұсқау көрсетіп «мынаны же, оны жеме, бұны істеме, ал ананы мүлдем жеме» дейді, мәселен, олар кейде «нанды (бидәй ұны) мүлдем жеме» дер, алайда нан Алла Жәллә Жәләлухудан адамдарға берілген бір берекелі ас, ол Оның береке-құты еді, адамзат сонау Адам әлейхис-салам пайғамбардан бері нан жеп келеді, ал сіз оны тастап, орнын етпен ауыстырасыз! олар бірсе «ет қана же» десе, біресе «көгөніс қана же» дейді, тек ет жеу немесе тек шөп (көгеніс) жеу жануарларда болатын қасиет, ал адам жануар емес қой, олардың бірі кем болса, адам ауырады, осы сияқты олардың біз біле бермейтін нәрселері көп, олардың не істеп жүргенін білмедім, олар содан соң «мен осылай істеп едім, жақсы болып қалдым» деп жар салады, алайда сіз Алла Әззә уә-Жәллә сыйлаған әрбір нығыметті жемей тұрып, жақсы бола алмайсыз.

Сіз әрбір (халал) нәрсені асқазаныңызға нығап, толтырып алмау шартымен жеуіңізге болады, пайғамбарымыз саллал-лаху әлейхис-салам айтып өткендей асқазанның 1/3-ін тамаққа, 1/3-ін суға, 1/3-ін ауаға қалдырыңыз, сонымен бірге тамаққа тойып алудан бұрын ауызды жеуден тиыңыз, демек, дастарқаннан қолды тартыңыз, егер сіз осыларды істей білсеңіз денсаулығыңыз кемелді болмақ, әйтпесе, сіз нәпсіңізді тежей алмай, асыра жеп, тым тойып алатын боласыз да, ешбір тамақтану әдісі де, арықтау әдісі де, тамақ тәртібі де, дәрі-дәрмек те, медитсина да сізге көмектесе алмайтын болады, одан соң сіз мәлім ауру-кеселмен, асыра салмақ семіздікпен күндеріңізді өткізесіз. Сіз әр жолы әр түрлі әдістері айтып, «мына дохтыр бізге "бәлен" дейді, ана профессор "түгілен" дейді, ол ер адам я мына әйел кісі "жақсырақ жолы мынау" деп жатыр» дейтін боласыз әрі сіз бар өміріңізді өзіңізге тәжірибе жасаумен кетіресіз, бірақ сіз қасиетті пайғамбарымыз саллал-лаху әлейхис-саламның ақыл-кеңес сөзіне құлақ асатын болсаңыз, барлығы да жеңіл, оңай және жәйлі болмақ.

Сонымен бірге, біз айтып өткендей, адамдар Алла Әззә уә-Жәллә жаратып қойған тамақтардың ішіне ана-мына дәрілер қосады, білмедік, олар сондай бірдеңелер қосатын болған, олар осы жолдар арқылы тәбиғатын өзгертіп жатыр, демек, олар Алла Әззә уә-Жәллә әуелде адамдарға пайдалы етіп жаратып қойған нәрселердің тәбиғатын өзгертіп, оларды адамдарға залалды нәрселерге айналдыруда, ал бұл адам баласына басқа жаңа ауру-кеселдермен жаңа мәселелерді пайда қылуда.

Адам баласы Алла Әззә уә-Жәлләмен бірге бола алса болғаны (еш мәселе туындамайды), Алла Әззә уә-Жәллә жаратушы-дүр, Алла Әззә уә-Жәллә пайғамбарымыз саллал-лаху әлейхис-салам арқылы бізге нені істеуіміз керектігінің барлығын көрсетіп қойған, ал оған кім ерсе, сенсе және бойұсынса, ол жәйлі, рахат жүретін болады, демек, олар бұл дүниеде де, ақиретте де жәйлі өмір өткізбек. Алла Жәллә Жәләлуху бізге осыларды істей білуге нәсіп еткей, иншалла.

Уәмин Аллаһ ат-Тауфиқ, әл-Фатиха
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw



سۇحبات: مۇلتىكسىز تاماقتانۋ ءادىسى (ديەتا) (2023.04.29، 09 شاۋۋال 1444)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم، «فَلَيُغَيِّرُنَّ خَلْقَ اللَّهِ» (ولار اللانىڭ جاراتىلىستارىن وزگەرتەدى) (قۇران 04:119). اللا ءاززا ءۋا-ءجاللا قۇران ءازيمۋ-شاندا ادامدار اللا ءاززا ءۋا-ءجاللا جاراتىپ قويعان جاراتىلىستاردى وزگەرىتكىسى كەلەتىندىگىن ايتادى، ال اللا ءاززا ءۋا-ءجاللا بارلىعىن ادەمى، جاراسىمدى، سۇلۋ ەتىپ جاراتقان، ول بارلىعىن ءوز ورنىمەن لايىقتاپ جاراتقان ءارى ول ادامدارعا بارلىعىن جەتەرلىك ەتىپ قويعان.

الايدا ادام بالاسى ونى ۇناتپاي، وزدەرى باسقا بىردەڭەلەر جاساعىسى كەلەدى، ولار بارلىعىنا تاجىريبە جاساۋدا، ءار ءتۇرلى نارسەلەردى تاپقىرلاۋدا، ولار سونىمەن بىرگە اللا ءاززا ءۋا-ءجاللا جاراتىپ قويعان جاراتىلىستاردى وزگەرتۋدە، ال ولاردىڭ بۇل نارسەلەرىنىڭ ءپىشىنى (فورماسى) قالىپتى كۇيدەن وزگەشە كەلەدى. اقىرزاماندا، اسىرەسە، سوڭعى وتىز يا قىرىق جىلدان بەرى ادام بالاسى وسى نارسەلەرگە ونان ارمان قىزىعا باستادى، دەمەك، ولار اللا ءاززا ءۋا-ءجاللانىڭ جاراتىپ قويعان جاراتىلىستارىن ۇناتپاي، باسقا بىردەڭەلەر جاساي باستادى ءارى ولار «ءبىز ولاردى ءتىپتى دە جاقسى، ءتىپتى دە ادەمى جاسايمىز» دەپ ويلايدى، ءبىراق ولار كوپتەپ بۇعان ارالاسقان سايىن، ىستەرى ونان ارمان كەرىسىنە باعىپ، سوراقىلانىپ بارادى، ولار جاقسى شارۋالار ىستەپ جاتقان جوق. ەرتەرەكتە جۇرت «"ءبىر جاعىن جاسايمىن" دەپ جاتىپ، تاعى ءبىر جاعىن بۇزىپ الىپتى» دەپ تامسىلدەۋشى ەدى، ال ءقازىر بۇلار ءبىر جاعىن بۇزىپ العان جوق، ءبىراق بۇكىل بارلىعىن قيراتىپ الىپ، وزدەرى تۇگەلدەي قيراندىنىڭ استىندا قالىپ وتىر، بۇنداي جاعداي بارلىق نارسەلەردە تۋىلۋدا.

قاسيەتتى پايعامبارىمىز ساللال-لاحۋ الەيحيس-سالام ادامدارعا قالاي ءومىر ءسۇرۋدى، قالاي جەۋدى، قالاي ءىشۋدى تۇگەلدەي ايتىپ كەتكەن، دەمەك، بۇكىل بارلىعىن پايعامبارىمىز ساللال-لاحۋ الەيحيس-سالام ايتىپ، نۇسقاپ كەتكەن. تاماق جەگەندە جەتكىلىكتى جەڭىز دە، نىعىزدالىپ تويۋدان بۇرىن داستارقاننان قولدى تارتىڭىز، كوپ يا ارتىق جەپ، تىم تويا تاماقتانباڭىز، اسقازاننىڭ 1/3-ءىن تاماققا، 1/3-ءىن سۋعا، 1/3-ءىن اۋاعا قالدىرىڭىز، سوندا ءوزىڭىزدى ءجايلى سەزىنەسىز، وسىنى ىستەسەڭىز ەشبىر تاماقتانۋ ادىستەمەلەرىن (ديەتا) قاجەت ەتپەيتىن بولاسىز.

ادامدار قازىرگى كەزدە ءوز ويلارى بويىنشا ەل-جۇرتقا نۇسقاۋ كورسەتىپ «مىنانى جە، ونى جەمە، بۇنى ىستەمە، ال انانى مۇلدەم جەمە» دەيدى، ماسەلەن، ولار كەيدە «ناندى (ءبيداي ۇنى) مۇلدەم جەمە» دەر، الايدا نان اللا ءجاللا ءجالالۋحۋدان ادامدارعا بەرىلگەن ءبىر بەرەكەلى اس، ول ونىڭ بەرەكە-قۇتى ەدى، ادامزات سوناۋ ادام الەيحيس-سالام پايعامباردان بەرى نان جەپ كەلەدى، ال ءسىز ونى تاستاپ، ورنىن ەتپەن اۋىستىراسىز! ولار بىرسە «ەت قانا جە» دەسە، بىرەسە «كوگونىس قانا جە» دەيدى، تەك ەت جەۋ نەمەسە تەك ءشوپ (كوگەنىس) جەۋ جانۋارلاردا بولاتىن قاسيەت، ال ادام جانۋار ەمەس قوي، ولاردىڭ ءبىرى كەم بولسا، ادام اۋىرادى، وسى سياقتى ولاردىڭ ءبىز بىلە بەرمەيتىن نارسەلەرى كوپ، ولاردىڭ نە ىستەپ جۇرگەنىن بىلمەدىم، ولار سودان سوڭ «مەن وسىلاي ىستەپ ەدىم، جاقسى بولىپ قالدىم» دەپ جار سالادى، الايدا ءسىز اللا ءاززا ءۋا-ءجاللا سىيلاعان ءاربىر نىعىمەتتى جەمەي تۇرىپ، جاقسى بولا المايسىز.

ءسىز ءاربىر (حالال) نارسەنى اسقازانىڭىزعا نىعاپ، تولتىرىپ الماۋ شارتىمەن جەۋىڭىزگە بولادى، پايعامبارىمىز ساللال-لاحۋ الەيحيس-سالام ايتىپ وتكەندەي اسقازاننىڭ 1/3-ءىن تاماققا، 1/3-ءىن سۋعا، 1/3-ءىن اۋاعا قالدىرىڭىز، سونىمەن بىرگە تاماققا تويىپ الۋدان بۇرىن اۋىزدى جەۋدەن تيىڭىز، دەمەك، داستارقاننان قولدى تارتىڭىز، ەگەر ءسىز وسىلاردى ىستەي بىلسەڭىز دەنساۋلىعىڭىز كەمەلدى بولماق، ايتپەسە، ءسىز ءناپسىڭىزدى تەجەي الماي، اسىرا جەپ، تىم تويىپ الاتىن بولاسىز دا، ەشبىر تاماقتانۋ ءادىسى دە، ارىقتاۋ ءادىسى دە، تاماق ءتارتىبى دە، ءدارى-دارمەك تە، مەديتسينا دا سىزگە كومەكتەسە المايتىن بولادى، ودان سوڭ ءسىز ءمالىم اۋرۋ-كەسەلمەن، اسىرا سالماق سەمىزدىكپەن كۇندەرىڭىزدى وتكىزەسىز. ءسىز ءار جولى ءار ءتۇرلى ادىستەرى ايتىپ، «مىنا دوحتىر بىزگە "بالەن" دەيدى، انا پروفەسسور "تۇگىلەن" دەيدى، ول ەر ادام يا مىنا ايەل كىسى "جاقسىراق جولى مىناۋ" دەپ جاتىر» دەيتىن بولاسىز ءارى ءسىز بار ءومىرىڭىزدى وزىڭىزگە تاجىريبە جاساۋمەن كەتىرەسىز، ءبىراق ءسىز قاسيەتتى پايعامبارىمىز ساللال-لاحۋ الەيحيس-سالامنىڭ اقىل-كەڭەس سوزىنە قۇلاق اساتىن بولساڭىز، بارلىعى دا جەڭىل، وڭاي جانە ءجايلى بولماق.

سونىمەن بىرگە، ءبىز ايتىپ وتكەندەي، ادامدار اللا ءاززا ءۋا-ءجاللا جاراتىپ قويعان تاماقتاردىڭ ىشىنە انا-مىنا دارىلەر قوسادى، بىلمەدىك، ولار سونداي بىردەڭەلەر قوساتىن بولعان، ولار وسى جولدار ارقىلى ءتابيعاتىن وزگەرتىپ جاتىر، دەمەك، ولار اللا ءاززا ءۋا-ءجاللا اۋەلدە ادامدارعا پايدالى ەتىپ جاراتىپ قويعان نارسەلەردىڭ ءتابيعاتىن وزگەرتىپ، ولاردى ادامدارعا زالالدى نارسەلەرگە اينالدىرۋدا، ال بۇل ادام بالاسىنا باسقا جاڭا اۋرۋ-كەسەلدەرمەن جاڭا ماسەلەلەردى پايدا قىلۋدا.

ادام بالاسى اللا ءاززا ءۋا-جاللامەن بىرگە بولا السا بولعانى (ەش ماسەلە تۋىندامايدى)، اللا ءاززا ءۋا-ءجاللا جاراتۋشى-ءدۇر، اللا ءاززا ءۋا-ءجاللا پايعامبارىمىز ساللال-لاحۋ الەيحيس-سالام ارقىلى بىزگە نەنى ىستەۋىمىز كەرەكتىگىنىڭ بارلىعىن كورسەتىپ قويعان، ال وعان كىم ەرسە، سەنسە جانە بويۇسىنسا، ول ءجايلى، راحات جۇرەتىن بولادى، دەمەك، ولار بۇل دۇنيەدە دە، اقيرەتتە دە ءجايلى ءومىر وتكىزبەك. اللا ءجاللا ءجالالۋحۋ بىزگە وسىلاردى ىستەي بىلۋگە ءناسىپ ەتكەي، ينشاللا.

ءۋامين اللاھ ات-تاۋفيق، ءال-فاتيحا
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6741