Сұхбат: біз бұл дүниеге қонақпыз (2023.04.28, 08 Шаууал 1444)
https://www.nvrislam.net/index.php?j=kz&post=6739
Сұхбат: біз бұл дүниеге қонақпыз (2023.04.28, 08 Шаууал 1444)
Исламбол (Стамбул), Түркия
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Пайғамбарымыз саллал-лаху әлейхис-саламның әрбір берекеге толы сөздері нағыз жауһар еді, оның айтқан әрбір сөзі адамдарға жол көрсететін нұр болмақ, демек, оның сөздерді жолды жарқырата түседі, кім оның сөздеріне ерсе амандыққа жетеді, ал кім ермесе, ол құритын болады.
Пайғамбарымыз саллал-лаху әлейхис-салам киелі бір сөзінде «бұл дүниеден бейне жолдан өтіп бара жатқандай өтіп кет, бұл дүниеге бейне қонаққа келген кісі сияқты бол» дейді, міне бұл оның айтқан сөзі, «كَأَنَّكَ غَرِيبٌ أَوْ عَابِرُ سَبِيل» (бейтаныс жандай немесе жолдан өтіп бара жатқан кісідей бол) делінер, демек, жолдан өтіп бара жатқан кісі сияқты болыңыз, бұл жер біздің тұрақтап қалатын жеріміз емес екендігіне көңіл бөліңіз, тіпті сіз онда тоқтаған күнде де, ол жол тоқтамайды, ол сізді сырғытып алға сүйреп алып кетпек, демек, ол сізді өліміңізге қарай жетектеп барады.
Сондықтан, бұл дүниенің ешбір пайдасы жоқ екендігіне көз жеткізіңіз, бұл анық болсын, «қаншалық жақсылық, қаншалық құлшылық істей аласыз, еш күтпестен оларды шамаңыз жеткенінше істей беріңіз» дейді пайғамбарымыз саллал-лаху әлейхис-салам, олар сіздің істегендей көңіл-күйде болғаныңызды, құлшылық ете бастауыңызды күтіп тұрмайды. Жоқ, бұларды істейтіндер де, құлшылық етпейтіндер де осы жолдағы жолаушылар, олардың барлығы ақиретке жол тартқан жолаушылар, мақсатты жері - ақирет, ешкім бұл дүниеде қалып қоймақ емес, Алла Әззә уә-Жәлләдан басқаның барлығы өліммен сыналады, әрбір нәрсенің, демек, тастан темірге дейін бүкіл барлығының соңы бар, ал күллі адам балалары да өздерінің ақырына қарай кетіп барады, тас та, жан-жануарлар да кетіп барады.
Бұл - жол, осы жолды жақсы білсеңіз, жолдың соңы да жақсы болмақ, баратын мақсатты жерді біліңіз және оны анық таныңыз, бірақ оны білместен жәйша желіп жүре бермеңіз, надандық-ғәфилеттік (немқұрайдылық) қиын нәрсе, білместік қиын нәрсе, олар - хауіпті. Егер сіз мәлім бір жаққа бармақшы болсаңыз әрі ол жақты білмесеңіз, «біз қайда бара жатырмыз? біз не істеудеміз?» деп сұрайсыз ғой, ал оны ешкім білмесе, жұрт алаңдай бастайды.
Алайда, Алла Әззә уә-Жәллә жолды көрсетіп қойған, Ол біздің мақсатты жерімізді, қайда бара жатқанымызды көрсетті, демек, Ол бүкіл барлығын өте анық етіп көрсетіп қойған, бірақ сонда да адам баласы бұл жолға сенбеуде, оны қабыл етпеуде, олар мейлі қабыл етсін, мейлі қабыл етпесін, олар ең соңында ақиретке, қабырға және қияметке баратын болады.
Пайғамбарымыз саллал-лаху әлейхис-салам «қиямет жақын, бірақ адамдар одан алыс» дейді, пайғамбарымыз саллал-лаху әлейхис-саламның тағы бір хадисінде «адамдардың өлімі - олардың қияметі» деп айтылған, себебі сіз қабырыңызға салынасыз, ал кейін қиямет болғанда, ол (қабыр өмірі) сізге бір сағат сияқты ғана көрінер, тіпті мыңдаған жылдар өтсе де (бір сағат сияқты болар), ол еш маңызды емес, демек, өлімнен соң дереу қиямет келмек.
Сондықтан, сақ болыңыз да, жолыңызды біліңіз, осыларды анықтап, алдын ала сәйкесті дайындықтарды жасаңыз, ал бұндағы дайындық дегеніміз Алла Жәллә Жәләлухудың жолында жүру, Алла Жәллә Жәләлухудың әмірлеріне бойұсыну болмақ. Алла Әззә уә-Жәллә аса рахымды, Ол адамдар істей алмайтын жұмысты әмір етпейді, олардың барлығы оңай, құлшылық ету сіздер істеп жүрген көптеген істерден көп жеңіл, бірақ шайтан адамдарды алдап, оны қиын етіп көрсетеді. Алла Жәллә Жәләлуху бізді панасына алғай әрі жолымызды жарық, нұрлы еткей, иншалла.
Уәмин Аллаһ ат-Тауфиқ, әл-Фатиха
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: ءبىز بۇل دۇنيەگە قوناقپىز (2023.04.28، 08 شاۋۋال 1444)
يسلامبول (ستامبۋل)، تۇركيا
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
پايعامبارىمىز ساللال-لاحۋ الەيحيس-سالامنىڭ ءاربىر بەرەكەگە تولى سوزدەرى ناعىز جاۋھار ەدى، ونىڭ ايتقان ءاربىر ءسوزى ادامدارعا جول كورسەتەتىن نۇر بولماق، دەمەك، ونىڭ سوزدەردى جولدى جارقىراتا تۇسەدى، كىم ونىڭ سوزدەرىنە ەرسە اماندىققا جەتەدى، ال كىم ەرمەسە، ول قۇريتىن بولادى.
پايعامبارىمىز ساللال-لاحۋ الەيحيس-سالام كيەلى ءبىر سوزىندە «بۇل دۇنيەدەن بەينە جولدان ءوتىپ بارا جاتقانداي ءوتىپ كەت، بۇل دۇنيەگە بەينە قوناققا كەلگەن كىسى سياقتى بول» دەيدى، مىنە بۇل ونىڭ ايتقان ءسوزى، «كَأَنَّكَ غَرِيبٌ أَوْ عَابِرُ سَبِيل» (بەيتانىس جانداي نەمەسە جولدان ءوتىپ بارا جاتقان كىسىدەي بول) دەلىنەر، دەمەك، جولدان ءوتىپ بارا جاتقان كىسى سياقتى بولىڭىز، بۇل جەر ءبىزدىڭ تۇراقتاپ قالاتىن جەرىمىز ەمەس ەكەندىگىنە كوڭىل ءبولىڭىز، ءتىپتى ءسىز وندا توقتاعان كۇندە دە، ول جول توقتامايدى، ول ءسىزدى سىرعىتىپ العا سۇيرەپ الىپ كەتپەك، دەمەك، ول ءسىزدى ولىمىڭىزگە قاراي جەتەكتەپ بارادى.
سوندىقتان، بۇل دۇنيەنىڭ ەشبىر پايداسى جوق ەكەندىگىنە كوز جەتكىزىڭىز، بۇل انىق بولسىن، «قانشالىق جاقسىلىق، قانشالىق قۇلشىلىق ىستەي الاسىز، ەش كۇتپەستەن ولاردى شاماڭىز جەتكەنىنشە ىستەي بەرىڭىز» دەيدى پايعامبارىمىز ساللال-لاحۋ الەيحيس-سالام، ولار ءسىزدىڭ ىستەگەندەي كوڭىل-كۇيدە بولعانىڭىزدى، قۇلشىلىق ەتە باستاۋىڭىزدى كۇتىپ تۇرمايدى. جوق، بۇلاردى ىستەيتىندەر دە، قۇلشىلىق ەتپەيتىندەر دە وسى جولداعى جولاۋشىلار، ولاردىڭ بارلىعى اقيرەتكە جول تارتقان جولاۋشىلار، ماقساتتى جەرى - اقيرەت، ەشكىم بۇل دۇنيەدە قالىپ قويماق ەمەس، اللا ءاززا ءۋا-ءجاللادان باسقانىڭ بارلىعى ولىممەن سىنالادى، ءاربىر نارسەنىڭ، دەمەك، تاستان تەمىرگە دەيىن بۇكىل بارلىعىنىڭ سوڭى بار، ال كۇللى ادام بالالارى دا وزدەرىنىڭ اقىرىنا قاراي كەتىپ بارادى، تاس تا، جان-جانۋارلار دا كەتىپ بارادى.
بۇل - جول، وسى جولدى جاقسى بىلسەڭىز، جولدىڭ سوڭى دا جاقسى بولماق، باراتىن ماقساتتى جەردى ءبىلىڭىز جانە ونى انىق تانىڭىز، ءبىراق ونى بىلمەستەن ءجايشا جەلىپ جۇرە بەرمەڭىز، ناداندىق-عافيلەتتىك (نەمقۇرايدىلىق) قيىن نارسە، بىلمەستىك قيىن نارسە، ولار - ءحاۋىپتى. ەگەر ءسىز ءمالىم ءبىر جاققا بارماقشى بولساڭىز ءارى ول جاقتى بىلمەسەڭىز، «ءبىز قايدا بارا جاتىرمىز؟ ءبىز نە ىستەۋدەمىز؟» دەپ سۇرايسىز عوي، ال ونى ەشكىم بىلمەسە، جۇرت الاڭداي باستايدى.
الايدا، اللا ءاززا ءۋا-ءجاللا جولدى كورسەتىپ قويعان، ول ءبىزدىڭ ماقساتتى جەرىمىزدى، قايدا بارا جاتقانىمىزدى كورسەتتى، دەمەك، ول بۇكىل بارلىعىن وتە انىق ەتىپ كورسەتىپ قويعان، ءبىراق سوندا دا ادام بالاسى بۇل جولعا سەنبەۋدە، ونى قابىل ەتپەۋدە، ولار مەيلى قابىل ەتسىن، مەيلى قابىل ەتپەسىن، ولار ەڭ سوڭىندا اقيرەتكە، قابىرعا جانە قيامەتكە باراتىن بولادى.
پايعامبارىمىز ساللال-لاحۋ الەيحيس-سالام «قيامەت جاقىن، ءبىراق ادامدار ودان الىس» دەيدى، پايعامبارىمىز ساللال-لاحۋ الەيحيس-سالامنىڭ تاعى ءبىر حاديسىندە «ادامداردىڭ ءولىمى - ولاردىڭ قيامەتى» دەپ ايتىلعان، سەبەبى ءسىز قابىرىڭىزعا سالىناسىز، ال كەيىن قيامەت بولعاندا، ول (قابىر ءومىرى) سىزگە ءبىر ساعات سياقتى عانا كورىنەر، ءتىپتى مىڭداعان جىلدار وتسە دە (ءبىر ساعات سياقتى بولار)، ول ەش ماڭىزدى ەمەس، دەمەك، ولىمنەن سوڭ دەرەۋ قيامەت كەلمەك.
سوندىقتان، ساق بولىڭىز دا، جولىڭىزدى ءبىلىڭىز، وسىلاردى انىقتاپ، الدىن الا سايكەستى دايىندىقتاردى جاساڭىز، ال بۇنداعى دايىندىق دەگەنىمىز اللا ءجاللا ءجالالۋحۋدىڭ جولىندا ءجۇرۋ، اللا ءجاللا ءجالالۋحۋدىڭ امىرلەرىنە بويۇسىنۋ بولماق. اللا ءاززا ءۋا-ءجاللا اسا راحىمدى، ول ادامدار ىستەي المايتىن جۇمىستى ءامىر ەتپەيدى، ولاردىڭ بارلىعى وڭاي، قۇلشىلىق ەتۋ سىزدەر ىستەپ جۇرگەن كوپتەگەن ىستەردەن كوپ جەڭىل، ءبىراق شايتان ادامداردى الداپ، ونى قيىن ەتىپ كورسەتەدى. اللا ءجاللا ءجالالۋحۋ ءبىزدى پاناسىنا العاي ءارى جولىمىزدى جارىق، نۇرلى ەتكەي، ينشاللا.
ءۋامين اللاھ ات-تاۋفيق، ءال-فاتيحا
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6739