Мазмұнды Көшіру

https://www.nvrislam.net/index.php?j=kz&post=6710
Сұхбат: бүгін үш той қатар келді (2023.04.21, 01 Шаууал 1444)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Алла Жәллә Жәләлуху айт мереке-тойларымызды құтты еткей, берекелі еткей, оны Алла Жәллә Жәләлуху өз құзырында қабыл еткей, Алла Әззә уә-Жәллә айтта періштелерге мұсылмандардың істеген істері үшін берілетін сауаптарды көрсетеді әрі оған Өзі риза болады, сондықтан, айттарыңыз берекелі болғай.

Осы мерекелер нағыз мереке, нағыз той болмақ, қазір «мереке» делініп жүрген көптеген мереке күндері бар, бірақ оларда еш игілік те, береке де, құт та жоқ, қысқасы оларда ештеңе жоқ, Алла Әззә уә-Жәллә бағалап, құн берген нәрселер нағыз асыл-дүр, ал қалғандарында еш қадір-қымбат болмас, тіпті олар көрер көзге құны бардай көрінгенімен, біраз уақыттар өткен соң, олардың еш қадірі жоқ құнсыз нәрселер екендігі айқындала түседі, ал адамдар болса оған уақыттарын, өмірлерін ысырап етеді, басқа дәнеңе жоқ.

Шүкір-Алла, бүгін - айт күні, Алла Жәллә Жәләлухуға тағы да шүкірліктер болсын, жұрт «екі айт мерекесі бар» дейді, оның бірі идул-фитр (ораза айт) болса, енді бірі иду-әдха (құрбан айт), бұлар да мереке-мейрамға, тойға жатады, бұлар тойға жататындықтан, елден естіген сөзіне сене беретін кейбір кісілер «осы екі айттың арасында үйлену тойлары болмауы керек» деп айтып жүр, демек, олар «осы кезде үйлену болмасын, ораза айтпен құрбан айт арасында емес, бірақ жұма күні болсын» дер, алайда, жұма күні мұсылмандардың қасиетті күні емеспе, той болуға орай да жоқ, уақыт та жетіспей қалар, жұма күні той жасауда тұрған еш мәселе жоқ, оған рұхсат, бірақ жұма күні уақыт тығыз болып, жеткілікті уақыт шықпай қалады, осылайша кейбір адамдар күнә емес істі күнә іс немесе рұхсат етілген істі рұхсат етілмеген іс қылып көрсетеді, бұндай істер еш маңызы жоқ дүниелер.

Шүкір-Алла, бүгін бізде екі той болғалы жатыр (ораза айт және жұма), ал үшінші тойымыз, бүгін григориян жылнамасы (календыр) бойынша Мәуләнә Шайық Назым әулиенің туылған күні болмақ яғни 21-әпірел ол осы дүниеге келген берекелі бір күн, ол біз үшін қуанышпен жеңілдікке бір жол болмақ, себебі біз біраз уақыт бұрын оқыған құран аятында «أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ» (расында Алланың достарында қорқыныш та, қайғы да болмайды) (құран 10:62) делінген еді, демек, әулиелерде ешбір қорқыныш болмас, қайығ-мұң да болмас, олар тек Алла Жәллә Жәләлухудан қорқады, олар Алла Жәллә Жәләлухуға нағыз инанып сенгендер әрі Одан шынайы қорқатындар, олар бұл дүниеде де, ақиретте де жақсылыққа толы шүйіншілі хабарлармен әлде қашан шүйіншіленіп қойылған жандар, бұл расында аса зор іс-дүр.

Себебі адамдар бұнда мына дүниеге барынша сүңгіп кіріп кеткен, сонымен бірге олар «бүкіл барлығын осы дүниеден таба аламыз» деп ойлайды да, ақиретті ұмытып, оны назарларынан тыс қалдырған, ал әулиелер үшін бұл дүниеде де барлығы жақсы болмақ, себебі Алла Жәллә Жәләлуху оларға жәрдем беріп тұрады, Алла Жәллә Жәләлуху оларды олардың ақиреті туралы да жақсы хабарлармен шүйіншілеп қойған. «لَا تَبْدِيلَ لِكَلِمَاتِ اللَّهِ» (Алланың сөзінде өзгеріс болмайды) (құран 10:64) делінер, демек, Алла Әззә уә-Жәлләның сөзін өзгертуге келмейді, Алла Жәллә Жәләлухудың уәдесі хақ-дүр.

Сондықтан, бүгін біз үшін қуанатын үшінші бір себеп бар әрі біз оны да бірге құттықтап жатырмыз, сонымен бірге біз Мәуләнәның етегінде тұрғанымыз үшін Алла Жәллә Жәләлухуға шүкірліктер айтамыз, дүниежүзі бойынша құтылыс үшін оның етегінен жармасып алған жүз-мыңдаған, милиондаған адам бар, біз онымен бірге болғанымыз үшін Алла Жәллә Жәләлухуға шүкірліктер айтуымыз керек.

Хадис шәрифте Алла Жәллә Жәләлухудың ең сүйікті адамдарының барлығы «عِيَالُ اللّهِ» (ғялул-лаһ) яғни Алла Жәллә Жәләлуху жаратқан қызметкерлер, сонымен бірге осы ең сүйікті болған адамдар «أَنْفَعُهُمْ لِعِيَالهِ» (әнфағухум лил-лаһ), демек, Алла Жәллә Жәләлухудың пенделеріне пайдалы болған адамдар Алла Әззә уә-Жәлләның құзіретінде ең сүйікті, ең сүйкімді адамдар болмақ.

Әулие дегеніміз уәли, ол - сүйікті жан, ол - сүйілген жан, ал біз үшін маңыздысы ана адам я мына адам жағынан сүйілуіміз емес, қайта Алла Жәллә Жәләлуху жағынан сүйілуіміз болмақ, Алла Жәллә Жәләлуху сізді сүйсе болғаны, өзге барлығы да сізді сүйетін болады, бірақ Алла Жәллә Жәләлуху сізді сүймесе, мейлі не істесеңіз де, сізге ешкім көңіл бөлмес я сүймес, Алла Жәллә Жәләлуху өзгелерге өзі сүйген пендесін сүйдіріп қояды, әрине, жақсы адамдар жағынан сүйілу маңызды болмақ, алайда жаман адамдар жағынан сүйілмеуіңіз жақсы іс болмақ, бұл да бір нығымет, сонда жақсылар жақсылармен бірге болар, егер Алла Жәллә Жәләлуху қалап жаманға хидят берсе, ол да игі-жақсылардан болмақ.

Жақсылықпен игіліктің, ғапумен кешірімнің және тәубенің қақпасы айқара ашық, ол жабылған жоқ, қателікті кешіретін Алла Әззә уә-Жәллә, егер сіз бұл дүниеде мәлім қателік істеп қойсаңыз, сонымен бірге ол үшін тәубе етіп, кешірім сұрасаңыз да адамдар сізді түрмеге салып жібереді немесе сізді кезкелген сәйкесті жазамен жазалайды, бұдан басқа жақсы талғам жоқ, алайда Алла Әззә уә-Жәллә олай емес, Ол кешіреді.

Сондықтан, Алла Жәллә Жәләлухудың жолына қосылыңыз, сонда Алла Жәллә Жәләлуху сүйетін адамдардың қатарынан боласыз әрі жақсы хабармен шүйіншіленесіз. Баршаңыз бұнда да, ақиретте де игілікке жетіңіздер, міне бұл Алла Әззә уә-Жәлләның уәдесі.

Уәмин Аллаһ ат-Тауфиқ, әл-Фатиха
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw



سۇحبات: بۇگىن ءۇش توي قاتار كەلدى (2023.04.21، 01 شاۋۋال 1444)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

اللا ءجاللا ءجالالۋحۋ ايت مەرەكە-تويلارىمىزدى قۇتتى ەتكەي، بەرەكەلى ەتكەي، ونى اللا ءجاللا ءجالالۋحۋ ءوز قۇزىرىندا قابىل ەتكەي، اللا ءاززا ءۋا-ءجاللا ايتتا پەرىشتەلەرگە مۇسىلمانداردىڭ ىستەگەن ىستەرى ءۇشىن بەرىلەتىن ساۋاپتاردى كورسەتەدى ءارى وعان ءوزى ريزا بولادى، سوندىقتان، ايتتارىڭىز بەرەكەلى بولعاي.

وسى مەرەكەلەر ناعىز مەرەكە، ناعىز توي بولماق، ءقازىر «مەرەكە» دەلىنىپ جۇرگەن كوپتەگەن مەرەكە كۇندەرى بار، ءبىراق ولاردا ەش يگىلىك تە، بەرەكە دە، قۇت تا جوق، قىسقاسى ولاردا ەشتەڭە جوق، اللا ءاززا ءۋا-ءجاللا باعالاپ، قۇن بەرگەن نارسەلەر ناعىز اسىل-ءدۇر، ال قالعاندارىندا ەش ءقادىر-قىمبات بولماس، ءتىپتى ولار كورەر كوزگە قۇنى بارداي كورىنگەنىمەن، ءبىراز ۋاقىتتار وتكەن سوڭ، ولاردىڭ ەش ءقادىرى جوق قۇنسىز نارسەلەر ەكەندىگى ايقىندالا تۇسەدى، ال ادامدار بولسا وعان ۋاقىتتارىن، ومىرلەرىن ىسىراپ ەتەدى، باسقا دانەڭە جوق.

شۇكىر-اللا، بۇگىن - ايت كۇنى، اللا ءجاللا ءجالالۋحۋعا تاعى دا شۇكىرلىكتەر بولسىن، جۇرت «ەكى ايت مەرەكەسى بار» دەيدى، ونىڭ ءبىرى يدۋل-فيتر (ورازا ايت) بولسا، ەندى ءبىرى يدۋ-ءادحا (قۇربان ايت)، بۇلار دا مەرەكە-مەيرامعا، تويعا جاتادى، بۇلار تويعا جاتاتىندىقتان، ەلدەن ەستىگەن سوزىنە سەنە بەرەتىن كەيبىر كىسىلەر «وسى ەكى ايتتىڭ اراسىندا ۇيلەنۋ تويلارى بولماۋى كەرەك» دەپ ايتىپ ءجۇر، دەمەك، ولار «وسى كەزدە ۇيلەنۋ بولماسىن، ورازا ايتپەن قۇربان ايت اراسىندا ەمەس، ءبىراق جۇما كۇنى بولسىن» دەر، الايدا، جۇما كۇنى مۇسىلمانداردىڭ قاسيەتتى كۇنى ەمەسپە، توي بولۋعا وراي دا جوق، ۋاقىت تا جەتىسپەي قالار، جۇما كۇنى توي جاساۋدا تۇرعان ەش ماسەلە جوق، وعان رۇحسات، ءبىراق جۇما كۇنى ۋاقىت تىعىز بولىپ، جەتكىلىكتى ۋاقىت شىقپاي قالادى، وسىلايشا كەيبىر ادامدار كۇنا ەمەس ءىستى كۇنا ءىس نەمەسە رۇحسات ەتىلگەن ءىستى رۇحسات ەتىلمەگەن ءىس قىلىپ كورسەتەدى، بۇنداي ىستەر ەش ماڭىزى جوق دۇنيەلەر.

شۇكىر-اللا، بۇگىن بىزدە ەكى توي بولعالى جاتىر (ورازا ايت جانە جۇما)، ال ءۇشىنشى تويىمىز، بۇگىن گريگوريان جىلناماسى (كالەندىر) بويىنشا ءماۋلانا شايىق نازىم اۋليەنىڭ تۋىلعان كۇنى بولماق ياعني 21-اپىرەل ول وسى دۇنيەگە كەلگەن بەرەكەلى ءبىر كۇن، ول ءبىز ءۇشىن قۋانىشپەن جەڭىلدىككە ءبىر جول بولماق، سەبەبى ءبىز ءبىراز ۋاقىت بۇرىن وقىعان قۇران اياتىندا «أَلَا إِنَّ أَءوْلِيَاَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ» (راسىندا اللانىڭ دوستارىندا قورقىنىش تا، قايعى دا بولمايدى) (قۇران 10:62) دەلىنگەن ەدى، دەمەك، اۋليەلەردە ەشبىر قورقىنىش بولماس، قايىع-مۇڭ دا بولماس، ولار تەك اللا ءجاللا ءجالالۋحۋدان قورقادى، ولار اللا ءجاللا ءجالالۋحۋعا ناعىز ينانىپ سەنگەندەر ءارى ودان شىنايى قورقاتىندار، ولار بۇل دۇنيەدە دە، اقيرەتتە دە جاقسىلىققا تولى ءشۇيىنشىلى حابارلارمەن الدە قاشان شۇيىنشىلەنىپ قويىلعان جاندار، بۇل راسىندا اسا زور ءىس-ءدۇر.

سەبەبى ادامدار بۇندا مىنا دۇنيەگە بارىنشا سۇڭگىپ كىرىپ كەتكەن، سونىمەن بىرگە ولار «بۇكىل بارلىعىن وسى دۇنيەدەن تابا الامىز» دەپ ويلايدى دا، اقيرەتتى ۇمىتىپ، ونى نازارلارىنان تىس قالدىرعان، ال اۋليەلەر ءۇشىن بۇل دۇنيەدە دە بارلىعى جاقسى بولماق، سەبەبى اللا ءجاللا ءجالالۋحۋ ولارعا جاردەم بەرىپ تۇرادى، اللا ءجاللا ءجالالۋحۋ ولاردى ولاردىڭ اقيرەتى تۋرالى دا جاقسى حابارلارمەن شۇيىنشىلەپ قويعان. «لَا تَبْدِيلَ لِكَلِمَاتِ اللَّهِ» (اللانىڭ سوزىندە وزگەرىس بولمايدى) (قۇران 10:64) دەلىنەر، دەمەك، اللا ءاززا ءۋا-ءجاللانىڭ ءسوزىن وزگەرتۋگە كەلمەيدى، اللا ءجاللا ءجالالۋحۋدىڭ ۋادەسى حاق-ءدۇر.

سوندىقتان، بۇگىن ءبىز ءۇشىن قۋاناتىن ءۇشىنشى ءبىر سەبەپ بار ءارى ءبىز ونى دا بىرگە قۇتتىقتاپ جاتىرمىز، سونىمەن بىرگە ءبىز ءماۋلانانىڭ ەتەگىندە تۇرعانىمىز ءۇشىن اللا ءجاللا ءجالالۋحۋعا شۇكىرلىكتەر ايتامىز، دۇنيەجۇزى بويىنشا قۇتىلىس ءۇشىن ونىڭ ەتەگىنەن جارماسىپ العان ءجۇز-مىڭداعان، ميليونداعان ادام بار، ءبىز ونىمەن بىرگە بولعانىمىز ءۇشىن اللا ءجاللا ءجالالۋحۋعا شۇكىرلىكتەر ايتۋىمىز كەرەك.

حاديس شاريفتە اللا ءجاللا ءجالالۋحۋدىڭ ەڭ سۇيىكتى ادامدارىنىڭ بارلىعى «عِيَالُ اللّهِ» (عيالۋل-لاھ) ياعني اللا ءجاللا ءجالالۋحۋ جاراتقان قىزمەتكەرلەر، سونىمەن بىرگە وسى ەڭ سۇيىكتى بولعان ادامدار «أَنْفَعُهُمْ لِعِيَالهِ» (ءانفاعۋحۋم ليل-لاھ)، دەمەك، اللا ءجاللا ءجالالۋحۋدىڭ پەندەلەرىنە پايدالى بولعان ادامدار اللا ءاززا ءۋا-ءجاللانىڭ قۇزىرەتىندە ەڭ سۇيىكتى، ەڭ سۇيكىمدى ادامدار بولماق.

اۋليە دەگەنىمىز ءۋالي، ول - سۇيىكتى جان، ول - سۇيىلگەن جان، ال ءبىز ءۇشىن ماڭىزدىسى انا ادام يا مىنا ادام جاعىنان ءسۇيىلۋىمىز ەمەس، قايتا اللا ءجاللا ءجالالۋحۋ جاعىنان ءسۇيىلۋىمىز بولماق، اللا ءجاللا ءجالالۋحۋ ءسىزدى سۇيسە بولعانى، وزگە بارلىعى دا ءسىزدى سۇيەتىن بولادى، ءبىراق اللا ءجاللا ءجالالۋحۋ ءسىزدى سۇيمەسە، مەيلى نە ىستەسەڭىز دە، سىزگە ەشكىم كوڭىل بولمەس يا سۇيمەس، اللا ءجاللا ءجالالۋحۋ وزگەلەرگە ءوزى سۇيگەن پەندەسىن ءسۇيدىرىپ قويادى، ارينە، جاقسى ادامدار جاعىنان ءسۇيىلۋ ماڭىزدى بولماق، الايدا جامان ادامدار جاعىنان سۇيىلمەۋىڭىز جاقسى ءىس بولماق، بۇل دا ءبىر نىعىمەت، سوندا جاقسىلار جاقسىلارمەن بىرگە بولار، ەگەر اللا ءجاللا ءجالالۋحۋ قالاپ جامانعا حيديات بەرسە، ول دا يگى-جاقسىلاردان بولماق.

جاقسىلىقپەن يگىلىكتىڭ، عاپۋمەن كەشىرىمنىڭ جانە تاۋبەنىڭ قاقپاسى ايقارا اشىق، ول جابىلعان جوق، قاتەلىكتى كەشىرەتىن اللا ءاززا ءۋا-ءجاللا، ەگەر ءسىز بۇل دۇنيەدە ءمالىم قاتەلىك ىستەپ قويساڭىز، سونىمەن بىرگە ول ءۇشىن تاۋبە ەتىپ، كەشىرىم سۇراساڭىز دا ادامدار ءسىزدى تۇرمەگە سالىپ جىبەرەدى نەمەسە ءسىزدى كەزكەلگەن سايكەستى جازامەن جازالايدى، بۇدان باسقا جاقسى تالعام جوق، الايدا اللا ءاززا ءۋا-ءجاللا ولاي ەمەس، ول كەشىرەدى.

سوندىقتان، اللا ءجاللا ءجالالۋحۋدىڭ جولىنا قوسىلىڭىز، سوندا اللا ءجاللا ءجالالۋحۋ سۇيەتىن ادامداردىڭ قاتارىنان بولاسىز ءارى جاقسى حابارمەن شۇيىنشىلەنەسىز. بارشاڭىز بۇندا دا، اقيرەتتە دە يگىلىككە جەتىڭىزدەر، مىنە بۇل اللا ءاززا ءۋا-ءجاللانىڭ ۋادەسى.

ءۋامين اللاھ ات-تاۋفيق، ءال-فاتيحا
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6710