Мазмұнды Көшіру

https://www.nvrislam.net/index.php?j=kz&post=6682
Сұхбат: ораза хақында (2023.04.07, 16 Рамадан 1444)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бұл қасиетті айдың игілігін айтып тауысуға келмейді, ораза ұстау барлық қауымдарда болған, ол сонау Адам әлейхис-саламнан бастап, әрбір мұсылманға, барлық пайғамбарларға, Алла Жәллә Жәләлуху жолындағыларға парыз болған, Алла Жәллә Жәләлуху аят-кәримдерде бізге де ораза ұстау парыз екендігін айтқан.

Тағы айтар болсақ, дінсіз немесе қыңыр сенімдердегі адамдар да нәпсісін тәрбиелеу үшін ораза ұстайды, алайда олар пайдасыз, бос істермен әбігер болып жүр, себебі мейлі не істеңіз де, бірақ оныңыз сізді Алла Әззә уә-Жәлләға апармаса, ол бос іс болмақ, одан еш пайда келмес, сіз Алла Әззә уә-Жәллә жолында болыңыз, сонда ғана ол көрнеу не көмес игіліктер беретін болады, демек, тәндік және рухани игіліктер Алла Жәллә Жәләлухумен бірге болғандарда болмақ, осы нығыметтер берілген адамдар, расында бағы зор жандар. Көптеген мұсылмандар бар, бірақ олардың көбі ораза ұстамайды, намаз оқымайды, дін жәйлі да ештеңе білмейді, сонда да олар «біз мұсылманбыз» дер, демек, оларға бұл нығыметтер нәсіп болмады, Алла Жәллә Жәләлуху оларға хидаят бергей, оларға да осы әдемі нығыметтердің дәмін татқызғай.

Бұл дәмді еш жерден таба алмайсыз, ол күпірлікпен күнә ішінде жүргендерге бұйырмайды, бірақ бұл дәм иманмен ғана келер, адамдар әр нәрсенің дәмін татып көрген соң, олар оны істейді, әйтпесе ол пайда бермес, зиян әкелер, бұндайда сіз тек денеңізді асырап жатқан біреу ғана боласыз, денені тамақтандырып семірту хайуандарға тән қасиет, бұл соларға арналған басты ерекшелік, біз малдарды борлап бағып семіртеміз, сосын оларды пайдаланамыз, алайда көп жеп, денеңізді асырай беру, сізге зиянды болмақ, денеңіз үлкейіп, семірген сайын, ол сізге тіпті де хауіпті бола түспек, шындығында, бұны олар өздері де біледі, бүкіл жұртта бұл істен хабардар, семіре берсеңіз, денеңіз үлкейіп, салмағыңыз артады, ал бұл денсаулығыңызға залалды, сондықтан олар ұдайы салмақ арттырмау жәйлі ескерту беріп жатады, бұлар күллі жұртқа белгілі іс.

Сол үшін сіз денеңізді емес, рухыңызды тамақтандырыңыз, ал рухыңызды құлшылық, намаз, ораза, садақамен және Алла Әззә уә-Жәлләға бойұсыну арқылы, пайғамбарымыз саллал-лаху әлейхис-саламға деген махаббат арқылы, ол айтқан ізгілермен мүминдерді сүйу арқылы тамақтандырамыз, сіздің рухыңызға пайдалы тамақтар міне осылар болмақ, олар - рухтың асы, егер осыларды істей білсеңіз болғаны барлығы сізге жақсы болмақ, бұндайда денеңіздің үлкен я кішілігі еш мәселе емес, ал керісінше болып, сіз бұларға еш көңіл бөле білмесеңіз, хаша мина әл-худір, сіз атын айтуға келмейтін хайуандар бар ғой, демек, адамдардың солардан еш парқы қалмас әрі олардың ең семізі болмақ, Алла Жәллә Жәләлуху бізді панасына алғай.

Рамазан айында ораза ұстап, ауыз бекітудің өз әдебімен заңы бар, адамдар оның белгілемесі бойынша ауыз ашуы керек, қасиетті пайғамбарымыз саллал-лаху әлейхис-салам «ауызды құрмамен ашыңдар» дейді, құрмада денеге қажетті барлық қоректіктер бар, егер бір адам әр күні бес-алты немесе он құрма жесе, ол басқа нәрселерді жемеуіне болады, дене өзіне қажетті қоректікті одан алады, алайда, әрине, адамдар олай істеуіне болмас, сіз құрмамен ауыз ашып, одан соң басқа нәрсе жеңіз, егер құрма жоқ болса сумен ашыңыз, пайғамбарымыз саллал-лаху әлейхис-салам осылай дейді, кейде құрма таба алмай қаламыз, осы кезде сумен ауыз ашсаңыз болады, әрине, одан соң оразада намаз, тарауих намаз және тәхажүт намаз сияқты құлшылықтарға көңіл бөлмек керек.

Сонмен бірге, «сахурға (ауыз бекітетін ас) тұрыңдар» дейді мүбәрәк пайғамбарымыз саллал-лаху әлейхис-салам, әрине, әмір етілген сахур уақытының өз игіліктері бар, пайғамбарымыз саллал-лаху әлейхис-салам «сахур - береке» дейді, осы берекеден алып қалуңыз үшін сахурға тұрыңыз, пайғамбарымыз саллал-лаху әлейхис-салам тағы да «وَلَو بِشَرْبَةِ مَاءٍ» (тіпті бір ұрттам су болсада) дер, демек, сахур ниетімен бір ұрттам су ішсеңіз де, ол сахур болар, пайғамбарымыз саллал-лаху әлейхис-салам осыларды істеуге бұйырады, сахурсыз қалмаңыз, сахурда жеген нәрселер сұралмайды, біз оны жаңа ғана хадис шәрифтен оқыдық, Алла Жәллә Жәләлуху сахурға есеп жүргізбейді, демек, мейлі сахур, мейлі ифтар, мейлі бауырлармен бірге жеген тамақ болсын, сіз олардан сұралмайсыз.

Пайғамбарымыз саллал-лаху әлейхис-салам «сахур бізді басқа қауымдарға ұқсатпай тұрады» дейді, себебі басқалар бұрын ораза ұстаған кезде тек қана ифтар жейтін, демек, олар кеште ғана тамақ жеп, 24 сағат бойы ештеңе жемейтін, алайда сахур біз үшін денсаулықпен сауап тұрғысынан берекелі етілді, Алла Әззә уә-Жәллә сахурды бізге берді, демек, ұммати Мұхамматке берді.

Алла Жәллә Жәләлуху оны берекелі еткей, Ол ораза ұстамайтындарға хидаят бергей, сонда олар ораза ұстайтын болады, кейбір адамдар елдің алдында тәкәппарлықпен ауыз ашады әрі онысына мақтанып бөспелікке салынады, Алла Жәллә Жәләлуху оларға да хидят бергей, бұдан басқа біздің айтарымыз жоқ, олар мүсіркелуге тиісті адамдар, олар бөспеулері керек еді, ал біз болсақ оларға ашуланбайық.

Уәмин Аллаһ ат-Тауфиқ, әл-Фатиха
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw



سۇحبات: ورازا حاقىندا (2023.04.07، 16 رامادان 1444)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بۇل قاسيەتتى ايدىڭ يگىلىگىن ايتىپ تاۋىسۋعا كەلمەيدى، ورازا ۇستاۋ بارلىق قاۋىمداردا بولعان، ول سوناۋ ادام الەيحيس-سالامنان باستاپ، ءاربىر مۇسىلمانعا، بارلىق پايعامبارلارعا، اللا ءجاللا ءجالالۋحۋ جولىنداعىلارعا پارىز بولعان، اللا ءجاللا ءجالالۋحۋ ايات-كاريمدەردە بىزگە دە ورازا ۇستاۋ پارىز ەكەندىگىن ايتقان.

تاعى ايتار بولساق، ءدىنسىز نەمەسە قىڭىر سەنىمدەردەگى ادامدار دا ءناپسىسىن تاربيەلەۋ ءۇشىن ورازا ۇستايدى، الايدا ولار پايداسىز، بوس ىستەرمەن ابىگەر بولىپ ءجۇر، سەبەبى مەيلى نە ىستەڭىز دە، ءبىراق ونىڭىز ءسىزدى اللا ءاززا ءۋا-ءجاللاعا اپارماسا، ول بوس ءىس بولماق، ودان ەش پايدا كەلمەس، ءسىز اللا ءاززا ءۋا-ءجاللا جولىندا بولىڭىز، سوندا عانا ول كورنەۋ نە كومەس يگىلىكتەر بەرەتىن بولادى، دەمەك، تاندىك جانە رۋحاني يگىلىكتەر اللا ءجاللا جالالۋحۋمەن بىرگە بولعانداردا بولماق، وسى نىعىمەتتەر بەرىلگەن ادامدار، راسىندا باعى زور جاندار. كوپتەگەن مۇسىلماندار بار، ءبىراق ولاردىڭ كوبى ورازا ۇستامايدى، ناماز وقىمايدى، ءدىن ءجايلى دا ەشتەڭە بىلمەيدى، سوندا دا ولار «ءبىز مۇسىلمانبىز» دەر، دەمەك، ولارعا بۇل نىعىمەتتەر ءناسىپ بولمادى، اللا ءجاللا ءجالالۋحۋ ولارعا حيدايات بەرگەي، ولارعا دا وسى ادەمى نىعىمەتتەردىڭ ءدامىن تاتقىزعاي.

بۇل ءدامدى ەش جەردەن تابا المايسىز، ول كۇپىرلىكپەن كۇنا ىشىندە جۇرگەندەرگە بۇيىرمايدى، ءبىراق بۇل ءدام يمانمەن عانا كەلەر، ادامدار ءار نارسەنىڭ ءدامىن تاتىپ كورگەن سوڭ، ولار ونى ىستەيدى، ايتپەسە ول پايدا بەرمەس، زيان اكەلەر، بۇندايدا ءسىز تەك دەنەڭىزدى اسىراپ جاتقان بىرەۋ عانا بولاسىز، دەنەنى تاماقتاندىرىپ سەمىرتۋ حايۋاندارعا ءتان قاسيەت، بۇل سولارعا ارنالعان باستى ەرەكشەلىك، ءبىز مالداردى بورلاپ باعىپ سەمىرتەمىز، سوسىن ولاردى پايدالانامىز، الايدا كوپ جەپ، دەنەڭىزدى اسىراي بەرۋ، سىزگە زياندى بولماق، دەنەڭىز ۇلكەيىپ، سەمىرگەن سايىن، ول سىزگە ءتىپتى دە ءحاۋىپتى بولا تۇسپەك، شىندىعىندا، بۇنى ولار وزدەرى دە بىلەدى، بۇكىل جۇرتتا بۇل ىستەن حاباردار، سەمىرە بەرسەڭىز، دەنەڭىز ۇلكەيىپ، سالماعىڭىز ارتادى، ال بۇل دەنساۋلىعىڭىزعا زالالدى، سوندىقتان ولار ۇدايى سالماق ارتتىرماۋ ءجايلى ەسكەرتۋ بەرىپ جاتادى، بۇلار كۇللى جۇرتقا بەلگىلى ءىس.

سول ءۇشىن ءسىز دەنەڭىزدى ەمەس، رۋحىڭىزدى تاماقتاندىرىڭىز، ال رۋحىڭىزدى قۇلشىلىق، ناماز، ورازا، ساداقامەن جانە اللا ءاززا ءۋا-ءجاللاعا بويۇسىنۋ ارقىلى، پايعامبارىمىز ساللال-لاحۋ الەيحيس-سالامعا دەگەن ماحاببات ارقىلى، ول ايتقان ىزگىلەرمەن مۇميندەردى ءسۇيۋ ارقىلى تاماقتاندىرامىز، ءسىزدىڭ رۋحىڭىزعا پايدالى تاماقتار مىنە وسىلار بولماق، ولار - رۋحتىڭ اسى، ەگەر وسىلاردى ىستەي بىلسەڭىز بولعانى بارلىعى سىزگە جاقسى بولماق، بۇندايدا دەنەڭىزدىڭ ۇلكەن يا كىشىلىگى ەش ماسەلە ەمەس، ال كەرىسىنشە بولىپ، ءسىز بۇلارعا ەش كوڭىل بولە بىلمەسەڭىز، حاشا مينا ءال-ءحۋدىر، ءسىز اتىن ايتۋعا كەلمەيتىن حايۋاندار بار عوي، دەمەك، ادامداردىڭ سولاردان ەش پارقى قالماس ءارى ولاردىڭ ەڭ سەمىزى بولماق، اللا ءجاللا ءجالالۋحۋ ءبىزدى پاناسىنا العاي.

رامازان ايىندا ورازا ۇستاپ، اۋىز بەكىتۋدىڭ ءوز ادەبىمەن زاڭى بار، ادامدار ونىڭ بەلگىلەمەسى بويىنشا اۋىز اشۋى كەرەك، قاسيەتتى پايعامبارىمىز ساللال-لاحۋ الەيحيس-سالام «اۋىزدى قۇرمامەن اشىڭدار» دەيدى، قۇرمادا دەنەگە قاجەتتى بارلىق قورەكتىكتەر بار، ەگەر ءبىر ادام ءار كۇنى بەس-التى نەمەسە ون قۇرما جەسە، ول باسقا نارسەلەردى جەمەۋىنە بولادى، دەنە وزىنە قاجەتتى قورەكتىكتى ودان الادى، الايدا، ارينە، ادامدار ولاي ىستەۋىنە بولماس، ءسىز قۇرمامەن اۋىز اشىپ، ودان سوڭ باسقا نارسە جەڭىز، ەگەر قۇرما جوق بولسا سۋمەن اشىڭىز، پايعامبارىمىز ساللال-لاحۋ الەيحيس-سالام وسىلاي دەيدى، كەيدە قۇرما تابا الماي قالامىز، وسى كەزدە سۋمەن اۋىز اشساڭىز بولادى، ارينە، ودان سوڭ ورازادا ناماز، تاراۋيح ناماز جانە ءتاحاجۇت ناماز سياقتى قۇلشىلىقتارعا كوڭىل بولمەك كەرەك.

سونمەن بىرگە، «ساحۋرعا (اۋىز بەكىتەتىن اس) تۇرىڭدار» دەيدى مۇباراك پايعامبارىمىز ساللال-لاحۋ الەيحيس-سالام، ارينە، ءامىر ەتىلگەن ساحۋر ۋاقىتىنىڭ ءوز يگىلىكتەرى بار، پايعامبارىمىز ساللال-لاحۋ الەيحيس-سالام «ساحۋر - بەرەكە» دەيدى، وسى بەرەكەدەن الىپ قالۋڭىز ءۇشىن ساحۋرعا تۇرىڭىز، پايعامبارىمىز ساللال-لاحۋ الەيحيس-سالام تاعى دا «وَلَو بِشَرْبَةِ ءمَاٍ» (ءتىپتى ءبىر ۇرتتام سۋ بولسادا) دەر، دەمەك، ساحۋر نيەتىمەن ءبىر ۇرتتام سۋ ىشسەڭىز دە، ول ساحۋر بولار، پايعامبارىمىز ساللال-لاحۋ الەيحيس-سالام وسىلاردى ىستەۋگە بۇيىرادى، ساحۋرسىز قالماڭىز، ساحۋردا جەگەن نارسەلەر سۇرالمايدى، ءبىز ونى جاڭا عانا حاديس شاريفتەن وقىدىق، اللا ءجاللا ءجالالۋحۋ ساحۋرعا ەسەپ جۇرگىزبەيدى، دەمەك، مەيلى ساحۋر، مەيلى يفتار، مەيلى باۋىرلارمەن بىرگە جەگەن تاماق بولسىن، ءسىز ولاردان سۇرالمايسىز.

پايعامبارىمىز ساللال-لاحۋ الەيحيس-سالام «ساحۋر ءبىزدى باسقا قاۋىمدارعا ۇقساتپاي تۇرادى» دەيدى، سەبەبى باسقالار بۇرىن ورازا ۇستاعان كەزدە تەك قانا يفتار جەيتىن، دەمەك، ولار كەشتە عانا تاماق جەپ، 24 ساعات بويى ەشتەڭە جەمەيتىن، الايدا ساحۋر ءبىز ءۇشىن دەنساۋلىقپەن ساۋاپ تۇرعىسىنان بەرەكەلى ەتىلدى، اللا ءاززا ءۋا-ءجاللا ساحۋردى بىزگە بەردى، دەمەك، ۇمماتي مۇحامماتكە بەردى.

اللا ءجاللا ءجالالۋحۋ ونى بەرەكەلى ەتكەي، ول ورازا ۇستامايتىندارعا حيدايات بەرگەي، سوندا ولار ورازا ۇستايتىن بولادى، كەيبىر ادامدار ەلدىڭ الدىندا تاكاپپارلىقپەن اۋىز اشادى ءارى ونىسىنا ماقتانىپ بوسپەلىككە سالىنادى، اللا ءجاللا ءجالالۋحۋ ولارعا دا حيديات بەرگەي، بۇدان باسقا ءبىزدىڭ ايتارىمىز جوق، ولار مۇسىركەلۋگە ءتيىستى ادامدار، ولار بوسپەۋلەرى كەرەك ەدى، ال ءبىز بولساق ولارعا اشۋلانبايىق.

ءۋامين اللاھ ات-تاۋفيق، ءال-فاتيحا
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6682