You are using an outdated browser. For a faster, safer browsing experience, upgrade for free today.

Сұхбат: жаман ой, теріс жорамалға салынбаңыз (2023.03.27, 05 Рамадан 1444)



https://www.nvrislam.net/index.php?j=kz&post=6646
Сұхбат: жаман ой, теріс жорамалға салынбаңыз (2023.03.27, 05 Рамадан 1444)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим, «يَـٰٓأَيُّهَا ٱلَّذِينَ ءَامَنُوا۟ ٱجْتَنِبُوا۟ كَثِيرًا مِّنَ ٱلظَّنِّ إِنَّ بَعْضَ ٱلظَّنِّ إِثْمٌ ۖ وَلَا تَجَسَّسُوا۟ وَلَا يَغْتَب بَّعْضُكُم بَعْضًا» (о иман келтіргендер, жаман, теріс жорамалдан аулақ болыңдар, расында, дәлелсіз жорамал күнәға жатады, бір-біріңді аңдымаңдар немесе өсектемеңдер) (құран 49:12) делінеді.

Алла Әззә уә-Жәллә құран әзиму-шанда «жаман ойламаңдар, теріс жорамалдамаңдар» дейді, демек, жаман ой ойламаңыз, ол күнә-дүр, ал күнә болған жерде, адамдарға залал келеді, «ол осы ма, әлде басқа ма? олар маған не істеп жатыр?» деген сияқты жаман ойлар, теріс жорамал-долбарлар адамды мазасыздыққа итермелейді, сондықтан, Алла Әззә уә-Жәллә құран әзиму-шанда бұндай қылықтың жаман екендігін айтуда, жаман ойда болмаңыз, әрбір нәрсені жақсы оймен түсіндіріңіз, сонда игілік келер, жақсы ойда болыңыз.

Қазіргі адамдар бұрынғылар сияқты емес, олар жаман ойлармен теріс жорамалдарға көптеп берілетін болған, ал жаман ой ойлау еш жақсылық емес, мейлі қандай болмасын, олар бұл хақында сақ болғаны жөн, сонда оларға өзгелерден де жамандық келмейтін болады, міне бұл мүминдерде болуға тиісті естиярлық-дүр, олар ненің жаман ненің жақсы екендігін білуі керек, егер адамдардың имандары күшті болса, олар бұны біледі, ал имандары әлсіз болса, олар әркім жәйлі жаман ой ойлайтын болады, мейлі олар жақсы немесе жаман адамдар хақында болсын, тек жаман ойда болады да, еш жақсы ой ойлай білмейді.

Жақсы ойда бола білу - мүминдердің міндеті, мүмин қандай адамның жаман ойда болатынын және кімнің жамандық істей алатынын біледі, сонымен бірге ол олардан қорықпайды, ал иманы әлсіз адамдар көрінген нәрседен қорқады да, «олар өйтпекші, олар бүйтпекші ...» деген ойда жүреді. Қазір бір түрлі адамдар пайда болды, жұрт оларға барса, олар үнемі «анау сені оқытып тастаған, мынау саған сиқыр жасаған (жын бар т.б), жолыңды байлаған, олар ананы істеген, мынаны істеген ...» деп айтады, міне осылай осы адамдар ел-жұртты алжастырып, оларды кім көрінген жәйлі жаман ойда болуға онан арман итермелейтін болған, демек, олар жұрттың көбірек жаман ой ойлауына «көмектесіп» жатыр.

Бұндай істер адамдарға жәйсыздық алып келеді, себебі кімнің не істеп жүргені және оларға сондай бірдеңелерді істеп жүргендердің бар-жоқтығы анық емес, ал бұндай жағдайда жұрт айналасындағы кезкелген адамдар жәйлі жаман ой ойлап, елдің барлығынан күмәнданатын болады, бірақ шындығында олардың айналасында жүрген бұл адамдарда қателік жоқ, олар ештеңе де еткен жоқ, міне осылай жоқ жерден адамдардың арасында өзара өшпенділік пайда болады, адамды шаршатып, мезі ететін жеккөрушіліктермен ашу-ызалар туындайды.

Сондықтан, Алла Әззә уә-Жәллә бізге жақсылықты жол етіп көрсетеді әрі бізді сол жақсылыққа қарай қадам басуға бағыттайды, жақсылық жақсылықты шақырады, ал жамандық жамандықты шақырады. Мінеки, сол үшін біз ешбір жаман ой, жорамал, болжам және күмәндарда болмауымыз керек, сақ болалық, адамдарға махаббатпен қаралық, жеккөрушілікпен қарамалық, осылай етсеңіз, ең кемінде өзіңізді расында бұзық-жаман келетін адамдардың кесірлерінен қорғап қалатын боласыз, ал керісінше болып, жаман ойларда жүрсек, жаман адам түгілі, жақсы адам да «жаман адамға» айналып кетеді. Алла Жәллә Жәләлуху бізді панасына алғай, теріс ойлылық, жаман ойда болу - нәпсінің бір кеселі, Алла Жәллә Жәләлуху бізге жәрдем бергей, бізді нәпсімізге бой ұрудан сақтағай.

Уәмин Аллаһ ат-Тауфиқ, әл-Фатиха
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: جامان وي، تەرىس جورامالعا سالىنباڭىز (2023.03.27، 05 رامادان 1444)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم، «يَـٰٓأَيُّهَا ٱلَّذِينَ َءامَنُوا۟ ٱجْتَنِبُوا۟ كَثِيرًا مِّنَ ٱلظَّنِّ إِنَّ بَعْضَ ٱلظَّنِّ إِثْمٌ ۖ وَلَا تَجَسَّسُوا۟ وَلَا يَغْتَب بَّعْضُكُم بَعْضًا» (و يمان كەلتىرگەندەر، جامان، تەرىس جورامالدان اۋلاق بولىڭدار، راسىندا، دالەلسىز جورامال كۇناعا جاتادى، ءبىر-ءبىرىڭدى اڭدىماڭدار نەمەسە وسەكتەمەڭدەر) (قۇران 49:12) دەلىنەدى.

اللا ءاززا ءۋا-ءجاللا قۇران ءازيمۋ-شاندا «جامان ويلاماڭدار، تەرىس جورامالداماڭدار» دەيدى، دەمەك، جامان وي ويلاماڭىز، ول كۇنا-ءدۇر، ال كۇنا بولعان جەردە، ادامدارعا زالال كەلەدى، «ول وسى ما، الدە باسقا ما؟ ولار ماعان نە ىستەپ جاتىر؟» دەگەن سياقتى جامان ويلار، تەرىس جورامال-دولبارلار ادامدى مازاسىزدىققا يتەرمەلەيدى، سوندىقتان، اللا ءاززا ءۋا-ءجاللا قۇران ءازيمۋ-شاندا بۇنداي قىلىقتىڭ جامان ەكەندىگىن ايتۋدا، جامان ويدا بولماڭىز، ءاربىر نارسەنى جاقسى ويمەن ءتۇسىندىرىڭىز، سوندا يگىلىك كەلەر، جاقسى ويدا بولىڭىز.

قازىرگى ادامدار بۇرىنعىلار سياقتى ەمەس، ولار جامان ويلارمەن تەرىس جورامالدارعا كوپتەپ بەرىلەتىن بولعان، ال جامان وي ويلاۋ ەش جاقسىلىق ەمەس، مەيلى قانداي بولماسىن، ولار بۇل حاقىندا ساق بولعانى ءجون، سوندا ولارعا وزگەلەردەن دە جاماندىق كەلمەيتىن بولادى، مىنە بۇل مۇميندەردە بولۋعا ءتيىستى ەستيارلىق-ءدۇر، ولار نەنىڭ جامان نەنىڭ جاقسى ەكەندىگىن ءبىلۋى كەرەك، ەگەر ادامداردىڭ يماندارى كۇشتى بولسا، ولار بۇنى بىلەدى، ال يماندارى ءالسىز بولسا، ولار اركىم ءجايلى جامان وي ويلايتىن بولادى، مەيلى ولار جاقسى نەمەسە جامان ادامدار حاقىندا بولسىن، تەك جامان ويدا بولادى دا، ەش جاقسى وي ويلاي بىلمەيدى.

جاقسى ويدا بولا ءبىلۋ - مۇميندەردىڭ مىندەتى، ءمۇمين قانداي ادامنىڭ جامان ويدا بولاتىنىن جانە كىمنىڭ جاماندىق ىستەي الاتىنىن بىلەدى، سونىمەن بىرگە ول ولاردان قورىقپايدى، ال يمانى ءالسىز ادامدار كورىنگەن نارسەدەن قورقادى دا، «ولار ويتپەكشى، ولار بۇيتپەكشى ...» دەگەن ويدا جۇرەدى. ءقازىر ءبىر ءتۇرلى ادامدار پايدا بولدى، جۇرت ولارعا بارسا، ولار ۇنەمى «اناۋ سەنى وقىتىپ تاستاعان، مىناۋ ساعان سيقىر جاساعان (جىن بار ت.ب)، جولىڭدى بايلاعان، ولار انانى ىستەگەن، مىنانى ىستەگەن ...» دەپ ايتادى، مىنە وسىلاي وسى ادامدار ەل-جۇرتتى الجاستىرىپ، ولاردى كىم كورىنگەن ءجايلى جامان ويدا بولۋعا ونان ارمان يتەرمەلەيتىن بولعان، دەمەك، ولار جۇرتتىڭ كوبىرەك جامان وي ويلاۋىنا «كومەكتەسىپ» جاتىر.

بۇنداي ىستەر ادامدارعا ءجايسىزدىق الىپ كەلەدى، سەبەبى كىمنىڭ نە ىستەپ جۇرگەنى جانە ولارعا سونداي بىردەڭەلەردى ىستەپ جۇرگەندەردىڭ بار-جوقتىعى انىق ەمەس، ال بۇنداي جاعدايدا جۇرت اينالاسىنداعى كەزكەلگەن ادامدار ءجايلى جامان وي ويلاپ، ەلدىڭ بارلىعىنان كۇمانداناتىن بولادى، ءبىراق شىندىعىندا ولاردىڭ اينالاسىندا جۇرگەن بۇل ادامداردا قاتەلىك جوق، ولار ەشتەڭە دە ەتكەن جوق، مىنە وسىلاي جوق جەردەن ادامداردىڭ اراسىندا ءوزارا وشپەندىلىك پايدا بولادى، ادامدى شارشاتىپ، مەزى ەتەتىن جەككورۋشىلىكتەرمەن اشۋ-ىزالار تۋىندايدى.

سوندىقتان، اللا ءاززا ءۋا-ءجاللا بىزگە جاقسىلىقتى جول ەتىپ كورسەتەدى ءارى ءبىزدى سول جاقسىلىققا قاراي قادام باسۋعا باعىتتايدى، جاقسىلىق جاقسىلىقتى شاقىرادى، ال جاماندىق جاماندىقتى شاقىرادى. مىنەكي، سول ءۇشىن ءبىز ەشبىر جامان وي، جورامال، بولجام جانە كۇمانداردا بولماۋىمىز كەرەك، ساق بولالىق، ادامدارعا ماحابباتپەن قارالىق، جەككورۋشىلىكپەن قارامالىق، وسىلاي ەتسەڭىز، ەڭ كەمىندە ءوزىڭىزدى راسىندا بۇزىق-جامان كەلەتىن ادامداردىڭ كەسىرلەرىنەن قورعاپ قالاتىن بولاسىز، ال كەرىسىنشە بولىپ، جامان ويلاردا جۇرسەك، جامان ادام تۇگىلى، جاقسى ادام دا «جامان ادامعا» اينالىپ كەتەدى. اللا ءجاللا ءجالالۋحۋ ءبىزدى پاناسىنا العاي، تەرىس ويلىلىق، جامان ويدا بولۋ - ءناپسىنىڭ ءبىر كەسەلى، اللا ءجاللا ءجالالۋحۋ بىزگە جاردەم بەرگەي، ءبىزدى ناپسىمىزگە بوي ۇرۋدان ساقتاعاي.

ءۋامين اللاھ ات-تاۋفيق، ءال-فاتيحا
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6646