You are using an outdated browser. For a faster, safer browsing experience, upgrade for free today.

Сұхбат: тәубемен берекенің айы (2023.03.23, 01 Рамадан 1444)



https://www.nvrislam.net/index.php?j=kz&post=6634
Сұхбат: тәубемен берекенің айы (2023.03.23, 01 Рамадан 1444)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Шахру Рамадан, рамазан айы мүбәрәк болсын, ол бүгін басталды, иншалла, ал тарауихты кеше бастап кеткен едік, сонымен біз бүгіннен бастап, ауыз бекітіп, ораза ұстай бастадық, Алла Жәллә Жәләлухуға шүкірліктер болсын, баршаңызға осы қасиетті айдың берекесі тисін, одан адамдарға жеңілдік келгей, иншалла, себебі бұл жылы үлкен апаттар болды.

Әрбір істе хикмет болады, ешкім Алла Жәллә Жәләлухудың қалауына қарсы тұра алмайды, бірақ барлық адам тағдырға мойын ұсынуы керек, Алла Жәллә Жәләлуху алушы және беруші, Ол бізді жаратты, жанды алатын да, бізді тірі қоятын да Сол жаратушы, бүкіл барлығы Алла Әззә уә-Жәлләның қолында, сондықтан мүминдер әрдайым Алла Жәллә Жәләлухуға бас ұрып, Оған бойұсынуы керек, «أسلم تسلم» (бағына бойұсын, амандықта боласың) делінер, ал сіз қарсы келіп, барынша жанталассаңыз да, Оған ештеңе де істей алмайсыз, құмырысқа бірдеңе бітіре алама? ал адамдар құмырысқадан да әлсіз болуы мүмкін, жұртта «барлығы мақта арқанмен таңылғандай» деген сөз бар, ал біздің хәл дәл осыған ұқсайды, демек, біз тырып ете алмаймыз.

Сондықтан, Алла Жәллә Жәләлуху осыбір әдемі айда бізді берекелерімен берекелегей, адамдардың иманына амандық бергей, ел-жұрттың иманы аман болғай, иман күшті болса болғаны, қалғандары маңызды емес, себебі ешкім Алла Жәллә Жәләлухудың қалауына қарсы келе алмайды.

Сіз «о, Алла Жәллә Жәләлуху мені панаңызға алып қорғаңыз» деп дұға жасауыңыз керек, ал Алла Жәллә Жәләлухуға қарсы келіп, ештеңеге жете алмайтыныңыз бесенеден белгілі шаруа, бірақ дұғамен Алла Жәллә Жәләлуху сізді қорғайды, сізді панасына алады әрі береке беріп, жеңіске жеткізеді, Алла Жәллә Жәләлуху адамдарға әр түрлі игіліктерді беруші, әйтпесе, Алла Жәллә Жәләлуху бізді панасына алғай, біз ештеңе тындыра алмақ емеспіз.

Бұл ай - өкініп, тәубе жасайтын ай, біз жасаған күнәларымызбен өткізген қателіктеріміз үшін өкінелік, тәубе етелік, әліміз жеткенінше құлшылық қылалық, оның қабыл болуын сұралық, ісіміз қайырлы болып, берекеге толғай. Біз бұл айды бүгін бастадық, ал кейінірек оның көзді ашып жұмғанша өтіп кеткенін байқайтын боламыз, сол үшін Алла Жәллә Жәләлуху бұл айды берекемен игілік ішінде өткізуімізге нәсіп еткей, иншалла, исламның бүкіл үмбетіне де солай болғай, иншалла.

Ал дүние болса, мейлі мұсылман елдері немесе бей-мұсылман елдері болсын, барлығында ішінен қайнап жатыр, демек, олардың бір қайнауы ішінде, бұл дүниеде рахат жоқ, бірақ кімде-кім Алла Жәллә Жәләлухумен бірге болса, ол тыныштыққа жетеді.

Алла Жәллә Жәләлуху бізге сол тыныштықты сыйлағай, иншалла, Ол бізді бұнда да, ақиретте де бақыттылардан еткей, иншалла.

Уәмин Аллаһ ат-Тауфиқ, әл-Фатиха
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw



سۇحبات: تاۋبەمەن بەرەكەنىڭ ايى (2023.03.23، 01 رامادان 1444)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

شاحرۋ رامادان، رامازان ايى مۇباراك بولسىن، ول بۇگىن باستالدى، ينشاللا، ال تاراۋيحتى كەشە باستاپ كەتكەن ەدىك، سونىمەن ءبىز بۇگىننەن باستاپ، اۋىز بەكىتىپ، ورازا ۇستاي باستادىق، اللا ءجاللا ءجالالۋحۋعا شۇكىرلىكتەر بولسىن، بارشاڭىزعا وسى قاسيەتتى ايدىڭ بەرەكەسى ءتيسىن، ودان ادامدارعا جەڭىلدىك كەلگەي، ينشاللا، سەبەبى بۇل جىلى ۇلكەن اپاتتار بولدى.

ءاربىر ىستە حيكمەت بولادى، ەشكىم اللا ءجاللا ءجالالۋحۋدىڭ قالاۋىنا قارسى تۇرا المايدى، ءبىراق بارلىق ادام تاعدىرعا مويىن ۇسىنۋى كەرەك، اللا ءجاللا ءجالالۋحۋ الۋشى جانە بەرۋشى، ول ءبىزدى جاراتتى، جاندى الاتىن دا، ءبىزدى ءتىرى قوياتىن دا سول جاراتۋشى، بۇكىل بارلىعى اللا ءاززا ءۋا-ءجاللانىڭ قولىندا، سوندىقتان مۇميندەر ءاردايىم اللا ءجاللا ءجالالۋحۋعا باس ۇرىپ، وعان بويۇسىنۋى كەرەك، «أسلم تسلم» (باعىنا بويۇسىن، اماندىقتا بولاسىڭ) دەلىنەر، ال ءسىز قارسى كەلىپ، بارىنشا جانتالاسساڭىز دا، وعان ەشتەڭە دە ىستەي المايسىز، قۇمىرىسقا بىردەڭە بىتىرە الاما؟ ال ادامدار قۇمىرىسقادان دا ءالسىز بولۋى مۇمكىن، جۇرتتا «بارلىعى ماقتا ارقانمەن تاڭىلعانداي» دەگەن ءسوز بار، ال ءبىزدىڭ ءحال ءدال وسىعان ۇقسايدى، دەمەك، ءبىز تىرىپ ەتە المايمىز.

سوندىقتان، اللا ءجاللا ءجالالۋحۋ ءوسىبىر ادەمى ايدا ءبىزدى بەرەكەلەرىمەن بەرەكەلەگەي، ادامداردىڭ يمانىنا اماندىق بەرگەي، ەل-جۇرتتىڭ يمانى امان بولعاي، يمان كۇشتى بولسا بولعانى، قالعاندارى ماڭىزدى ەمەس، سەبەبى ەشكىم اللا ءجاللا ءجالالۋحۋدىڭ قالاۋىنا قارسى كەلە المايدى.

ءسىز «و، اللا ءجاللا ءجالالۋحۋ مەنى پاناڭىزعا الىپ قورعاڭىز» دەپ دۇعا جاساۋىڭىز كەرەك، ال اللا ءجاللا ءجالالۋحۋعا قارسى كەلىپ، ەشتەڭەگە جەتە المايتىنىڭىز بەسەنەدەن بەلگىلى شارۋا، ءبىراق دۇعامەن اللا ءجاللا ءجالالۋحۋ ءسىزدى قورعايدى، ءسىزدى پاناسىنا الادى ءارى بەرەكە بەرىپ، جەڭىسكە جەتكىزەدى، اللا ءجاللا ءجالالۋحۋ ادامدارعا ءار ءتۇرلى يگىلىكتەردى بەرۋشى، ايتپەسە، اللا ءجاللا ءجالالۋحۋ ءبىزدى پاناسىنا العاي، ءبىز ەشتەڭە تىندىرا الماق ەمەسپىز.

بۇل اي - وكىنىپ، تاۋبە جاسايتىن اي، ءبىز جاساعان كۇنالارىمىزبەن وتكىزگەن قاتەلىكتەرىمىز ءۇشىن وكىنەلىك، تاۋبە ەتەلىك، ءالىمىز جەتكەنىنشە قۇلشىلىق قىلالىق، ونىڭ قابىل بولۋىن سۇرالىق، ءىسىمىز قايىرلى بولىپ، بەرەكەگە تولعاي. ءبىز بۇل ايدى بۇگىن باستادىق، ال كەيىنىرەك ونىڭ كوزدى اشىپ جۇمعانشا ءوتىپ كەتكەنىن بايقايتىن بولامىز، سول ءۇشىن اللا ءجاللا ءجالالۋحۋ بۇل ايدى بەرەكەمەن يگىلىك ىشىندە وتكىزۋىمىزگە ءناسىپ ەتكەي، ينشاللا، يسلامنىڭ بۇكىل ۇمبەتىنە دە سولاي بولعاي، ينشاللا.

ال دۇنيە بولسا، مەيلى مۇسىلمان ەلدەرى نەمەسە بەي-مۇسىلمان ەلدەرى بولسىن، بارلىعىندا ىشىنەن قايناپ جاتىر، دەمەك، ولاردىڭ ءبىر قايناۋى ىشىندە، بۇل دۇنيەدە راحات جوق، ءبىراق كىمدە-كىم اللا ءجاللا جالالۋحۋمەن بىرگە بولسا، ول تىنىشتىققا جەتەدى.

اللا ءجاللا ءجالالۋحۋ بىزگە سول تىنىشتىقتى سىيلاعاي، ينشاللا، ول ءبىزدى بۇندا دا، اقيرەتتە دە باقىتتىلاردان ەتكەي، ينشاللا.

ءۋامين اللاھ ات-تاۋفيق، ءال-فاتيحا
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6634