Мазмұнды Көшіру

https://www.nvrislam.net/index.php?j=kz&post=6513
Сұхбат: исра уәл-мираж хақында (2023.02.17, 26 Ережеп 1444)
Ақбаба Дергасы, Стамбул.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим, «ِسُبْحَـٰنَ ٱلَّذِىٓ أَسْرَىٰ بِعَبْدِهِۦ لَيْلًا مِّنَ ٱلْمَسْجِدِ ٱلْحَرَامِ إِلَى ٱلْمَسْجِدِ ٱلْأَقْصَا ٱلَّذِى بَـٰرَكْنَا حَوْلَهُۥ لِنُرِيَهُۥ مِنْ ءَايَـٰتِنَآ ۚ إِنَّهُۥ هُوَ ٱلسَّمِيعُ ٱلْبَصِيرُ» (құран 17:01) яғни «құлын түнде әл-Мәсжид әл-Харамнан әл-Мәсжид әл-Ақсаға апарғанға, оның айналасын құтайтып берекелеп, белгілерімізді көрсетушіге сүбхандар (даңықтар, мақтаулар) болсын, расында, Ол Естуші, Көруші» (құран 17:01), Садақаллахул Ғазим. Алла Әззә уә-Жәллә бұнда бізге пайғамбарымыз саллал-лаху әлейхис-саламның аса ұлы мұғжизаларының бірі әл-Исра сүресіндегі «исра уәл-мираж» мұғжизасы хақында айтып жатыр.

Бұл Сұбхан болған Алла Әззә уә-Жәлләның шексіз қүдіретінің белгілерінен болмақ, Алла Әззә уә-Жәлләдан басқа ештеңе «сүбхан» аталынбайды, ол Оның ұлылығын білдіреді, бұл түнде Ол қасиетті пайғамбарымыз саллал-лаху әлейхис-саламға көптеген нәрселерді көрсетті, бұның барлығы пайғамбарымыз саллал-лаху әлейхис-саламның ұлылығын адамдарға көрсету үшін және пайғамбарымыз саллал-лаху әлейхис-саламды ең биік мақамға (дәрежеге) жеткізу үшін құран әзиму-шәнда бізге айтылды.

Ләйлатул Исра уәл-Мираж - аса ұлы түн, ол Ережеп айының 27-түнінде болады, ол түн - қасиетті түн, Алла Әззә уә-Жәллә ол түнді пайғамбарымыз саллал-лаху әлейхис-саламның құрметі үшін оның үмбетіне берекелі түн етіп берді. Бұл қасиетті түнде не істейміз? көптеген адамдар намаздарын қаза еткен, біз сол қаза еткен намазымызды өтесек болады, сонымен бірге жақсы іс істеп, садақа берсек те, бұл амалдар осы түнде көптеп қабыл етілмек, себебі Алла Әззә уә-Жәлләның пайғамбарымыз саллал-лаху әлейхис-саламға берген сый-сауғалары қияметке дейін ғана емес, олар мәңгілік.

Бұл берекелерден игіліктенгісі келгендер осы амалдарды істеуіне болады, алайда шайтанмен шайтан сияқты адамдар бұларды жақсы көрмейді, олар бұны «бидаға» дер, олар «жоқ, оны істемеңдер, ол түнді құттықтамаңдар» дейді, пайғамбарымыз саллал-лаху әлейхис-салам «жиналып жамағат болыңдар, ынтымақты болыңдар» деп жатса, неге бірге жиналмасқа? неге Алла Жәллә Жәләлухуды бірге зікірлемеске? біз малаяни яғни бос-пайдасыз істер үшін жиналып жатқан жоқпыз, біз олар сияқты саясат, спорт, футбол, ойын-сауық және тағы басқа бос істерді талқылау үшін жиналып отырған жоқпыз, біз Алла Жәллә Жәләлухудың ризалығы үшін жиналып жатырмыз, пайғамбарымыз саллал-лаху әлейхис-саламды айтып, оны еске алып, оған салауат жіберу үшін жиналып отырмыз, ал бұл амалдарымызға пайғамбарымыз саллал-лаху әлейхис-саламның аса әдемі мұғжизасы себеп болуда, ол мұғжиза сол уақытқа дейін ешқашан болып көрмеген мұғжиза.

Пайғамбарымыз саллал-лаху әлейхис-саламның бірінші сапары «исра» деп аталады, ол Меккеден Құдысқа сапар, хазірет Меккеден Құдысқа Сәйдина Жебірейіл әлейхис-саламмен бірге бұраққа (пырақ) мініп сапарлады, Алла Әззә уә-Жәллә пайғамбарымыз саллал-лаху әлейхис-салам үшін арнайы осы бұрақты жаратқан. Пайғамбарымыз саллал-лаху әлейхис-салам «біз әуелі бір жерге жеттік» дейді, Жебірейіл әлейхис-салам мәлім жерге келгенде бұрақты тоқтатып, пайғамбарымыз әлейхис-саламға сол жерде екі ракат намаз оқуды айтады, ол қандай жер? оны «Ясриб» деп атайды, «Ясриб» дегеніміз Мекке еді, Меккені бұрын «Ясриб» деп атайтын, одан ол тағы бір жерге тоқтап, екі ракат намаз оқыды, ол Мәдиян еді, ол жер Салих немесе Шұғайып әлейхис-салам пайғамбардың жерлері болатын, ол Иордания елінде, олар басқа бір жерге келіп, екі ракат намаз оқыды, ол жер Беслехем еді, онда Иса әлейхис-салам дүниеге келген, соңында олар Құдысқа жетті. Ол жерде Адам әлейхис-салам пайғамбардан біздің пайғамбарға дейінгі бүкіл 124000 пайғамбар жиналып, бірге екі ракат намаз оқыды, оларға біздің пайғамбарымыз саллал-лаху әлейхис-салам имам болды, міне бұндай мұғжиза жер бетінде ең алғаш болды.

Екінші болған мұғжиза бұдан да ірі мұғжиза еді, ол «Мираж» деп аталады, пайғамбарымыз саллал-лаху әлейхис-салам жеті қат көктің барлығына сапарлады, ол әр жолы ұқсамаған пайғамбармен жолыққанда ұқсамаған тәжәллилер яғни белгілер алды. Жеті көктен соң пайғамбарымыз саллал-лаху әлейхис-салам Сидратул Мұнтахаға, демек, Алла Әззә уә-Жәлләның құзіретіне жетті, ал оның қандай екендігі тек Алла Әззә уә-Жәлләға ғана белгілі, біз Алла Әззә уә-Жәллә білетін нәрсені біле алмаймыз, «ол қандай?» деп оны ешқашан түсіне алмаймыз, бұл пайғамбарымыз саллал-лаху әлейхис-саламның ең үлкен мұғжизасы, ол сапарды жылмен есептесек, милиондаған жыл емес, милиярттаған жыл да жетпес, ол бүкіл жерге сапарлады, жәннәтқа да, тозаққа да сапар шекті. Ал пайғамбарымыз оны бір түнде бітірді, тіпті бір түн емес, бір түннің екі сағат уақытында бітірді, ол біздің уақыттағы екі сағат, Алла Әззә уә-Жәллә бұл істерді екі сағатқа сыйдырды.

Өздерін «ғұлама» деп атап алған біреулер бар, олар Пайғамбарымыз саллал-лаху әлейхис-саламның бұл сапарын «түс» дер, жоқ, бұл сапарды пайғамбарымыз кәдімгі өз тәнімен бастан кешті, түс мұғжиза болса, кім түс көрмейді, әркім-ақ түсінде елеспен «шалқи» береді емеспе, «түс» дегендер оңбай жаңылды, олар надан топтар.

Пайғамбарымыз саллал-лаху әлейхис-салам онда барғанда, бес уақ намаз Алла Әззә уә-Жәллә жағынан оған сауға ретінде ұсынылды, ал бұл аса ұлы, аса қымбат сауға-дүр, бірақ адамдар оның қадірін білмей жүр, керісінше, олар оны істемеу үшін, одан қалай қашып құтылудың амалын жасайды, міне осылай олар Алла Әззә уә-Жәллә берген аса қымбат сауғаны тани алмай жатыр, бүкіл ғаламды жаратқан Алла Әззә уә-Жәллә сіздерге осындай сый ұсынды, Ол бұл сыйды бізге пайғамбарымыз саллал-лаху әлейхис-саламның құрметі үшін берді.

Бұдан басқа да көптеген сауғалар берілді, бұнда бізге білінген тағы бір сауға бар, ол бақара сүресінің ең соңғы аяты «әмәнар расулу» еді, бұл аят пайғамбарымызға Алла Әззә уә-Жәлләдан төте берілген аят, арада Жебірейіл әлейхис-салам болған жоқ, бұл түн расында қасиетті түн, Алла Жәллә Жәләлуху оны берекелегей.

Иншалла, үмбетке түскен қиындықтармен алапаттар жеңілдегей, Алла Жәллә Жәләлуху бізге Сахибул Заман әл-Мәхдиді жібергей, себебі Сахиб адамдарды тура жолға әкеле алады, қазіргі кезде адамдар мейлі мұсылман болсын, мейлі бей-мұсылман болсын барлығы бірдей машақат тартуда, ал бұл мәселелер Мәхди әлейхис-саламның келуімен ғана шешілмек, адамдар жақсы-жаман, таза-лас жолдың барлығын сынап көрді, олар кәпитализм, коминизм, сотсиялизм, әтейзм т.б. барлығын сынады, жағдай тек қана онан арман ұшығып барады, алайда Мәхди әлейхис-саламның орнатқан заңымен және теңгеруімен ғана бүкіл адамзаттың арқалары босап, орындарына түспек, әйтпесе басқа еш жол жоқ, еш жәйлылық жоқ.

Алла Жәллә Жәләлуху осыбір қасиетті түннің құрметі үшін Сахибты тезірек жібергей, иншалла.

Уәмин Аллаһ ат-Тауфиқ, әл-Фатиха.
Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
fb.com/tanirtaw



سۇحبات: يسرا ءۋال-ميراج حاقىندا (2023.02.17، 26 ەرەجەپ 1444)
اقبابا دەرگاسى، ستامبۋل.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم، «ِسُبْحَـٰنَ ٱلَّذِىٓ أَسْرَىٰ بِعَبْدِهِۦ لَيْلًا مِّنَ ٱلْمَسْجِدِ ٱلْحَرَامِ إِلَى ٱلْمَسْجِدِ ٱلْأَقْصَا ٱلَّذِى بَـٰرَكْنَا حَوْلَهُۥ لِنُرِيَهُۥ مِنْ َءايَـٰتِنَآ ۚ إِنَّهُۥ هُوَ ٱلسَّمِيعُ ٱلْبَصِيرُ» (قۇران 17:01) ياعني «قۇلىن تۇندە ءال-ءماسجيد ءال-حارامنان ءال-ءماسجيد ءال-اقساعا اپارعانعا، ونىڭ اينالاسىن قۇتايتىپ بەرەكەلەپ، بەلگىلەرىمىزدى كورسەتۋشىگە ءسۇبحاندار (داڭىقتار، ماقتاۋلار) بولسىن، راسىندا، ول ەستۋشى، كورۋشى» (قۇران 17:01)، ساداقاللاحۋل عازيم. اللا ءاززا ءۋا-ءجاللا بۇندا بىزگە پايعامبارىمىز ساللال-لاحۋ الەيحيس-سالامنىڭ اسا ۇلى مۇعجيزالارىنىڭ ءبىرى ءال-يسرا سۇرەسىندەگى «يسرا ءۋال-ميراج» مۇعجيزاسى حاقىندا ايتىپ جاتىر.

بۇل سۇبحان بولعان اللا ءاززا ءۋا-ءجاللانىڭ شەكسىز قۇدىرەتىنىڭ بەلگىلەرىنەن بولماق، اللا ءاززا ءۋا-ءجاللادان باسقا ەشتەڭە «ءسۇبحان» اتالىنبايدى، ول ونىڭ ۇلىلىعىن بىلدىرەدى، بۇل تۇندە ول قاسيەتتى پايعامبارىمىز ساللال-لاحۋ الەيحيس-سالامعا كوپتەگەن نارسەلەردى كورسەتتى، بۇنىڭ بارلىعى پايعامبارىمىز ساللال-لاحۋ الەيحيس-سالامنىڭ ۇلىلىعىن ادامدارعا كورسەتۋ ءۇشىن جانە پايعامبارىمىز ساللال-لاحۋ الەيحيس-سالامدى ەڭ بيىك ماقامعا (دارەجەگە) جەتكىزۋ ءۇشىن قۇران ءازيمۋ-ءشاندا بىزگە ايتىلدى.

ءلايلاتۋل يسرا ءۋال-ميراج - اسا ۇلى ءتۇن، ول ەرەجەپ ايىنىڭ 27-تۇنىندە بولادى، ول ءتۇن - قاسيەتتى ءتۇن، اللا ءاززا ءۋا-ءجاللا ول ءتۇندى پايعامبارىمىز ساللال-لاحۋ الەيحيس-سالامنىڭ قۇرمەتى ءۇشىن ونىڭ ۇمبەتىنە بەرەكەلى ءتۇن ەتىپ بەردى. بۇل قاسيەتتى تۇندە نە ىستەيمىز؟ كوپتەگەن ادامدار نامازدارىن قازا ەتكەن، ءبىز سول قازا ەتكەن نامازىمىزدى وتەسەك بولادى، سونىمەن بىرگە جاقسى ءىس ىستەپ، ساداقا بەرسەك تە، بۇل امالدار وسى تۇندە كوپتەپ قابىل ەتىلمەك، سەبەبى اللا ءاززا ءۋا-ءجاللانىڭ پايعامبارىمىز ساللال-لاحۋ الەيحيس-سالامعا بەرگەن سىي-ساۋعالارى قيامەتكە دەيىن عانا ەمەس، ولار ماڭگىلىك.

بۇل بەرەكەلەردەن يگىلىكتەنگىسى كەلگەندەر وسى امالداردى ىستەۋىنە بولادى، الايدا شايتانمەن شايتان سياقتى ادامدار بۇلاردى جاقسى كورمەيدى، ولار بۇنى «بيداعا» دەر، ولار «جوق، ونى ىستەمەڭدەر، ول ءتۇندى قۇتتىقتاماڭدار» دەيدى، پايعامبارىمىز ساللال-لاحۋ الەيحيس-سالام «جينالىپ جاماعات بولىڭدار، ىنتىماقتى بولىڭدار» دەپ جاتسا، نەگە بىرگە جينالماسقا؟ نەگە اللا ءجاللا ءجالالۋحۋدى بىرگە زىكىرلەمەسكە؟ ءبىز مالاياني ياعني بوس-پايداسىز ىستەر ءۇشىن جينالىپ جاتقان جوقپىز، ءبىز ولار سياقتى ساياسات، سپورت، فۋتبول، ويىن-ساۋىق جانە تاعى باسقا بوس ىستەردى تالقىلاۋ ءۇشىن جينالىپ وتىرعان جوقپىز، ءبىز اللا ءجاللا ءجالالۋحۋدىڭ ريزالىعى ءۇشىن جينالىپ جاتىرمىز، پايعامبارىمىز ساللال-لاحۋ الەيحيس-سالامدى ايتىپ، ونى ەسكە الىپ، وعان سالاۋات جىبەرۋ ءۇشىن جينالىپ وتىرمىز، ال بۇل امالدارىمىزعا پايعامبارىمىز ساللال-لاحۋ الەيحيس-سالامنىڭ اسا ادەمى مۇعجيزاسى سەبەپ بولۋدا، ول مۇعجيزا سول ۋاقىتقا دەيىن ەشقاشان بولىپ كورمەگەن مۇعجيزا.

پايعامبارىمىز ساللال-لاحۋ الەيحيس-سالامنىڭ ءبىرىنشى ساپارى «يسرا» دەپ اتالادى، ول مەككەدەن قۇدىسقا ساپار، حازىرەت مەككەدەن قۇدىسقا ءسايدينا جەبىرەيىل الەيحيس-سالاممەن بىرگە بۇراققا (پىراق) ءمىنىپ ساپارلادى، اللا ءاززا ءۋا-ءجاللا پايعامبارىمىز ساللال-لاحۋ الەيحيس-سالام ءۇشىن ارنايى وسى بۇراقتى جاراتقان. پايعامبارىمىز ساللال-لاحۋ الەيحيس-سالام «ءبىز اۋەلى ءبىر جەرگە جەتتىك» دەيدى، جەبىرەيىل الەيحيس-سالام ءمالىم جەرگە كەلگەندە بۇراقتى توقتاتىپ، پايعامبارىمىز الەيحيس-سالامعا سول جەردە ەكى راكات ناماز وقۋدى ايتادى، ول قانداي جەر؟ ونى «ياسريب» دەپ اتايدى، «ياسريب» دەگەنىمىز مەككە ەدى، مەككەنى بۇرىن «ياسريب» دەپ اتايتىن، ودان ول تاعى ءبىر جەرگە توقتاپ، ەكى راكات ناماز وقىدى، ول ءماديان ەدى، ول جەر ساليح نەمەسە شۇعايىپ الەيحيس-سالام پايعامباردىڭ جەرلەرى بولاتىن، ول يوردانيا ەلىندە، ولار باسقا ءبىر جەرگە كەلىپ، ەكى راكات ناماز وقىدى، ول جەر بەسلەحەم ەدى، وندا يسا الەيحيس-سالام دۇنيەگە كەلگەن، سوڭىندا ولار قۇدىسقا جەتتى. ول جەردە ادام الەيحيس-سالام پايعامباردان ءبىزدىڭ پايعامبارعا دەيىنگى بۇكىل 124000 پايعامبار جينالىپ، بىرگە ەكى راكات ناماز وقىدى، ولارعا ءبىزدىڭ پايعامبارىمىز ساللال-لاحۋ الەيحيس-سالام يمام بولدى، مىنە بۇنداي مۇعجيزا جەر بەتىندە ەڭ العاش بولدى.

ەكىنشى بولعان مۇعجيزا بۇدان دا ءىرى مۇعجيزا ەدى، ول «ميراج» دەپ اتالادى، پايعامبارىمىز ساللال-لاحۋ الەيحيس-سالام جەتى قات كوكتىڭ بارلىعىنا ساپارلادى، ول ءار جولى ۇقساماعان پايعامبارمەن جولىققاندا ۇقساماعان تاجالليلەر ياعني بەلگىلەر الدى. جەتى كوكتەن سوڭ پايعامبارىمىز ساللال-لاحۋ الەيحيس-سالام سيدراتۋل مۇنتاحاعا، دەمەك، اللا ءاززا ءۋا-ءجاللانىڭ قۇزىرەتىنە جەتتى، ال ونىڭ قانداي ەكەندىگى تەك اللا ءاززا ءۋا-ءجاللاعا عانا بەلگىلى، ءبىز اللا ءاززا ءۋا-ءجاللا بىلەتىن نارسەنى بىلە المايمىز، «ول قانداي؟» دەپ ونى ەشقاشان تۇسىنە المايمىز، بۇل پايعامبارىمىز ساللال-لاحۋ الەيحيس-سالامنىڭ ەڭ ۇلكەن مۇعجيزاسى، ول ساپاردى جىلمەن ەسەپتەسەك، ميليونداعان جىل ەمەس، ميليارتتاعان جىل دا جەتپەس، ول بۇكىل جەرگە ساپارلادى، ءجانناتقا دا، توزاققا دا ساپار شەكتى. ال پايعامبارىمىز ونى ءبىر تۇندە ءبىتىردى، ءتىپتى ءبىر ءتۇن ەمەس، ءبىر ءتۇننىڭ ەكى ساعات ۋاقىتىندا ءبىتىردى، ول ءبىزدىڭ ۋاقىتتاعى ەكى ساعات، اللا ءاززا ءۋا-ءجاللا بۇل ىستەردى ەكى ساعاتقا سىيدىردى.

وزدەرىن «عۇلاما» دەپ اتاپ العان بىرەۋلەر بار، ولار پايعامبارىمىز ساللال-لاحۋ الەيحيس-سالامنىڭ بۇل ساپارىن «ءتۇس» دەر، جوق، بۇل ساپاردى پايعامبارىمىز كادىمگى ءوز تانىمەن باستان كەشتى، ءتۇس مۇعجيزا بولسا، كىم ءتۇس كورمەيدى، اركىم-اق تۇسىندە ەلەسپەن «شالقي» بەرەدى ەمەسپە، «ءتۇس» دەگەندەر وڭباي جاڭىلدى، ولار نادان توپتار.

پايعامبارىمىز ساللال-لاحۋ الەيحيس-سالام وندا بارعاندا، بەس ۋاق ناماز اللا ءاززا ءۋا-ءجاللا جاعىنان وعان ساۋعا رەتىندە ۇسىنىلدى، ال بۇل اسا ۇلى، اسا قىمبات ساۋعا-ءدۇر، ءبىراق ادامدار ونىڭ ءقادىرىن بىلمەي ءجۇر، كەرىسىنشە، ولار ونى ىستەمەۋ ءۇشىن، ودان قالاي قاشىپ قۇتىلۋدىڭ امالىن جاسايدى، مىنە وسىلاي ولار اللا ءاززا ءۋا-ءجاللا بەرگەن اسا قىمبات ساۋعانى تاني الماي جاتىر، بۇكىل عالامدى جاراتقان اللا ءاززا ءۋا-ءجاللا سىزدەرگە وسىنداي سىي ۇسىندى، ول بۇل سىيدى بىزگە پايعامبارىمىز ساللال-لاحۋ الەيحيس-سالامنىڭ قۇرمەتى ءۇشىن بەردى.

بۇدان باسقا دا كوپتەگەن ساۋعالار بەرىلدى، بۇندا بىزگە بىلىنگەن تاعى ءبىر ساۋعا بار، ول باقارا سۇرەسىنىڭ ەڭ سوڭعى اياتى «ءامانار راسۋلۋ» ەدى، بۇل ايات پايعامبارىمىزعا اللا ءاززا ءۋا-ءجاللادان توتە بەرىلگەن ايات، ارادا جەبىرەيىل الەيحيس-سالام بولعان جوق، بۇل ءتۇن راسىندا قاسيەتتى ءتۇن، اللا ءجاللا ءجالالۋحۋ ونى بەرەكەلەگەي.

ينشاللا، ۇمبەتكە تۇسكەن قيىندىقتارمەن الاپاتتار جەڭىلدەگەي، اللا ءجاللا ءجالالۋحۋ بىزگە ساحيبۋل زامان ءال-ءماحديدى جىبەرگەي، سەبەبى ساحيب ادامداردى تۋرا جولعا اكەلە الادى، قازىرگى كەزدە ادامدار مەيلى مۇسىلمان بولسىن، مەيلى بەي-مۇسىلمان بولسىن بارلىعى بىردەي ماشاقات تارتۋدا، ال بۇل ماسەلەلەر ءماحدي الەيحيس-سالامنىڭ كەلۋىمەن عانا شەشىلمەك، ادامدار جاقسى-جامان، تازا-لاس جولدىڭ بارلىعىن سىناپ كوردى، ولار كاپيتاليزم، كومينيزم، سوتسياليزم، اتەيزم ت.ب. بارلىعىن سىنادى، جاعداي تەك قانا ونان ارمان ۇشىعىپ بارادى، الايدا ءماحدي الەيحيس-سالامنىڭ ورناتقان زاڭىمەن جانە تەڭگەرۋىمەن عانا بۇكىل ادامزاتتىڭ ارقالارى بوساپ، ورىندارىنا تۇسپەك، ايتپەسە باسقا ەش جول جوق، ەش ءجايلىلىق جوق.

اللا ءجاللا ءجالالۋحۋ ءوسىبىر قاسيەتتى ءتۇننىڭ قۇرمەتى ءۇشىن ساحيبتى تەزىرەك جىبەرگەي، ينشاللا.

ءۋامين اللاھ ات-تاۋفيق، ءال-فاتيحا.
يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
fb.com/tanirtaw
Сілтеме: https://www.nvrislam.net/index.php?j=kz&post=6513