Мазмұнды Көшіру

https://www.nvrislam.net/index.php?j=kz&post=6447
Сұхбат: таза иман келтіруші бол (2023.02.05, 14 Ережеп 1444)
Шайық Назым Дергасы, Лондон Қаласы, Ұлы Британия.

Әс-сәламу Әлейкум, уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Бисмиллахир рахманир рахим «يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ» (құран 09:119) яғни «о иман келтіргендер, Алладан қорқыңдар әрі шыншылдармен бірге болыңдар.» (құран 09:119) делінеді, Алла Жәллә Жәләлуху Алла Жәллә Жәләлухудан қорқуға, еш кінә істемеуге, ешкімге зиянкестік қылмауға және жақсы адамдармен бірге болуға әмір етеді.

Қазір, әлхамдулилла, біз бұнда жиналып отырмыз, біз қайда жиналсақ та Алла Жәллә Жәләлуху баршамызға Өзінің құт-беркесін жіберетін болады, себебі сіздер Алла Жәллә Жәләлуху үшін сонау алыс жақтардан келіп, осында бірге жиналып отырсыздар, әлхамдулилла, Алла Жәллә Жәләлуху бақыт-қуаныш сыйлауда, ғибадат етіп, құлшылық істей алу және жақсы адамдармен бірге болу қатарлылар Алла Әззә уә-Жәлләдан берілген аса жақсы нығыметтер болмақ.

Бірақ біз бұны осылай жалғастыра беруіміз керек, иншалла, жалғасты жақсы-ізгі адамдармен ұдайы кездесіп тұруымыз керек, бұл біздің иманмен сенім үшін қолдау күшпен рухани қуат береді, ол бірнеше күн ғана емес, ұдайы болып тұрғаны жөн, Алла Әззә уә-Жәллә еш өзгермейді, біз келеміз, одан соң кетеміз, Алла Әззә уә-Жәллә «هُوَ البَاقِي، هُوَ المَوْجُود» яғни «Ол мәңгілік, ол мәңгі тұрушы.», Ол өзгермес, Оған ештеңе әсер ете алмайды, адамдар ұдайы бірге бола алмайды, бірақ олар аз-аздан болса да, әрдайым кездесіп, бірге болып тұрғаны жөн.

Себебі бұл бақыт Алла Жәллә Жәләлухуменен болып отыр, Ол бізге жаңа өмір бастауымыз үшін көптеген қуаныштар береді, иншалла, бұл өмірде отбасымен, жарымен, балаларымен туыстарымен және көршілерімен жақсы болу қатарлылар пайғамбарымыз саллал-лаху әлейхис-салам сүйетін істер еді, сіз әркіммен жақсы бола біліңіз, оларға жәрдем етіңіз, бірақ осы барыста білмейтін нәрселерімізді үйренгеніміз жөн, себебі біз кейде мәлім істерді істегенде, оның жақсы іс емес екендігін білмей қалатын жағдай болады, сіз жаман істің керісін істесеңіз жақсы болмақ.

Бұндағы бірінші іс «إِمَاطَةُ الأَذَى عَنِ الطَّرِيقِ صَدَقَةٌ» яғни «жолдағы зияны тиетін нәрсені алып тастау да садақа.» деген кеңеске амал ету болмақ, пайғамбарымыз саллал-лаху әлейхис-салам жолдағы лас нәрселерді немесе тас, пластик сияқты нәрселерді теріп, тазалап тастаудың да садақаға жататындығын айтады.

Алайда бақытсыздыққа орай, жұрт кейбір мүрит бауырлардың қайда барса, сол араны қалаймақан етіп кететінін айтып ренжіп жатады, бұл жақсы емес, оны қабыл етуге келмейді, сіз тек қана намаз оқып, тәсбих тартудан басқа ештеңені білмейтін біреу болып қалмауыңыз керек, «біз Алла Жәллә Жәләлуху үшін істеп жатырмыз, басқаға қарау қажетсіз.» деуге болмайды, кейбіреулер нәрселерді анда-мұнда тастап, шашып кете береді, жоқ! бұлай етуге болмайды, сонымен бір уақытта сіз таза болуыңыз керек, елді ренжітпеуіңіз керек.

Біз бұндай жағдайды бұнда да және басқа барлық жерлерде де көріп жүрміз, түстіктен осы жерге дейін, тек мұсылмандар ғана емес, барлық жерде онда-мұнда шашылып жатқан ластық жағдай көп кездеседі, бұған кейбір мүриттер үйреніп кеткен болуы мүмкін, бірақ бұл қабыл етерлік іс емес, ал сіз қоқсықты жолдан алып, қоқсық сандыққа тастасаңыз, Алла Жәллә Жәләлуху сізге сауап жазатын болады, демек бұл да садақаға жатады.

Садақа тек ақша төлеумен жылу беру емес, бауырларға, жұртқа күлімсіреу де садақа, жолда тас сияқты нәрселерді алып, шетке қою да садақа, міне бұлар біз әркүні беретін садақа болмақ, біз дене мүшелеріміздің де садақасын төлеуіміз яғни шығаруымыз керек, міне осылар да садақаның бір түрі, егер сізде ақша жоқ болса, осыларды істесеңіз, бұл да аса үлкен садақаға жатады.

Сондықтан, иншалла, мүмин қайда жүрсе, жұрт оған ренжімейтіндей болуы керек, сіз өзгелерді ренжітпеуіңіз тиіс, бірақ сіздер жұрт риза болып «машалла, бәрекелді, міне бұл адамдар жақсы әрі таза адамдар екен, олар бар жерде құрмет бар.» деп айтқызатындай күйде болуларыңыз керек, міне бұл біздің әр адамға айтқан нәсихатымыз, ең әуелі бұл нәсихат өзімізге арналып отыр, Алла Жәллә Жәләлуху баршамызға жәрдем еткей.

Иншалла, біз сіздермен бұнда тағы да көптеп кездеселік, иншалла, Сәйдина Мәхди әлейхис-саламға тезден жетелік, иншалла, әр жерде қиындық болып жатқандықтан, біз оларға дұға етеміз, Мәуләнә Шайық айтып өткендей, жағдай күннен-күнге нашарлай бермек, қазір әр жерде ахуалдың адамдар үшін аса ауыр болып отырғандығын көп естиміз, тіпті олардың кейбірі жейтін тамақ таба алмай қалған, кейбіреулер жасырын өмір өткізсе, ал кейбіреулері қатты қысым астында өмір сүріп жатыр.

Біз қиындықтан соң жеңілдік келетін заманда өмір сүріп жатырмыз, иншалла, Сәйдина Мәхди әлейхс-салам шығатын кезде тұрмыз, басқаша жағдайдың болуы мүмкін емес, Алла Жәллә Жәләлуху баршамызды сол бір жақсы күндерге жеткізіп, бізді оның ерушілерінен еткей.

Уәмин Аллаһ ат-Тауфиқ, әл-Фатиха.
Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: تازا يمان كەلتىرۋشى بول (2023.02.05، 14 ەرەجەپ 1444)
شايىق نازىم دەرگاسى، لوندون قالاسى، ۇلى بريتانيا.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

بيسميللاحير راحمانير راحيم «يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ» (قۇران 09:119) ياعني «و يمان كەلتىرگەندەر، اللادان قورقىڭدار ءارى شىنشىلدارمەن بىرگە بولىڭدار.» (قۇران 09:119) دەلىنەدى، اللا ءجاللا ءجالالۋحۋ اللا ءجاللا ءجالالۋحۋدان قورقۋعا، ەش كىنا ىستەمەۋگە، ەشكىمگە زيانكەستىك قىلماۋعا جانە جاقسى ادامدارمەن بىرگە بولۋعا ءامىر ەتەدى.

ءقازىر، ءالحامدۋليللا، ءبىز بۇندا جينالىپ وتىرمىز، ءبىز قايدا جينالساق تا اللا ءجاللا ءجالالۋحۋ بارشامىزعا ءوزىنىڭ قۇت-بەركەسىن جىبەرەتىن بولادى، سەبەبى سىزدەر اللا ءجاللا ءجالالۋحۋ ءۇشىن سوناۋ الىس جاقتاردان كەلىپ، وسىندا بىرگە جينالىپ وتىرسىزدار، ءالحامدۋليللا، اللا ءجاللا ءجالالۋحۋ باقىت-قۋانىش سىيلاۋدا، عيبادات ەتىپ، قۇلشىلىق ىستەي الۋ جانە جاقسى ادامدارمەن بىرگە بولۋ قاتارلىلار اللا ءاززا ءۋا-ءجاللادان بەرىلگەن اسا جاقسى نىعىمەتتەر بولماق.

ءبىراق ءبىز بۇنى وسىلاي جالعاستىرا بەرۋىمىز كەرەك، ينشاللا، جالعاستى جاقسى-ىزگى ادامدارمەن ۇدايى كەزدەسىپ تۇرۋىمىز كەرەك، بۇل ءبىزدىڭ يمانمەن سەنىم ءۇشىن قولداۋ كۇشپەن رۋحاني قۋات بەرەدى، ول بىرنەشە كۇن عانا ەمەس، ۇدايى بولىپ تۇرعانى ءجون، اللا ءاززا ءۋا-ءجاللا ەش وزگەرمەيدى، ءبىز كەلەمىز، ودان سوڭ كەتەمىز، اللا ءاززا ءۋا-ءجاللا «هُوَ البَاقِي، هُوَ المَوْجُود» ياعني «ول ماڭگىلىك، ول ماڭگى تۇرۋشى.»، ول وزگەرمەس، وعان ەشتەڭە اسەر ەتە المايدى، ادامدار ۇدايى بىرگە بولا المايدى، ءبىراق ولار از-ازدان بولسا دا، ءاردايىم كەزدەسىپ، بىرگە بولىپ تۇرعانى ءجون.

سەبەبى بۇل باقىت اللا ءجاللا جالالۋحۋمەنەن بولىپ وتىر، ول بىزگە جاڭا ءومىر باستاۋىمىز ءۇشىن كوپتەگەن قۋانىشتار بەرەدى، ينشاللا، بۇل ومىردە وتباسىمەن، جارىمەن، بالالارىمەن تۋىستارىمەن جانە كورشىلەرىمەن جاقسى بولۋ قاتارلىلار پايعامبارىمىز ساللال-لاحۋ الەيحيس-سالام سۇيەتىن ىستەر ەدى، ءسىز اركىممەن جاقسى بولا ءبىلىڭىز، ولارعا جاردەم ەتىڭىز، ءبىراق وسى بارىستا بىلمەيتىن نارسەلەرىمىزدى ۇيرەنگەنىمىز ءجون، سەبەبى ءبىز كەيدە ءمالىم ىستەردى ىستەگەندە، ونىڭ جاقسى ءىس ەمەس ەكەندىگىن بىلمەي قالاتىن جاعداي بولادى، ءسىز جامان ءىستىڭ كەرىسىن ىستەسەڭىز جاقسى بولماق.

بۇنداعى ءبىرىنشى ءىس «إِمَاطَةُ الأَذَى عَنِ الطَّرِيقِ صَدَقَةٌ» ياعني «جولداعى زيانى تيەتىن نارسەنى الىپ تاستاۋ دا ساداقا.» دەگەن كەڭەسكە امال ەتۋ بولماق، پايعامبارىمىز ساللال-لاحۋ الەيحيس-سالام جولداعى لاس نارسەلەردى نەمەسە تاس، پلاستيك سياقتى نارسەلەردى تەرىپ، تازالاپ تاستاۋدىڭ دا ساداقاعا جاتاتىندىعىن ايتادى.

الايدا باقىتسىزدىققا وراي، جۇرت كەيبىر ءمۇريت باۋىرلاردىڭ قايدا بارسا، سول ارانى قالايماقان ەتىپ كەتەتىنىن ايتىپ رەنجىپ جاتادى، بۇل جاقسى ەمەس، ونى قابىل ەتۋگە كەلمەيدى، ءسىز تەك قانا ناماز وقىپ، ءتاسبيح تارتۋدان باسقا ەشتەڭەنى بىلمەيتىن بىرەۋ بولىپ قالماۋىڭىز كەرەك، «ءبىز اللا ءجاللا ءجالالۋحۋ ءۇشىن ىستەپ جاتىرمىز، باسقاعا قاراۋ قاجەتسىز.» دەۋگە بولمايدى، كەيبىرەۋلەر نارسەلەردى اندا-مۇندا تاستاپ، شاشىپ كەتە بەرەدى، جوق! بۇلاي ەتۋگە بولمايدى، سونىمەن ءبىر ۋاقىتتا ءسىز تازا بولۋىڭىز كەرەك، ەلدى رەنجىتپەۋىڭىز كەرەك.

ءبىز بۇنداي جاعدايدى بۇندا دا جانە باسقا بارلىق جەرلەردە دە كورىپ ءجۇرمىز، تۇستىكتەن وسى جەرگە دەيىن، تەك مۇسىلماندار عانا ەمەس، بارلىق جەردە وندا-مۇندا شاشىلىپ جاتقان لاستىق جاعداي كوپ كەزدەسەدى، بۇعان كەيبىر مۇريتتەر ۇيرەنىپ كەتكەن بولۋى مۇمكىن، ءبىراق بۇل قابىل ەتەرلىك ءىس ەمەس، ال ءسىز قوقسىقتى جولدان الىپ، قوقسىق ساندىققا تاستاساڭىز، اللا ءجاللا ءجالالۋحۋ سىزگە ساۋاپ جازاتىن بولادى، دەمەك بۇل دا ساداقاعا جاتادى.

ساداقا تەك اقشا تولەۋمەن جىلۋ بەرۋ ەمەس، باۋىرلارعا، جۇرتقا كۇلىمسىرەۋ دە ساداقا، جولدا تاس سياقتى نارسەلەردى الىپ، شەتكە قويۋ دا ساداقا، مىنە بۇلار ءبىز اركۇنى بەرەتىن ساداقا بولماق، ءبىز دەنە مۇشەلەرىمىزدىڭ دە ساداقاسىن تولەۋىمىز ياعني شىعارۋىمىز كەرەك، مىنە وسىلار دا ساداقانىڭ ءبىر ءتۇرى، ەگەر سىزدە اقشا جوق بولسا، وسىلاردى ىستەسەڭىز، بۇل دا اسا ۇلكەن ساداقاعا جاتادى.

سوندىقتان، ينشاللا، ءمۇمين قايدا جۇرسە، جۇرت وعان رەنجىمەيتىندەي بولۋى كەرەك، ءسىز وزگەلەردى رەنجىتپەۋىڭىز ءتيىس، ءبىراق سىزدەر جۇرت ريزا بولىپ «ماشاللا، بارەكەلدى، مىنە بۇل ادامدار جاقسى ءارى تازا ادامدار ەكەن، ولار بار جەردە قۇرمەت بار.» دەپ ايتقىزاتىنداي كۇيدە بولۋلارىڭىز كەرەك، مىنە بۇل ءبىزدىڭ ءار ادامعا ايتقان ءناسيحاتىمىز، ەڭ اۋەلى بۇل ءناسيحات وزىمىزگە ارنالىپ وتىر، اللا ءجاللا ءجالالۋحۋ بارشامىزعا جاردەم ەتكەي.

ينشاللا، ءبىز سىزدەرمەن بۇندا تاعى دا كوپتەپ كەزدەسەلىك، ينشاللا، ءسايدينا ءماحدي الەيحيس-سالامعا تەزدەن جەتەلىك، ينشاللا، ءار جەردە قيىندىق بولىپ جاتقاندىقتان، ءبىز ولارعا دۇعا ەتەمىز، ءماۋلانا شايىق ايتىپ وتكەندەي، جاعداي كۇننەن-كۇنگە ناشارلاي بەرمەك، ءقازىر ءار جەردە احۋالدىڭ ادامدار ءۇشىن اسا اۋىر بولىپ وتىرعاندىعىن كوپ ەستيمىز، ءتىپتى ولاردىڭ كەيبىرى جەيتىن تاماق تابا الماي قالعان، كەيبىرەۋلەر جاسىرىن ءومىر وتكىزسە، ال كەيبىرەۋلەرى قاتتى قىسىم استىندا ءومىر ءسۇرىپ جاتىر.

ءبىز قيىندىقتان سوڭ جەڭىلدىك كەلەتىن زاماندا ءومىر ءسۇرىپ جاتىرمىز، ينشاللا، ءسايدينا ءماحدي الەيحس-سالام شىعاتىن كەزدە تۇرمىز، باسقاشا جاعدايدىڭ بولۋى مۇمكىن ەمەس، اللا ءجاللا ءجالالۋحۋ بارشامىزدى سول ءبىر جاقسى كۇندەرگە جەتكىزىپ، ءبىزدى ونىڭ ەرۋشىلەرىنەن ەتكەي.

ءۋامين اللاھ ات-تاۋفيق، ءال-فاتيحا.
يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=6447