Мәдіни Жәмя Мешіті, Брадфорк Қаласы, Ұлы Британия.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

АстағФируллаһ, Астағфируллаһ, Астағфируллаһил Ғазим уә Тубуиләих.

Алла Жәллә Жәләлухуға Әлхамдулилаһ уә Шүкірулилаһ болсын, біз осы кеште Алла Әззә уа-Жәллә жәқсы көрген сүйкімді адамдарымен кездесіп жатырмыз. Ертең қасиетті кеш кіргелі жатыр, демек ертең Шахруллаһ яғни «Алланың айы» болған Ережеп айының бірінші күні болмақшы.

Шахру Ражаб, Шахру Шағбан және Шахру Рамадан қатарлы үш ай сауаптармен Алла Жәллә Жәләлухудың нығыметтерін жинайтын аса маңызды мезгіл, олар әулиелерге, тариқаттағыларға және ықласты мүминдерге арналған, бұл айлар ақиретті тіпті де көбірек еске алып, ақирет үшін жұмыс істейтін уақыт, әр істеген ісіңізбен ақиретті еске алыңыз әрі оны адамдардың йгілігі үшін істеңіз, осындай берекелі күндерді, ерекше күндерді қажет етіп, аңсайтын жандар бар. Осындай беркелі кездің біріншісі осы ережеп айы-дүр, екіншісі шағбан айы, ол «пайғамбарымыздың айы» делінеді, ал үшіншісі рамазан яғни ораза айы, ол үмбеттің айы, шахры.

Сонымен бірге бұл айлардың әрбірінің өзіне тән ерекше күндері бар, мәселен ережеп айының бірінші бейсенбі түні (рағайып түні) қасиетті түн саналады, ал 27-түні Исра-Мираж түні болмақ. Шағбан айында да солай яғни шағбанның 15-түні (барат түні) қасиетті түн, осы түнде келер жылы не болатыны белгіленеді, демек бізге нелер туылатындығы осы түнде көкте жазылады, ендігі жылға жетуге нәсіп болғандардың есімі сол түні қатіреленеді. Үшінші ай Шахру Рамадан.

Қасиетті рамазан айы берекеге толған ай, әсіресе оның соңғы он күні тым мүбәрәк, пайғамбарымыз сол күндері бастан ақыр итикаф өткізетін болған. Бұндағы ләйләтұл қадір яғни қадір түні ораза айының соңғы он күнінде болу мүмкіншілігі жоғары, бірақ ол ораза айының кезкелген күні бола беруі де мүмкін, ал пайғамбарымыз қадір түні тіпті бүкіл бір жылдың ішіндегі кезкелген бір түні болуы мүмкін екендігін айтып кеткен, ол жасырын, алайда көбінесе ораза айында болады. Осы себептерге байланысты бұл үш ай сопылық тәриқаттағылар үшін ерекше саналып, айырықша құрметтелінеді.

Мәуләнә Шайық Назым хазірет осы үш айда көп сапарлаушы еді, 1974-жылға дейін ол Кипірмен Дамашық арасында сапарлайтын, одан кейін Лондонға көптеп келе бастады, оны сіздер жақсы білесіздер, көп ел біледі. Ораза айы ол кезде ерекше болушы еді, ол бұнда үш ай бойы тұратын, әсіресе ораза айында Мәуләнә осында болғанда дүниенің төрт бұрышынан адамдар өте көп келетін, қиыр шығыстан, қиыр батыстан, терістіктен, түстіктен адамдар жиналатын, олар бұл арада ораза айын Мәуләнәмен бірге өткізетін, олар оның қасында намаз оқитын, ораза ұстайтын, тәсбихат, тәлихат ететін, оның құзіретінде болып, сұхбаттарын еститін еді, ол кезде адамдар Мәуләнәмен бірге жүргенде өздерін жәннәтта жүргендей сезінетін.

Қазір жұрт «бізде сол кездегідей істесек болмай ма?» дейді, бірақ ол кез өтіп кетті, әр заман, әр дәуір ұқсамайды, тәжәлли (көрнісі) өзгерді, біздің тәжәллимен хәл-күй ол кездегіге ұқсамайды, Мәуләнәға ұқсамайды. Мәуләнә, машалла, Мәуләнә Шайық Назым нағыз сұлтан еді, онымен бірге болсаңыз барлығы оңай болатын, оған барлығы жеңіл болатын, қазір де көптеген адамдар бізге «бұнда келсеңіз, онда барсақ.» деп айтады, бірақ біздің заман бөтен заман, тым қысылтаяң заман. Мәуләнә Шайық Назым хазіретпен тайуу-макан кереметі бар әулиелер жүретін, тайуу-макан дегеніміз бір аттап кезкелген жерге бара алу деген сөз, демек бір аттап Меккеге, тағы бір аттап Мәдинаға бара алатын әулиелер бар, сондай әулиелер осында келіп, жамағатпен бірге намаз оқып, қайтадан қайтып кете алады, бұл керемет әулиелер арасында белгілі болған бір керемет.

Тағы бір керемет тайуу-заман, заман дегеніміз уақыт, демек уақыт кеңейеді, біз бір аптада істейтін нәрсені олар бір күнде істейді, бұл Мәуләнәда бар нағыз керемет еді, оның өмірінің соңғы кездерінде оны әркүні өте көп адам іздеп келетін, ол әркүні жүздей адамға кезігетін, ол оларға жәйлап ден қоятын еді, біз болсақ «тез-тез» дейміз ғой, ал Мәуләнә болса олардың барлығының сөзіне құлақ салатын әрі олардың ісін бітіретін, бұл нағыз керемет, оның мыңдаған кереметі бар, бірақ оның осыбір кереметі сіз көзбен көре алатын әрі жоққа шығара алмайтын керемет болмақ.

Әлхамдулиллаһ, міне бұл ол кісінің заманының хәл-күйі осылай еді, ол Лондонға, Англияға және осы жаққа көп келетін, ол онда оңай баратын әрі мыңдаған адамдармен жолығысатын еді, біз қазір бұл арадан әр жолы келген сайын Мәуләнәның бір кереметін естиміз, оның кереметінің көп екендігін білеміз, бұл не? машалла, біз оны бұрын естімеген едік, бірақ ол оның кереметінен-дүр, біз оның бір пірсент кереметін білетін шығармыз, ол кісіде мың пірсент керемет бар, тіпті кейбір адамдар Мәуләнәні бір-ақ рет көрген, бірақ кейін ол кереметімен олардың алдарынан қайта-қайта көрінген, дәл солай.

Әлхамдулиллаһ, бұлар Алла достары әулиелердің кереметінен болмақ, ол осы ғасырдың аса ұлы әулиесі, ең ірісі, бұнда немесе басқа жақта айтылған нәрселер болсын, барлығы Алла Жәллә Жәләлуху оған берген кереметтерден-дүр. Біз бұнда айна сияқтымыз, демек оның кішкене ғана айнасымыз, себебі бір адам шығып, оның айналасында болған адамдарды жинау керек, демек оларға бас-көз болу керек, ал Мәуләнә «ол (Мәуләнә Шайық Мехмет хазірет) халифа болады, ал менің ана жақта тұрып істер шаруам бар.» деді.

Сондықтан, ол қазірде жұмыс істеп жатыр, барлықтарыңызды өз жолын яғни пайғамбарымыздың жолын жалғастыруға жіберіп жатыр, Мәуләнә өмірден озар кезінде «иншалла, мен кетемін (қайтыс боламын)» деді, ал менің інім «сіз кетсеңіз, біз қалай өмір сүреміз? біз не істейміз?» деді, Мәуләнә «тәриқат деген осы, ол Алла Жәллә Жәләлухудың жолы, біреуінен соң біреуі жалғастырады, ол біреу дүние ауыстырып, бұл дүниеден ол дүниеге кеткенге бола үзіліп қалмайды, ол жалғасады, бізде жәрдем береміз, иншалла.» деп жауап берді. Әлхамдулиллаһ, біз бұнда ол кісінің берекесімен келіп жиналып отырмыз, тіпті біз екі ауыз сөз сөйлесекте, бұл береке бұндағы баршаңызға да келетін болады, иншалла, яғни машайықтармен осы жиын-отырыстың берекесі барлығыңызға тимек. Машалла, әулиелер көп, олардың біреуі осында келсе де, оның берекесі бізге жетіп артылады, демек ол осындағы баршамызға жеткілікті береке сыйлайды, иншалла.

Айтып өткеніміздей, қазір Ережеп айы, бұл ай қалуа (оқшаулану) жасайтын уақыт, сопылық тәриқатта қалуа әдебі бар, қалуа дегеніміз 40 күн аз ғана тамақ жеп, ешкімге жолықпай өзіңізді адамдардан бөлек оқшаулап ұстап құлшылық ету, қалуаны біреу «қалуа қыламын» деп өзі қыла салатын нәрсе емес, оны (әулие шайықтың) бұйыруымен істейді, ал бұйрықсыз оны істей алмайсыз, алайда тәриқат ұстанғандар бұны істеуі керек, егер олар қалуаны бұнда істемесе, кейін қабырында істейтін болады. Әлхамдулиллаһ, Мәуләнә Шайық Назым қалуаның адамдарға жеңіл болуы үшін оны Ережеп айының бірінші күнінен бастап, Шағбан айының 10-шы күніне дейін етіп қойды (әрине оны пайғамбар әмірімен бекітті), осы кезде жартылай қалуа істесеңіз болады, бұл кездегі қалуа былай болар, әуелі «науайтул қалуа» деп айтып ниет етесіз де, тәхажұтпен ишрақ (күн шыққан соң) арасында, екінтімен құптан арасында немесе екінтіден ақшам я ақшамнан құптан арасында қалуаға кіресіз, одан соң басқа орынға барсаңыз болады, бір орында отыру қажетсіз, себебі қазір бұрынғыдай қалуа өткізуге рұқсат жоқ, бұл рұқсат, бұл бұйрық пайғамбарымыздан келген, қазіргі кезде ешкімге бұрынғыдай қалуа істеуге рұқсат берілген жоқ, бірақ барлығымыз манағы айтылған қалуаны істеуімізге болады, істей алатындар оны істеуі керек (оған рұқсат етілген), айтып өткеніміздей, оны тәхажұтпен ишрақ арасында істеуге болады, сол кезде тәсбих етіп, құран, салауат, дуруд, далали қайрат оқысаңыз болады, барлығында істеуіңізге еш тиым жоқ, оны ақшаммен құптан арасында істесеңіз де бола береді, қалуа - қажетті болған бір міндет, оны істеп көрмегендер кемінде бір рет істесін.

Ережеп айында басқа құлшылықтар да бар, егер Ережеппен Шағбан айында тұтас ораза ұстағысы келгендер, ол оразасын ұстасын немесе оның дүйсенбі я бейсенбі күндері ұстаса да болады, онда аса зор сауаптар бар, Шағбанда да солай етуге болады, әрине ораза айында баршамыз ораза ұстауға міндеттіміз.

Ораза айында немесе одан бұрын болсын көптеген адамдар умыраға барғысы келеді, оларға рұқсат етілген, бірақ қажылыққа барып көрмегендер әуелі сол үлкен қажылығын бітіргені абзал, көптеген ел умыраға бару жәйлі сұрайды, ал біз олардан «(үлкен) қажылықты өтедіңіз ба?» деп сұраймыз, олар «жоқ» дер, қажылық - парыз іс, ақшаңызды умыраға салмаңыз, оны қажылыққа жинап, алдымен қажылық өтеңіз, содан кейін қаласаңыз, умыра өтесеңіз болады, алайда қажылығын әлі өтемеген адамдар ақшасын жақсы сақтап қажылық өтесін, иншалла, ниетіңіз қажылық үшін болса, Алла Жәллә Жәләлуху ұзақ өмір берсе барасыз, ал егер біреу қажылық үшін ақша жиып жүріп, қажылыққа барудан бұрын қайтыс болып кетсе, оның ниеті үшін оған қажылыққа барған сауап жазылатын болады, иә, осылай.

Әрине бұнда зекет тақырыбы бар, машалла, бұндағылар үшін зекет сезікті тақырып, олар зекетін кедейлерге береді екен, Пакистан, Африка елдерімен басқа елдерде де көптеген кедей кісілер, тұрмысы төмен елдер бар, оларға берсе болады, әлхамдулиллаһ, барлығы оларға беріпті, зекет аса маңызды, себебі сіз зекетті бермей сақтасаңыз, ол ақшаңызды ластайды, ал оны берсеңіз, ақшаңызды тазалайды, таза ақша сізге денсаулық сыйлап, өміріңіздің сәнін кіргізеді, ол сіздің, отбасыңыздың және туған-туысқандарыңыздың да өмірлерін жақсартады, бірақ сіз оны бермей, ақшаңызбен бірге ұстасаңыз, ол барлықтарыңыз үшін уға айналады.

Алла Жәллә Жәләлуху өзі әмір еткен істерін біздің істеуімізге нәсіп еткей, себебі Ол әмір еткен әрқандай іс біз үшін жүз пірсент игілік, жүз пірсент ем-шифа, жүз пірсент нұрмен бақыт алып келмек, Оның әмір еткен әрбір ісі біз үшін аса қайырлы. Сондықтан да сопылық тәриқаттағылар Алла Жәллә Жәләлуху әмір еткен істерді көптеп істегенді жақсы көреді. Алла Жәллә Жәләлуху бір қудыси хадисте былай дейді.

«وَلَا يَزَالُ عَبْدِي يَتَقَرَّبُ إلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْت سَمْعَهُ الَّذِي يَسْمَعُ بِهِ، وَبَصَرَهُ الَّذِي يُبْصِرُ بِهِ، وَيَدَهُ الَّتِي يَبْطِشُ بِهَا، وَرِجْلَهُ الَّتِي يَمْشِي بِهَا».

Ол «Менің құлым Маған Мен оны сүйгенше нәфил (парыздан тысқы ерікті құлшылықтар) құлшылықпен жақындайды, ал Мен оны сүйген соң, Мен оның естісе құлағы, қараса көзі, сілтесе қолы, жүрсе аяғы боламын.» дейді. Алла Жәллә Жәләлуху бұнда құлының нәфил намаз, ораза, садақа және басқа жақсы істер арқылы өзіне тіпті де жақындайтындығын айтып отыр, ал адамдар осыны істесе Алла Жәллә Жәләлуху оларға жәрдем беретін болады әрі Алла Жәллә Жәләлуху осы кезде «Мен сілтесе олардың қолымын, ал жүрсе аяғымын.» дейді, демек бұндайда әрбір істе Алла Жәллә Жәләлуху сізбен бірге болады әрі сізге көмек етпек, Ол сізге қарсы келмейді.

Алла Жәллә Жәләлуху бізді өз жолында еткей, әулие-салихтардың, барлық тариқаттардың жолында қылғай, ұлдарымыздың айтып жатқанындай, машалла, ислам бұл күнге сол әулиелермен күшті болып келді, иншалла, қияметке дейін солай бола бермек, иншалла, баракаллаһ фикум.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: ساۋاپ جينايتىن ماۋسىم (2023.01.21، 28 ءجۇمادا ءال-اقير 1444)

ءمادىني ءجاميا مەشىتى، برادفورك قالاسى، ۇلى بريتانيا.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

استاعفيرۋللاھ، استاعفيرۋللاھ، استاعفيرۋللاھيل عازيم ءۋا ءتۋبۋيلايح.

اللا ءجاللا ءجالالۋحۋعا ءالحامدۋليلاھ ءۋا شۇكىرۋليلاھ بولسىن، ءبىز وسى كەشتە اللا ءاززا ۋا-ءجاللا ءجاقسى كورگەن سۇيكىمدى ادامدارىمەن كەزدەسىپ جاتىرمىز. ەرتەڭ قاسيەتتى كەش كىرگەلى جاتىر، دەمەك ەرتەڭ شاحرۋللاھ ياعني «اللانىڭ ايى» بولعان ەرەجەپ ايىنىڭ ءبىرىنشى كۇنى بولماقشى.

شاحرۋ راجاب، شاحرۋ شاعبان جانە شاحرۋ رامادان قاتارلى ءۇش اي ساۋاپتارمەن اللا ءجاللا ءجالالۋحۋدىڭ نىعىمەتتەرىن جينايتىن اسا ماڭىزدى مەزگىل، ولار اۋليەلەرگە، تاريقاتتاعىلارعا جانە ىقلاستى مۇميندەرگە ارنالعان، بۇل ايلار اقيرەتتى ءتىپتى دە كوبىرەك ەسكە الىپ، اقيرەت ءۇشىن جۇمىس ىستەيتىن ۋاقىت، ءار ىستەگەن ىسىڭىزبەن اقيرەتتى ەسكە الىڭىز ءارى ونى ادامداردىڭ يگىلىگى ءۇشىن ىستەڭىز، وسىنداي بەرەكەلى كۇندەردى، ەرەكشە كۇندەردى قاجەت ەتىپ، اڭسايتىن جاندار بار. وسىنداي بەركەلى كەزدىڭ ءبىرىنشىسى وسى ەرەجەپ ايى-ءدۇر، ەكىنشىسى شاعبان ايى، ول «پايعامبارىمىزدىڭ ايى» دەلىنەدى، ال ءۇشىنشىسى رامازان ياعني ورازا ايى، ول ۇمبەتتىڭ ايى، شاحرى.

سونىمەن بىرگە بۇل ايلاردىڭ ءاربىرىنىڭ وزىنە ءتان ەرەكشە كۇندەرى بار، ماسەلەن ەرەجەپ ايىنىڭ ءبىرىنشى بەيسەنبى ءتۇنى (راعايىپ ءتۇنى) قاسيەتتى ءتۇن سانالادى، ال 27-ءتۇنى يسرا-ميراج ءتۇنى بولماق. شاعبان ايىندا دا سولاي ياعني شاعباننىڭ 15-ءتۇنى (بارات ءتۇنى) قاسيەتتى ءتۇن، وسى تۇندە كەلەر جىلى نە بولاتىنى بەلگىلەنەدى، دەمەك بىزگە نەلەر تۋىلاتىندىعى وسى تۇندە كوكتە جازىلادى، ەندىگى جىلعا جەتۋگە ءناسىپ بولعانداردىڭ ەسىمى سول ءتۇنى قاتىرەلەنەدى. ءۇشىنشى اي شاحرۋ رامادان.

قاسيەتتى رامازان ايى بەرەكەگە تولعان اي، اسىرەسە ونىڭ سوڭعى ون كۇنى تىم مۇباراك، پايعامبارىمىز سول كۇندەرى باستان اقىر يتيكاف وتكىزەتىن بولعان. بۇنداعى ءلايلاتۇل ءقادىر ياعني ءقادىر ءتۇنى ورازا ايىنىڭ سوڭعى ون كۇنىندە بولۋ مۇمكىنشىلىگى جوعارى، ءبىراق ول ورازا ايىنىڭ كەزكەلگەن كۇنى بولا بەرۋى دە مۇمكىن، ال پايعامبارىمىز ءقادىر ءتۇنى ءتىپتى بۇكىل ءبىر جىلدىڭ ىشىندەگى كەزكەلگەن ءبىر ءتۇنى بولۋى مۇمكىن ەكەندىگىن ايتىپ كەتكەن، ول جاسىرىن، الايدا كوبىنەسە ورازا ايىندا بولادى. وسى سەبەپتەرگە بايلانىستى بۇل ءۇش اي سوپىلىق ءتاريقاتتاعىلار ءۇشىن ەرەكشە سانالىپ، ايىرىقشا قۇرمەتتەلىنەدى.

ءماۋلانا شايىق نازىم حازىرەت وسى ءۇش ايدا كوپ ساپارلاۋشى ەدى، 1974-جىلعا دەيىن ول كيپىرمەن داماشىق اراسىندا ساپارلايتىن، ودان كەيىن لوندونعا كوپتەپ كەلە باستادى، ونى سىزدەر جاقسى بىلەسىزدەر، كوپ ەل بىلەدى. ورازا ايى ول كەزدە ەرەكشە بولۋشى ەدى، ول بۇندا ءۇش اي بويى تۇراتىن، اسىرەسە ورازا ايىندا ءماۋلانا وسىندا بولعاندا دۇنيەنىڭ ءتورت بۇرىشىنان ادامدار وتە كوپ كەلەتىن، قيىر شىعىستان، قيىر باتىستان، تەرىستىكتەن، تۇستىكتەن ادامدار جينالاتىن، ولار بۇل ارادا ورازا ايىن ماۋلانامەن بىرگە وتكىزەتىن، ولار ونىڭ قاسىندا ناماز وقيتىن، ورازا ۇستايتىن، ءتاسبيحات، ءتاليحات ەتەتىن، ونىڭ قۇزىرەتىندە بولىپ، سۇحباتتارىن ەستيتىن ەدى، ول كەزدە ادامدار ماۋلانامەن بىرگە جۇرگەندە وزدەرىن ءجانناتتا جۇرگەندەي سەزىنەتىن.

ءقازىر جۇرت «بىزدە سول كەزدەگىدەي ىستەسەك بولماي ما؟» دەيدى، ءبىراق ول كەز ءوتىپ كەتتى، ءار زامان، ءار ءداۋىر ۇقسامايدى، ءتاجاللي (كورنىسى) وزگەردى، ءبىزدىڭ تاجالليمەن ءحال-كۇي ول كەزدەگىگە ۇقسامايدى، ءماۋلاناعا ۇقسامايدى. ءماۋلانا، ماشاللا، ءماۋلانا شايىق نازىم ناعىز سۇلتان ەدى، ونىمەن بىرگە بولساڭىز بارلىعى وڭاي بولاتىن، وعان بارلىعى جەڭىل بولاتىن، ءقازىر دە كوپتەگەن ادامدار بىزگە «بۇندا كەلسەڭىز، وندا بارساق.» دەپ ايتادى، ءبىراق ءبىزدىڭ زامان بوتەن زامان، تىم قىسىلتاياڭ زامان. ءماۋلانا شايىق نازىم حازىرەتپەن تايۋۋ-ماكان كەرەمەتى بار اۋليەلەر جۇرەتىن، تايۋۋ-ماكان دەگەنىمىز ءبىر اتتاپ كەزكەلگەن جەرگە بارا الۋ دەگەن ءسوز، دەمەك ءبىر اتتاپ مەككەگە، تاعى ءبىر اتتاپ ءماديناعا بارا الاتىن اۋليەلەر بار، سونداي اۋليەلەر وسىندا كەلىپ، جاماعاتپەن بىرگە ناماز وقىپ، قايتادان قايتىپ كەتە الادى، بۇل كەرەمەت اۋليەلەر اراسىندا بەلگىلى بولعان ءبىر كەرەمەت.

تاعى ءبىر كەرەمەت تايۋۋ-زامان، زامان دەگەنىمىز ۋاقىت، دەمەك ۋاقىت كەڭەيەدى، ءبىز ءبىر اپتادا ىستەيتىن نارسەنى ولار ءبىر كۇندە ىستەيدى، بۇل ءماۋلانادا بار ناعىز كەرەمەت ەدى، ونىڭ ءومىرىنىڭ سوڭعى كەزدەرىندە ونى اركۇنى وتە كوپ ادام ىزدەپ كەلەتىن، ول اركۇنى جۇزدەي ادامعا كەزىگەتىن، ول ولارعا ءجايلاپ دەن قوياتىن ەدى، ءبىز بولساق «تەز-تەز» دەيمىز عوي، ال ءماۋلانا بولسا ولاردىڭ بارلىعىنىڭ سوزىنە قۇلاق سالاتىن ءارى ولاردىڭ ءىسىن بىتىرەتىن، بۇل ناعىز كەرەمەت، ونىڭ مىڭداعان كەرەمەتى بار، ءبىراق ونىڭ ءوسىبىر كەرەمەتى ءسىز كوزبەن كورە الاتىن ءارى جوققا شىعارا المايتىن كەرەمەت بولماق.

ءالحامدۋليللاھ، مىنە بۇل ول كىسىنىڭ زامانىنىڭ ءحال-كۇيى وسىلاي ەدى، ول لوندونعا، انگلياعا جانە وسى جاققا كوپ كەلەتىن، ول وندا وڭاي باراتىن ءارى مىڭداعان ادامدارمەن جولىعىساتىن ەدى، ءبىز ءقازىر بۇل ارادان ءار جولى كەلگەن سايىن ءماۋلانانىڭ ءبىر كەرەمەتىن ەستيمىز، ونىڭ كەرەمەتىنىڭ كوپ ەكەندىگىن بىلەمىز، بۇل نە؟ ماشاللا، ءبىز ونى بۇرىن ەستىمەگەن ەدىك، ءبىراق ول ونىڭ كەرەمەتىنەن-ءدۇر، ءبىز ونىڭ ءبىر پىرسەنت كەرەمەتىن بىلەتىن شىعارمىز، ول كىسىدە مىڭ پىرسەنت كەرەمەت بار، ءتىپتى كەيبىر ادامدار ءماۋلانانى ءبىر-اق رەت كورگەن، ءبىراق كەيىن ول كەرەمەتىمەن ولاردىڭ الدارىنان قايتا-قايتا كورىنگەن، ءدال سولاي.

ءالحامدۋليللاھ، بۇلار اللا دوستارى اۋليەلەردىڭ كەرەمەتىنەن بولماق، ول وسى عاسىردىڭ اسا ۇلى اۋليەسى، ەڭ ءىرىسى، بۇندا نەمەسە باسقا جاقتا ايتىلعان نارسەلەر بولسىن، بارلىعى اللا ءجاللا ءجالالۋحۋ وعان بەرگەن كەرەمەتتەردەن-ءدۇر. ءبىز بۇندا اينا سياقتىمىز، دەمەك ونىڭ كىشكەنە عانا ايناسىمىز، سەبەبى ءبىر ادام شىعىپ، ونىڭ اينالاسىندا بولعان ادامداردى جيناۋ كەرەك، دەمەك ولارعا باس-كوز بولۋ كەرەك، ال ءماۋلانا «ول (ءماۋلانا شايىق مەحمەت حازىرەت) حاليفا بولادى، ال مەنىڭ انا جاقتا تۇرىپ ىستەر شارۋام بار.» دەدى.

سوندىقتان، ول قازىردە جۇمىس ىستەپ جاتىر، بارلىقتارىڭىزدى ءوز جولىن ياعني پايعامبارىمىزدىڭ جولىن جالعاستىرۋعا جىبەرىپ جاتىر، ءماۋلانا ومىردەن وزار كەزىندە «ينشاللا، مەن كەتەمىن (قايتىس بولامىن)» دەدى، ال مەنىڭ ءىنىم «ءسىز كەتسەڭىز، ءبىز قالاي ءومىر سۇرەمىز؟ ءبىز نە ىستەيمىز؟» دەدى، ءماۋلانا «ءتاريقات دەگەن وسى، ول اللا ءجاللا ءجالالۋحۋدىڭ جولى، بىرەۋىنەن سوڭ بىرەۋى جالعاستىرادى، ول بىرەۋ دۇنيە اۋىستىرىپ، بۇل دۇنيەدەن ول دۇنيەگە كەتكەنگە بولا ءۇزىلىپ قالمايدى، ول جالعاسادى، بىزدە جاردەم بەرەمىز، ينشاللا.» دەپ جاۋاپ بەردى. ءالحامدۋليللاھ، ءبىز بۇندا ول كىسىنىڭ بەرەكەسىمەن كەلىپ جينالىپ وتىرمىز، ءتىپتى ءبىز ەكى اۋىز ءسوز سويلەسەكتە، بۇل بەرەكە بۇنداعى بارشاڭىزعا دا كەلەتىن بولادى، ينشاللا، ياعني ماشايىقتارمەن وسى جيىن-وتىرىستىڭ بەرەكەسى بارلىعىڭىزعا تيمەك. ماشاللا، اۋليەلەر كوپ، ولاردىڭ بىرەۋى وسىندا كەلسە دە، ونىڭ بەرەكەسى بىزگە جەتىپ ارتىلادى، دەمەك ول وسىنداعى بارشامىزعا جەتكىلىكتى بەرەكە سىيلايدى، ينشاللا.

ايتىپ وتكەنىمىزدەي، ءقازىر ەرەجەپ ايى، بۇل اي قالۋا (وقشاۋلانۋ) جاسايتىن ۋاقىت، سوپىلىق ءتاريقاتتا قالۋا ادەبى بار، قالۋا دەگەنىمىز 40 كۇن از عانا تاماق جەپ، ەشكىمگە جولىقپاي ءوزىڭىزدى ادامداردان بولەك وقشاۋلاپ ۇستاپ قۇلشىلىق ەتۋ، قالۋانى بىرەۋ «قالۋا قىلامىن» دەپ ءوزى قىلا سالاتىن نارسە ەمەس، ونى (اۋليە شايىقتىڭ) بۇيىرۋىمەن ىستەيدى، ال بۇيرىقسىز ونى ىستەي المايسىز، الايدا ءتاريقات ۇستانعاندار بۇنى ىستەۋى كەرەك، ەگەر ولار قالۋانى بۇندا ىستەمەسە، كەيىن قابىرىندا ىستەيتىن بولادى. ءالحامدۋليللاھ، ءماۋلانا شايىق نازىم قالۋانىڭ ادامدارعا جەڭىل بولۋى ءۇشىن ونى ەرەجەپ ايىنىڭ ءبىرىنشى كۇنىنەن باستاپ، شاعبان ايىنىڭ 10-شى كۇنىنە دەيىن ەتىپ قويدى (ارينە ونى پايعامبار امىرىمەن بەكىتتى)، وسى كەزدە جارتىلاي قالۋا ىستەسەڭىز بولادى، بۇل كەزدەگى قالۋا بىلاي بولار، اۋەلى «ناۋايتۋل قالۋا» دەپ ايتىپ نيەت ەتەسىز دە، تاحاجۇتپەن يشراق (كۇن شىققان سوڭ) اراسىندا، ەكىنتىمەن قۇپتان اراسىندا نەمەسە ەكىنتىدەن اقشام يا اقشامنان قۇپتان اراسىندا قالۋاعا كىرەسىز، ودان سوڭ باسقا ورىنعا بارساڭىز بولادى، ءبىر ورىندا وتىرۋ قاجەتسىز، سەبەبى ءقازىر بۇرىنعىداي قالۋا وتكىزۋگە رۇقسات جوق، بۇل رۇقسات، بۇل بۇيرىق پايعامبارىمىزدان كەلگەن، قازىرگى كەزدە ەشكىمگە بۇرىنعىداي قالۋا ىستەۋگە رۇقسات بەرىلگەن جوق، ءبىراق بارلىعىمىز ماناعى ايتىلعان قالۋانى ىستەۋىمىزگە بولادى، ىستەي الاتىندار ونى ىستەۋى كەرەك (وعان رۇقسات ەتىلگەن)، ايتىپ وتكەنىمىزدەي، ونى تاحاجۇتپەن يشراق اراسىندا ىستەۋگە بولادى، سول كەزدە ءتاسبيح ەتىپ، قۇران، سالاۋات، دۋرۋد، دالالي قايرات وقىساڭىز بولادى، بارلىعىندا ىستەۋىڭىزگە ەش تيىم جوق، ونى اقشاممەن قۇپتان اراسىندا ىستەسەڭىز دە بولا بەرەدى، قالۋا - قاجەتتى بولعان ءبىر مىندەت، ونى ىستەپ كورمەگەندەر كەمىندە ءبىر رەت ىستەسىن.

ەرەجەپ ايىندا باسقا قۇلشىلىقتار دا بار، ەگەر ەرەجەپپەن شاعبان ايىندا تۇتاس ورازا ۇستاعىسى كەلگەندەر، ول ورازاسىن ۇستاسىن نەمەسە ونىڭ دۇيسەنبى يا بەيسەنبى كۇندەرى ۇستاسا دا بولادى، وندا اسا زور ساۋاپتار بار، شاعباندا دا سولاي ەتۋگە بولادى، ارينە ورازا ايىندا بارشامىز ورازا ۇستاۋعا مىندەتتىمىز.

ورازا ايىندا نەمەسە ودان بۇرىن بولسىن كوپتەگەن ادامدار ۋمىراعا بارعىسى كەلەدى، ولارعا رۇقسات ەتىلگەن، ءبىراق قاجىلىققا بارىپ كورمەگەندەر اۋەلى سول ۇلكەن قاجىلىعىن بىتىرگەنى ابزال، كوپتەگەن ەل ۋمىراعا بارۋ ءجايلى سۇرايدى، ال ءبىز ولاردان «(ۇلكەن) قاجىلىقتى وتەدىڭىز با؟» دەپ سۇرايمىز، ولار «جوق» دەر، قاجىلىق - پارىز ءىس، اقشاڭىزدى ۋمىراعا سالماڭىز، ونى قاجىلىققا جيناپ، الدىمەن قاجىلىق وتەڭىز، سودان كەيىن قالاساڭىز، ۋمىرا وتەسەڭىز بولادى، الايدا قاجىلىعىن ءالى وتەمەگەن ادامدار اقشاسىن جاقسى ساقتاپ قاجىلىق وتەسىن، ينشاللا، نيەتىڭىز قاجىلىق ءۇشىن بولسا، اللا ءجاللا ءجالالۋحۋ ۇزاق ءومىر بەرسە باراسىز، ال ەگەر بىرەۋ قاجىلىق ءۇشىن اقشا جيىپ ءجۇرىپ، قاجىلىققا بارۋدان بۇرىن قايتىس بولىپ كەتسە، ونىڭ نيەتى ءۇشىن وعان قاجىلىققا بارعان ساۋاپ جازىلاتىن بولادى، ءيا، وسىلاي.

ارينە بۇندا زەكەت تاقىرىبى بار، ماشاللا، بۇنداعىلار ءۇشىن زەكەت سەزىكتى تاقىرىپ، ولار زەكەتىن كەدەيلەرگە بەرەدى ەكەن، پاكيستان، افريكا ەلدەرىمەن باسقا ەلدەردە دە كوپتەگەن كەدەي كىسىلەر، تۇرمىسى تومەن ەلدەر بار، ولارعا بەرسە بولادى، ءالحامدۋليللاھ، بارلىعى ولارعا بەرىپتى، زەكەت اسا ماڭىزدى، سەبەبى ءسىز زەكەتتى بەرمەي ساقتاساڭىز، ول اقشاڭىزدى لاستايدى، ال ونى بەرسەڭىز، اقشاڭىزدى تازالايدى، تازا اقشا سىزگە دەنساۋلىق سىيلاپ، ءومىرىڭىزدىڭ ءسانىن كىرگىزەدى، ول ءسىزدىڭ، وتباسىڭىزدىڭ جانە تۋعان-تۋىسقاندارىڭىزدىڭ دا ومىرلەرىن جاقسارتادى، ءبىراق ءسىز ونى بەرمەي، اقشاڭىزبەن بىرگە ۇستاساڭىز، ول بارلىقتارىڭىز ءۇشىن ۋعا اينالادى.

اللا ءجاللا ءجالالۋحۋ ءوزى ءامىر ەتكەن ىستەرىن ءبىزدىڭ ىستەۋىمىزگە ءناسىپ ەتكەي، سەبەبى ول ءامىر ەتكەن ءارقانداي ءىس ءبىز ءۇشىن ءجۇز پىرسەنت يگىلىك، ءجۇز پىرسەنت ەم-شيفا، ءجۇز پىرسەنت نۇرمەن باقىت الىپ كەلمەك، ونىڭ ءامىر ەتكەن ءاربىر ءىسى ءبىز ءۇشىن اسا قايىرلى. سوندىقتان دا سوپىلىق ءتاريقاتتاعىلار اللا ءجاللا ءجالالۋحۋ ءامىر ەتكەن ىستەردى كوپتەپ ىستەگەندى جاقسى كورەدى. اللا ءجاللا ءجالالۋحۋ ءبىر قۋدىسي حاديستە بىلاي دەيدى.

«وَلَا يَزَالُ عَبْدِي يَتَقَرَّبُ إلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْت سَمْعَهُ الَّذِي يَسْمَعُ بِهِ، وَبَصَرَهُ الَّذِي يُبْصِرُ بِهِ، وَيَدَهُ الَّتِي يَبْطِشُ بِهَا، وَرِجْلَهُ الَّتِي يَمْشِي بِهَا».

ول «مەنىڭ قۇلىم ماعان مەن ونى سۇيگەنشە ءنافيل (پارىزدان تىسقى ەرىكتى قۇلشىلىقتار) قۇلشىلىقپەن جاقىندايدى، ال مەن ونى سۇيگەن سوڭ، مەن ونىڭ ەستىسە قۇلاعى، قاراسا كوزى، سىلتەسە قولى، جۇرسە اياعى بولامىن.» دەيدى. اللا ءجاللا ءجالالۋحۋ بۇندا قۇلىنىڭ ءنافيل ناماز، ورازا، ساداقا جانە باسقا جاقسى ىستەر ارقىلى وزىنە ءتىپتى دە جاقىندايتىندىعىن ايتىپ وتىر، ال ادامدار وسىنى ىستەسە اللا ءجاللا ءجالالۋحۋ ولارعا جاردەم بەرەتىن بولادى ءارى اللا ءجاللا ءجالالۋحۋ وسى كەزدە «مەن سىلتەسە ولاردىڭ قولىمىن، ال جۇرسە اياعىمىن.» دەيدى، دەمەك بۇندايدا ءاربىر ىستە اللا ءجاللا ءجالالۋحۋ سىزبەن بىرگە بولادى ءارى سىزگە كومەك ەتپەك، ول سىزگە قارسى كەلمەيدى.

اللا ءجاللا ءجالالۋحۋ ءبىزدى ءوز جولىندا ەتكەي، اۋليە-ساليحتاردىڭ، بارلىق تاريقاتتاردىڭ جولىندا قىلعاي، ۇلدارىمىزدىڭ ايتىپ جاتقانىنداي، ماشاللا، يسلام بۇل كۇنگە سول اۋليەلەرمەن كۇشتى بولىپ كەلدى، ينشاللا، قيامەتكە دەيىن سولاي بولا بەرمەك، ينشاللا، باراكاللاھ فيكۋم.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw