Сұхбат: Алла Қадір - ҚАДІР (2023.01.19, 26 Жүмәдә әл-Ақир 1444)

Нұрислам Мешіті, Ұлы Британия.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Біз Алла Жәллә Жәләлухудың, машайықтарымыздың және пайғамбарымыздың берекелерімен осында қайта кездескендігіміз үшін Алла Жәллә Жәләлухуға рахымет айтамыз, біз олардың махаббаты үшін жиналып отырмыз, біз олардың ризалығын қалаймыз және олардың біз үшін қуанғанын қалаймыз, міне бұл бізбен осындағы барлық жұрттың бұнда келуінің басты себебі-дүр, сіздер бұнда сонау алыс-жақын жақтардан Алла Жәллә Жәләлуху үшін келіп жатсыздар, Алла Жәллә Жәләлуху сіздерге сауабын беретін болады.

Алла Жәллә Жәләлуху Өз қалағанын істеуші, ешкім Одан «неге олай істеп жатсыз?» деп сұрай алмас, кім бұнда келсе, ол Алла Жәллә Жәләлухудың нығыметінен болмақ, Ол сіздерді Өз махаббатымен пайғамбарымыздың махаббаты үшін бұнда жинады. Біз Алла Жәллә Жәләлухудан бізді ең соңғы демімізге дейін осы тура жолда жүргізе беруін сұраймыз әрі шайтанмен оның ерушілеріне алданып қалмауымызды тілейміз, себебі жақсы жолға ермеген адамның ақыры өте мүшкіл болмақ, Пір Мүршитсіз, жол көрсетушісіз Алла Жәллә Жәләлухудың жолында жүру аса қиын іс-дүр.

Иншалла, Алла Жәллә Жәләлуху бізді бұнда махаббат және қуаныш-шаттық ішінде болуға нәсіп етті, Алла Жәллә Жәләлуху біздің бүкіл өмірімізді осындай жақсы күйде қыла бергей. Иншалла, келе жатқан Ақиретімізде де Машайықтарымызбен пайғамбарымыздың құзіретінде еткей, олармен Жәннәтұл Фердауыста бір еткей, міне осылар Алла Жәллә Жәләлухудан баршамызға берілген аса үлкен сый болмақ.

Себебі Алла Жәллә Жәләлуху барлығын істей алады, Ол - Алла Әзза уа-Жәллә. Көптеген адамдарға бұл арада болу нәсіп болмады. Бірде Әбдул Қадір Ғейләни әулие, біздің Хазірет Баз Ғауысұл Ағзам яғни әигілі әулие Шайық Әбдул Қадір Ғейлани мүриттерімен көшеде кетіп бара жатқанда бір арақкеш маскүнемге жолығып қалады, ол Ғейлани әулиені білетін еді, маскүнем мас болсада әулиені танып, орнынан тұрмақшы болды, бірақ тұра алмай сүріне берді, сол кезде ол әулиеге «о шайық Әбдул Қадір, Аллаһ Қадір?» дейді, «Абдул Қадір» деген сөз «барлығын Істей Алушының пендесі яғни құлы.» дегенді білдіреді, бұндағы «Қадір» деген сөз «Істей Алушы немесе Істеуші» деген мағынада, ол «о Абдул Қадір, Аллаһ Қадір?» дейді тағы, бұнда ол «Алла Жәллә Жәләлуху барлығын істей алушы ма?» деп сұрап жатыр, әулие оған «Қадір Қадір.» деп жауап береді, демек «иә, Істеуші Істеуші.» дейді, маскүнем орнында біраз дірілдеп тұрды да, тағы «Абдул Қадір, Аллаһ Қадір?» дейді яғни «Аллаһ Жәллә Жәләлуху Істеуші ме?» дейді, оның үшінші реткі сұрағы да ұқсас болды, оған «Аллаһ Қадір?» делінеді, Шайық Абдул Қадір Ғейлани әулиенің мақамын Алла Жәллә Жәләлуху биік етсін, оның құт-берекесін бізге дарыта берсін, иншалла, біз оның атын атап айтқан кезімізде, ол барлығымызға назар салып, қарайтын болады. Ол «иә, Аллаһ Қадір Қадір.» дейді әрі осы кезде жылай жығылып, сәждеге бас қояды, оның еруші мүриттері әулиеден бұнда қандай даналық-хикмет жатқанын сұрайды, әулие «ол бірінші сұрағында менен "Алла Жәллә Жәләлуху мені осы хәлден шығара ала ма?" деп сұрады, оған "әрине, Алла Жәллә Жәләлуху сені бұл хәлден яғни маскүнемдіктен құтылдыра алады." деп жауап бердім, екінші сұрағында ол "Алла мені дұрыс жолға сала ала ма? саған ергізіп, жақсы жолда болдыра ала ма?" деп сұрады, оған "иә, Алла Жәллә Жәләлуху солай ете алады." дедім, ал үшінші сұрағына ол менен "Алла сені мен сияқты ете ала ма?" деп сұрады, мен "иә, Алла Жәллә Жәләлуху мені сендей ете алады." деп жауап бердім.» дейді, тіпті Шайық Абдул Қадір Ғейләнидей әулиелер де «ондай хәлге түсіп қалудан сақтай көр!» деп Алла Жәллә Жәләлухуға жылай сыйынып, сүжұд-сәждеге жығылған.

Алла Әззә уа-Жәллә барлығын Істей Алушы, біз Алла Жәллә Жәләлухуға рахмет айтуымыз керек, Ол бізді Өз жолында етіп, бізге «Алхамдулиллаһ» дегіздіріп қойды, Ол бізді басқаларға қаратып қоймады, олардай тәкәппар етпеді, міне бұл Алла Әззә уа-Жәлләдан берілген бір нығымет. Ол бізді арақкеш маскүнем де, әтеист те немесе солар сияқты біреу де ете алады, тіпті Ол қаласа бізді тышқан, ит, Хаша (одан алыс етсін)! есек, тарақан сияқты да ете алады, немесе Ол бізді басқа кезкелген нәрсе қыла алады. Алла Жәллә Жәләлуху бізді осылар сияқты етуды қаласа, солай ете алады, сондықтан біз ешқашан тәкәппарланбауымыз керек, «біз бұны істеп жатырмыз, біз оны қылдық.» дей көрме, бұның барлығы Алла Жәллә Жәләлухудан бізге берілген нығымет, оны Құранда «هَٰذَا مِن فَضْلِ رَبِّي» (Құран 27:40) яғни «бұл Раббыларыңынан берілген нығымет.» (Құран 27:40) деп айтып кеткен. Біз Алла Жәллә Жәләлухуға рахмет айтуымыз керек, ешқашан «мен басқалардан жақсымын, одан тәуірмін.» деп айтпаңыз, әр кез өзіңізге көңіл бөліңіз, өзіңізді түзеумен болыңыз, Алла Жәллә Жәләлухудың бергеніне қарап, оған риза болыңыз, шаттанып жүріңіз, басқа адамдарға (олардың кемшілігіне) қарамаңыз, міне бұл сопылық тәриқаттың үйреткендерінен. Тәриқаттың әдебі, жақсы ибасы былай: өзіңізге қарау, ешбір тәкәппарлықта болмау. Осы себептерге байланысты Машайықтар «жүрегінде зәредей тәкәппарлығы бар адамдар Жәһаннамнан құтыла алмайды.» деп көп айтады, тәкәппар жан Жәһаннамға барады, ол сонда түсіп, тәкәппарлығынан тазаланған соң ғана Жәннәтқа кіре алады.

Біздің тәриқат болсын, басқа 40 тәриқат болсын яғни Нақышбанд, Қадири, Ғейләни, Рафиай сияқты т.б. тәриқаттар болсын барлығы да әдепке үйретеді, біз тәриқатта емес адамдардың тәкаппар келетінін, өздерін тым жоғары санайтынын көп көріп жүрміз. Бірде біз қажылыққа (Меккеге) алып баратын автобуста едік, онда Машайықтарға (әулиелерге)  және руханиятқа сенбейтіндердің біреуі бар екен, олардың көзіне барлығы жаман, әрбір мұсылман адасушы көрінеді. Түріктер сөйлеп келеміз, әлхамдулилла, олар біздің сөзді түсінбейді, Түріктер бірдеңе айтып отырып, арасында бір арапша сөз айтылып қалды, әлгі адам бізді арап екен деп бізге сөйлей бастады, ол «мен Құран жаттап алған Хафиз қаримын, 65000 хадис білем, мен оны білем, мен бұны білем.» деп әбден мақтанды, ол салауатпен басқа нәрселер жәйлі айта келе «бұлар бидаға.» деді, оны қалай білмексің? міне тәкәппар адам осындай болар. Біз ештеңе демедік, себебі бұндай адамдарға сөз сөйлеудің еш қажеті жоқ, олар Құранды жүректерімен біледі, мыңдаған, онымыңдаған хадистерді біледі, бірақ олар пайғамбарымыздың ұлылығын қабыл етпейді, олар Алла Әззә уа-Жәлләның өзі пайғамбарымызды Құранда қалай мақтағанын және оған салауат айтуды талап еткенін қабыл етпейді, оған көз жұмады. Сіз салауат айтсаңыз, олар «бұл бидаға, ол шірік.» дер, «неге олай? онда біз қалай істеуіміз керек?» делінсе, олар «оны істеме.» дейді, неге? «себебі мен Құран жаттап алған Хафизбын.» дер. Ақиқатында сендер Құранның тек сөздерін ғана білесіңдер, бірақ оны түсінбейсіңдер (Құран жаттау бір бөлек, ал оны түсіну бір бөлек), демек Құранның ештеңесін білмейсіңдер, сендер Алла Әззә уа-Жәллә айтып мына адамдарға ұқсайсыңдар, Алла Әззә уа-Жәллә олар жәйлі «كَمَثَلِ الۡحِمَارِ يَحۡمِلُ اَسۡفَارًا​» (Құран 62:05) яғни «олар кітап артып алған есекке ұқсайды (Құран оқиды, бірақ одан ештеңе түсінбейді).» (Құран 62:05) деп айтып кеткен, олардың ісі осындай кітап көтерген есектің хәлінен аумайды. Олар үлкен есек сияқты, кішкене есектерде көп (күлді), ал үлкен есекке 500 кітап артсаңызда көтереді, себебі олар мығым келеді, бірақ одан не пайда бар? онан еш пайда жоқ, олар кітапті ол жерден бұл жерге жөткеп көшіріп апаруға ғана пайдалы, ал оның өзіне еш пайдасы жоқ, бірақ олардың алдына бір бау шөп тастасаң, олар бұған онан арман мәз болар, міне осындай адамдар күллі адамзат үшін ең әдемі, ең жақсы білім болған Исламның, пайғамбарымыздың және Алла Әззә уа-Жәлләның үйреткендерін еш түсінбейтін жандар.

Сондықтан осындай нәрселерді (дінни білімдерді) түсінбестен арқасына «артып» алған адамдар сопылық тәриқатпен пайғамбарымыздың жолының жоқ болуын қалайды, олар барлық тәриқатты жоқ еткісі келеді, олар «бұл шірік, ол бидаға.» дер, тәриқатсыз жерде иман тұрмайды, ал иман пайғамбарымызды сүйумен келеді, себебі махаббат пайғамбарымыздың жүрегінен басқа барлық адам баласының жүректеріне кіреді, иман және ислам барлығы осы махаббатта жатыр. Пайғамбарымыз «маған кім салауат айтса, мен оған қайтарамын.» дейді, міне бұл пайғамбарымызға айтылған салауаттың берер пайдасы болмақ, салауат айтылса, пайғамбарымыз әрдайым адамдардың жүрегіне осы нұрды, осы рухани байланысты, осы иманды тоқтаусыз жіберіп тұратын болады, демек ол бізге Алла Әззә уа-Жәлләға деген иман-сенімді құйып тұрмақ.

Әсіресе жұма күні кеште (ислам бойынша жұма күні бейсенбі кеште кіреді, бейсенбі кештен жұма күнгі кешке дейін жұма күні саналады) пайғамбарымызға салауат айтудың игілігі аса зор, пайғамбарымыз «أكثروا الصلاة علي في الليلة الغراء» яғни «осы жақсы түнде маған көптеп салауат айтыңдар.» дейді, осылай етсеңіз Алла Жәллә Жәләлуху сіздерге құт-берекесімен бақытын молынан сыйлайтын болады, барлық жақсылықтармен игіліктер салауат арқылы келеді, дүние жәйлі, өмір сүру жәйлі еш алаң болмаңыз, Алла Жәллә Жәләлухумен бірге болыңыз да, ештеңеге бас қатырмаңыз, еш алаңдамаңыз.

Біз өмір сүріп отырған қазіргі заманда бүкіл дүние қатты алаңмен тым мазалы күйде тұр, олар «не болмақ?» дейді, не болушы еді? Алла Жәллә Жәләлухудың қалағаны болады. Әлхамдулилила, біз жақсы хабарды күтіп отырмыз, себебі біз пайғамбарымыздың осы заман хақында айтқандарына сенеміз. Бұл заман «اخر الامة اخير الامة» яғни «ең ақырғы үмбетім үмбетімнің ішіндегі ең жақсысы.» делінген заман, оның мағынасы «ақырзамандағы үмбеттерден кімдер пайғамбарымыздың айтқандарын істеп, оған бойұсынса, оларға берілетін сауап басқа кездегі үмбеттерімен әлде қайда көп болады.» деген сөз еді. Пайғамбарымыз тіпті «осы кездегілер менің бір сүннетімді істесе, Алла Жәллә Жәләлуху оған кейде 7 шәһттің, кейде 100 шәһиттің сауабын береді.» деп айтып кеткен болатын, сондықтан біздің мына заман қарамаққа тым қиын көрінгенімен, бірақ ол шын мүмин үшін еш қиын көрінбейді.

Алла Әззә уа-Жәллә бізді осы заманда жаратты, бұрынғы кездегі адамдар етіп жаратпады, оған қарсылығыңыз барма? жоқ, біз бұған ештеңе дей алмаймыз. Мұсылмандар, мүминдер, әсіресе тәриқаттағылар Алла Жәллә Жәләлуху не берсе соны қабыл етуі керек, ал біздің «о Раббым, сіздің бергендеріңізге дән ризамыз, оған қуаныштымыз.» деп айтудан басқа еш айтарымыз жоқ. О Алла Әззә уа-Жәллә, біз кейде «ол не, бұл не?» деп артық сөйлеп, қарсылық етіп қойсақ, бізді кешіріңіз, біз Алла Жәллә Жәләлухуға қарсы іс қылмай, қайта Оған бойұсынуымыз керек, сіздер өздеріңізге, отбасыңызға, туыс-туғандарыңызға және мұсыلмандарға қайырлы іс істеуге құлшыныңыз, біздің міндетіміз осы-дүр, міндетіміз өзгелерді зияндау немесе өзгелермен айтысып-тартысу емес.

Қазір тыныш үнсіз жүретін заман, өзіңізге жақсы көңіл бөліп, сабыр сақтайтын заман, ал осы кезеңнен кейін, иншалла, пайғамбарымыздың бізге айтқанындай жақсы уақыт келмек, ол «ақырзаманда Сәйдінә Мәхди әлейхи салам келгенде бүкіл барлығы жақсы болады.» деп өсиеттеп кеткен еді, ал ол келуден бұрын ештеңе жақсы болмақ емес. Ел-жұрт сайлау жүргізеді, ана-мынаны істеп бағады, анау келеді, мынау кетеді, ал бұлардың ешқайсысы маңызды емес, бірақ бұнда біз үшін маңыздысы Сәйдінә Мәхди әлейхи саламды күту болмақ, ал басқа адамдарға еш үміт артпаңыз, ол келсін я бұл кетсін, бәрібір, олар ұқсас адамдар, олардың үйретінділері де ұқсас, демек олар ел-жұртты біраз алдап тұрады да, сосын өз жөніне кетеді, басқа ештеңе жоқ, сондықтан олардың еш ісіне араласпаңыз, өзіңізбен отбасыңызға жақсы көңіл бөліңіз әрі Сәйдінә Мәхди әлейхи саламның келуін тосыңыз, Алла Жәллә Жәләлуху оны тосқандығыңыз үшін де көп сауаптар береді, себебі «انتظار الفرج عبادة» яғни «жеңілдікті күтуде ғибадат.» делінген.

Алла Жәллә Жәләлуху сіздерге мол сауаптар бергей және Алла Жәллә Жәләлуху баршамызды онымен (Сәйдінә Мәхди әлейхи саламға) кездесуге нәсіп еткей, иншалла. Алла Жәллә Жәләлуху сіздерді және біздерді аман-есен еткей, имандарымызды дін аман еткей, иншалла, барлығыңызға көп рахмет.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: اللا ءقادىر - ءقادىر (2023.01.19، 26 ءجۇمادا ءال-اقير 1444)

نۇريسلام مەشىتى، ۇلى بريتانيا.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

ءبىز اللا ءجاللا ءجالالۋحۋدىڭ، ماشايىقتارىمىزدىڭ جانە پايعامبارىمىزدىڭ بەرەكەلەرىمەن وسىندا قايتا كەزدەسكەندىگىمىز ءۇشىن اللا ءجاللا ءجالالۋحۋعا راحىمەت ايتامىز، ءبىز ولاردىڭ ماحابباتى ءۇشىن جينالىپ وتىرمىز، ءبىز ولاردىڭ ريزالىعىن قالايمىز جانە ولاردىڭ ءبىز ءۇشىن قۋانعانىن قالايمىز، مىنە بۇل بىزبەن وسىنداعى بارلىق جۇرتتىڭ بۇندا كەلۋىنىڭ باستى سەبەبى-ءدۇر، سىزدەر بۇندا سوناۋ الىس-جاقىن جاقتاردان اللا ءجاللا ءجالالۋحۋ ءۇشىن كەلىپ جاتسىزدار، اللا ءجاللا ءجالالۋحۋ سىزدەرگە ساۋابىن بەرەتىن بولادى.

اللا ءجاللا ءجالالۋحۋ ءوز قالاعانىن ىستەۋشى، ەشكىم ودان «نەگە ولاي ىستەپ جاتسىز؟» دەپ سۇراي الماس، كىم بۇندا كەلسە، ول اللا ءجاللا ءجالالۋحۋدىڭ نىعىمەتىنەن بولماق، ول سىزدەردى ءوز ماحابباتىمەن پايعامبارىمىزدىڭ ماحابباتى ءۇشىن بۇندا جينادى. ءبىز اللا ءجاللا ءجالالۋحۋدان ءبىزدى ەڭ سوڭعى دەمىمىزگە دەيىن وسى تۋرا جولدا جۇرگىزە بەرۋىن سۇرايمىز ءارى شايتانمەن ونىڭ ەرۋشىلەرىنە الدانىپ قالماۋىمىزدى تىلەيمىز، سەبەبى جاقسى جولعا ەرمەگەن ادامنىڭ اقىرى وتە مۇشكىل بولماق، ءپىر ءمۇرشيتسىز، جول كورسەتۋشىسىز اللا ءجاللا ءجالالۋحۋدىڭ جولىندا ءجۇرۋ اسا قيىن ءىس-ءدۇر.

ينشاللا، اللا ءجاللا ءجالالۋحۋ ءبىزدى بۇندا ماحاببات جانە قۋانىش-شاتتىق ىشىندە بولۋعا ءناسىپ ەتتى، اللا ءجاللا ءجالالۋحۋ ءبىزدىڭ بۇكىل ءومىرىمىزدى وسىنداي جاقسى كۇيدە قىلا بەرگەي. ينشاللا، كەلە جاتقان اقيرەتىمىزدە دە ماشايىقتارىمىزبەن پايعامبارىمىزدىڭ قۇزىرەتىندە ەتكەي، ولارمەن ءجانناتۇل فەرداۋىستا ءبىر ەتكەي، مىنە وسىلار اللا ءجاللا ءجالالۋحۋدان بارشامىزعا بەرىلگەن اسا ۇلكەن سىي بولماق.

سەبەبى اللا ءجاللا ءجالالۋحۋ بارلىعىن ىستەي الادى، ول - اللا ءاززا ۋا-ءجاللا. كوپتەگەن ادامدارعا بۇل ارادا بولۋ ءناسىپ بولمادى. بىردە ءابدۋل ءقادىر عەيلاني اۋليە، ءبىزدىڭ حازىرەت باز عاۋىسۇل اعزام ياعني ايگىلى اۋليە شايىق ءابدۋل ءقادىر عەيلاني مۇريتتەرىمەن كوشەدە كەتىپ بارا جاتقاندا ءبىر اراقكەش ماسكۇنەمگە جولىعىپ قالادى، ول عەيلاني اۋليەنى بىلەتىن ەدى، ماسكۇنەم ماس بولسادا اۋليەنى تانىپ، ورنىنان تۇرماقشى بولدى، ءبىراق تۇرا الماي سۇرىنە بەردى، سول كەزدە ول اۋليەگە «و شايىق ءابدۋل ءقادىر، اللاھ ءقادىر؟» دەيدى، «ابدۋل ءقادىر» دەگەن ءسوز «بارلىعىن ىستەي الۋشىنىڭ پەندەسى ياعني قۇلى.» دەگەندى بىلدىرەدى، بۇنداعى «ءقادىر» دەگەن ءسوز «ىستەي الۋشى نەمەسە ىستەۋشى» دەگەن ماعىنادا، ول «و ابدۋل ءقادىر، اللاھ ءقادىر؟» دەيدى تاعى، بۇندا ول «اللا ءجاللا ءجالالۋحۋ بارلىعىن ىستەي الۋشى ما؟» دەپ سۇراپ جاتىر، اۋليە وعان «ءقادىر ءقادىر.» دەپ جاۋاپ بەرەدى، دەمەك «ءيا، ىستەۋشى ىستەۋشى.» دەيدى، ماسكۇنەم ورنىندا ءبىراز دىرىلدەپ تۇردى دا، تاعى «ابدۋل ءقادىر، اللاھ ءقادىر؟» دەيدى ياعني «اللاھ ءجاللا ءجالالۋحۋ ىستەۋشى مە؟» دەيدى، ونىڭ ءۇشىنشى رەتكى سۇراعى دا ۇقساس بولدى، وعان «اللاھ ءقادىر؟» دەلىنەدى، شايىق ابدۋل ءقادىر عەيلاني اۋليەنىڭ ماقامىن اللا ءجاللا ءجالالۋحۋ بيىك ەتسىن، ونىڭ قۇت-بەرەكەسىن بىزگە دارىتا بەرسىن، ينشاللا، ءبىز ونىڭ اتىن اتاپ ايتقان كەزىمىزدە، ول بارلىعىمىزعا نازار سالىپ، قارايتىن بولادى. ول «ءيا، اللاھ ءقادىر ءقادىر.» دەيدى ءارى وسى كەزدە جىلاي جىعىلىپ، ساجدەگە باس قويادى، ونىڭ ەرۋشى مۇريتتەرى اۋليەدەن بۇندا قانداي دانالىق-حيكمەت جاتقانىن سۇرايدى، اۋليە «ول ءبىرىنشى سۇراعىندا مەنەن "اللا ءجاللا ءجالالۋحۋ مەنى وسى حالدەن شىعارا الا ما؟" دەپ سۇرادى، وعان "ارينە، اللا ءجاللا ءجالالۋحۋ سەنى بۇل حالدەن ياعني ماسكۇنەمدىكتەن قۇتىلدىرا الادى." دەپ جاۋاپ بەردىم، ەكىنشى سۇراعىندا ول "اللا مەنى دۇرىس جولعا سالا الا ما؟ ساعان ەرگىزىپ، جاقسى جولدا بولدىرا الا ما؟" دەپ سۇرادى، وعان "ءيا، اللا ءجاللا ءجالالۋحۋ سولاي ەتە الادى." دەدىم، ال ءۇشىنشى سۇراعىنا ول مەنەن "اللا سەنى مەن سياقتى ەتە الا ما؟" دەپ سۇرادى، مەن "ءيا، اللا ءجاللا ءجالالۋحۋ مەنى سەندەي ەتە الادى." دەپ جاۋاپ بەردىم.» دەيدى، ءتىپتى شايىق ابدۋل ءقادىر عەيلانيدەي اۋليەلەر دە «ونداي حالگە ءتۇسىپ قالۋدان ساقتاي كور!» دەپ اللا ءجاللا ءجالالۋحۋعا جىلاي سىيىنىپ، ءسۇجۇد-ساجدەگە جىعىلعان.

اللا ءاززا ۋا-ءجاللا بارلىعىن ىستەي الۋشى، ءبىز اللا ءجاللا ءجالالۋحۋعا راحمەت ايتۋىمىز كەرەك، ول ءبىزدى ءوز جولىندا ەتىپ، بىزگە «الحامدۋليللاھ» دەگىزدىرىپ قويدى، ول ءبىزدى باسقالارعا قاراتىپ قويمادى، ولارداي تاكاپپار ەتپەدى، مىنە بۇل اللا ءاززا ۋا-ءجاللادان بەرىلگەن ءبىر نىعىمەت. ول ءبىزدى اراقكەش ماسكۇنەم دە، اتەيست تە نەمەسە سولار سياقتى بىرەۋ دە ەتە الادى، ءتىپتى ول قالاسا ءبىزدى تىشقان، يت، حاشا (ودان الىس ەتسىن)! ەسەك، تاراقان سياقتى دا ەتە الادى، نەمەسە ول ءبىزدى باسقا كەزكەلگەن نارسە قىلا الادى. اللا ءجاللا ءجالالۋحۋ ءبىزدى وسىلار سياقتى ەتۋدى قالاسا، سولاي ەتە الادى، سوندىقتان ءبىز ەشقاشان تاكاپپارلانباۋىمىز كەرەك، «ءبىز بۇنى ىستەپ جاتىرمىز، ءبىز ونى قىلدىق.» دەي كورمە، بۇنىڭ بارلىعى اللا ءجاللا ءجالالۋحۋدان بىزگە بەرىلگەن نىعىمەت، ونى قۇراندا «هَٰذَا مِن فَضْلِ رَبِّي» (قۇران 27:40) ياعني «بۇل راببىلارىڭىنان بەرىلگەن نىعىمەت.» (قۇران 27:40) دەپ ايتىپ كەتكەن. ءبىز اللا ءجاللا ءجالالۋحۋعا راحمەت ايتۋىمىز كەرەك، ەشقاشان «مەن باسقالاردان جاقسىمىن، ودان ءتاۋىرمىن.» دەپ ايتپاڭىز، ءار كەز وزىڭىزگە كوڭىل ءبولىڭىز، ءوزىڭىزدى تۇزەۋمەن بولىڭىز، اللا ءجاللا ءجالالۋحۋدىڭ بەرگەنىنە قاراپ، وعان ريزا بولىڭىز، شاتتانىپ ءجۇرىڭىز، باسقا ادامدارعا (ولاردىڭ كەمشىلىگىنە) قاراماڭىز، مىنە بۇل سوپىلىق ءتاريقاتتىڭ ۇيرەتكەندەرىنەن. ءتاريقاتتىڭ ادەبى، جاقسى يباسى بىلاي: وزىڭىزگە قاراۋ، ەشبىر تاكاپپارلىقتا بولماۋ. وسى سەبەپتەرگە بايلانىستى ماشايىقتار «جۇرەگىندە زارەدەي تاكاپپارلىعى بار ادامدار ءجاھاننامنان قۇتىلا المايدى.» دەپ كوپ ايتادى، تاكاپپار جان ءجاھاننامعا بارادى، ول سوندا ءتۇسىپ، تاكاپپارلىعىنان تازالانعان سوڭ عانا ءجانناتقا كىرە الادى.

ءبىزدىڭ ءتاريقات بولسىن، باسقا 40 ءتاريقات بولسىن ياعني ناقىشباند، قاديري، عەيلاني، رافياي سياقتى ت.ب. ءتاريقاتتار بولسىن بارلىعى دا ادەپكە ۇيرەتەدى، ءبىز ءتاريقاتتا ەمەس ادامداردىڭ تاكاپپار كەلەتىنىن، وزدەرىن تىم جوعارى سانايتىنىن كوپ كورىپ ءجۇرمىز. بىردە ءبىز قاجىلىققا (مەككەگە) الىپ باراتىن اۆتوبۋستا ەدىك، وندا ماشايىقتارعا (اۋليەلەرگە)  جانە رۋحانياتقا سەنبەيتىندەردىڭ بىرەۋى بار ەكەن، ولاردىڭ كوزىنە بارلىعى جامان، ءاربىر مۇسىلمان اداسۋشى كورىنەدى. تۇرىكتەر سويلەپ كەلەمىز، ءالحامدۋليللا، ولار ءبىزدىڭ ءسوزدى تۇسىنبەيدى، تۇرىكتەر بىردەڭە ايتىپ وتىرىپ، اراسىندا ءبىر اراپشا ءسوز ايتىلىپ قالدى، الگى ادام ءبىزدى اراپ ەكەن دەپ بىزگە سويلەي باستادى، ول «مەن قۇران جاتتاپ العان حافيز قاريمىن، 65000 حاديس بىلەم، مەن ونى بىلەم، مەن بۇنى بىلەم.» دەپ ابدەن ماقتاندى، ول سالاۋاتپەن باسقا نارسەلەر ءجايلى ايتا كەلە «بۇلار بيداعا.» دەدى، ونى قالاي بىلمەكسىڭ؟ مىنە تاكاپپار ادام وسىنداي بولار. ءبىز ەشتەڭە دەمەدىك، سەبەبى بۇنداي ادامدارعا ءسوز سويلەۋدىڭ ەش قاجەتى جوق، ولار قۇراندى جۇرەكتەرىمەن بىلەدى، مىڭداعان، ونىمىڭداعان حاديستەردى بىلەدى، ءبىراق ولار پايعامبارىمىزدىڭ ۇلىلىعىن قابىل ەتپەيدى، ولار اللا ءاززا ۋا-ءجاللانىڭ ءوزى پايعامبارىمىزدى قۇراندا قالاي ماقتاعانىن جانە وعان سالاۋات ايتۋدى تالاپ ەتكەنىن قابىل ەتپەيدى، وعان كوز جۇمادى. ءسىز سالاۋات ايتساڭىز، ولار «بۇل بيداعا، ول شىرىك.» دەر، «نەگە ولاي؟ وندا ءبىز قالاي ىستەۋىمىز كەرەك؟» دەلىنسە، ولار «ونى ىستەمە.» دەيدى، نەگە؟ «سەبەبى مەن قۇران جاتتاپ العان حافيزبىن.» دەر. اقيقاتىندا سەندەر قۇراننىڭ تەك سوزدەرىن عانا بىلەسىڭدەر، ءبىراق ونى تۇسىنبەيسىڭدەر (قۇران جاتتاۋ ءبىر بولەك، ال ونى ءتۇسىنۋ ءبىر بولەك)، دەمەك قۇراننىڭ ەشتەڭەسىن بىلمەيسىڭدەر، سەندەر اللا ءاززا ۋا-ءجاللا ايتىپ مىنا ادامدارعا ۇقسايسىڭدار، اللا ءاززا ۋا-ءجاللا ولار ءجايلى «كَمَثَلِ الۡحِمَارِ يَحۡمِلُ اَسۡفَارًا​» (قۇران 62:05) ياعني «ولار كىتاپ ارتىپ العان ەسەككە ۇقسايدى (قۇران وقيدى، ءبىراق ودان ەشتەڭە تۇسىنبەيدى).» (قۇران 62:05) دەپ ايتىپ كەتكەن، ولاردىڭ ءىسى وسىنداي كىتاپ كوتەرگەن ەسەكتىڭ حالىنەن اۋمايدى. ولار ۇلكەن ەسەك سياقتى، كىشكەنە ەسەكتەردە كوپ (كۇلدى)، ال ۇلكەن ەسەككە 500 كىتاپ ارتساڭىزدا كوتەرەدى، سەبەبى ولار مىعىم كەلەدى، ءبىراق ودان نە پايدا بار؟ ونان ەش پايدا جوق، ولار كىتاپتى ول جەردەن بۇل جەرگە جوتكەپ كوشىرىپ اپارۋعا عانا پايدالى، ال ونىڭ وزىنە ەش پايداسى جوق، ءبىراق ولاردىڭ الدىنا ءبىر باۋ ءشوپ تاستاساڭ، ولار بۇعان ونان ارمان ءماز بولار، مىنە وسىنداي ادامدار كۇللى ادامزات ءۇشىن ەڭ ادەمى، ەڭ جاقسى ءبىلىم بولعان يسلامنىڭ، پايعامبارىمىزدىڭ جانە اللا ءاززا ۋا-ءجاللانىڭ ۇيرەتكەندەرىن ەش تۇسىنبەيتىن جاندار.

سوندىقتان وسىنداي نارسەلەردى (ءدىنني بىلىمدەردى) تۇسىنبەستەن ارقاسىنا «ارتىپ» العان ادامدار سوپىلىق تاريقاتپەن پايعامبارىمىزدىڭ جولىنىڭ جوق بولۋىن قالايدى، ولار بارلىق ءتاريقاتتى جوق ەتكىسى كەلەدى، ولار «بۇل شىرىك، ول بيداعا.» دەر، ءتاريقاتسىز جەردە يمان تۇرمايدى، ال يمان پايعامبارىمىزدى سۇيۋمەن كەلەدى، سەبەبى ماحاببات پايعامبارىمىزدىڭ جۇرەگىنەن باسقا بارلىق ادام بالاسىنىڭ جۇرەكتەرىنە كىرەدى، يمان جانە يسلام بارلىعى وسى ماحابباتتا جاتىر. پايعامبارىمىز «ماعان كىم سالاۋات ايتسا، مەن وعان قايتارامىن.» دەيدى، مىنە بۇل پايعامبارىمىزعا ايتىلعان سالاۋاتتىڭ بەرەر پايداسى بولماق، سالاۋات ايتىلسا، پايعامبارىمىز ءاردايىم ادامداردىڭ جۇرەگىنە وسى نۇردى، وسى رۋحاني بايلانىستى، وسى يماندى توقتاۋسىز جىبەرىپ تۇراتىن بولادى، دەمەك ول بىزگە اللا ءاززا ۋا-ءجاللاعا دەگەن يمان-سەنىمدى قۇيىپ تۇرماق.

اسىرەسە جۇما كۇنى كەشتە (يسلام بويىنشا جۇما كۇنى بەيسەنبى كەشتە كىرەدى، بەيسەنبى كەشتەن جۇما كۇنگى كەشكە دەيىن جۇما كۇنى سانالادى) پايعامبارىمىزعا سالاۋات ايتۋدىڭ يگىلىگى اسا زور، پايعامبارىمىز «أكثروا الصلاة علي في الليلة ءالغرا» ياعني «وسى جاقسى تۇندە ماعان كوپتەپ سالاۋات ايتىڭدار.» دەيدى، وسىلاي ەتسەڭىز اللا ءجاللا ءجالالۋحۋ سىزدەرگە قۇت-بەرەكەسىمەن باقىتىن مولىنان سىيلايتىن بولادى، بارلىق جاقسىلىقتارمەن يگىلىكتەر سالاۋات ارقىلى كەلەدى، دۇنيە ءجايلى، ءومىر ءسۇرۋ ءجايلى ەش الاڭ بولماڭىز، اللا ءجاللا جالالۋحۋمەن بىرگە بولىڭىز دا، ەشتەڭەگە باس قاتىرماڭىز، ەش الاڭداماڭىز.

ءبىز ءومىر ءسۇرىپ وتىرعان قازىرگى زاماندا بۇكىل دۇنيە قاتتى الاڭمەن تىم مازالى كۇيدە تۇر، ولار «نە بولماق؟» دەيدى، نە بولۋشى ەدى؟ اللا ءجاللا ءجالالۋحۋدىڭ قالاعانى بولادى. ءالحامدۋليليلا، ءبىز جاقسى حاباردى كۇتىپ وتىرمىز، سەبەبى ءبىز پايعامبارىمىزدىڭ وسى زامان حاقىندا ايتقاندارىنا سەنەمىز. بۇل زامان «اخر الامة اخير الامة» ياعني «ەڭ اقىرعى ۇمبەتىم ۇمبەتىمنىڭ ىشىندەگى ەڭ جاقسىسى.» دەلىنگەن زامان، ونىڭ ماعىناسى «اقىرزامانداعى ۇمبەتتەردەن كىمدەر پايعامبارىمىزدىڭ ايتقاندارىن ىستەپ، وعان بويۇسىنسا، ولارعا بەرىلەتىن ساۋاپ باسقا كەزدەگى ۇمبەتتەرىمەن الدە قايدا كوپ بولادى.» دەگەن ءسوز ەدى. پايعامبارىمىز ءتىپتى «وسى كەزدەگىلەر مەنىڭ ءبىر سۇننەتىمدى ىستەسە، اللا ءجاللا ءجالالۋحۋ وعان كەيدە 7 ءشاھتتىڭ، كەيدە 100 ءشاھيتتىڭ ساۋابىن بەرەدى.» دەپ ايتىپ كەتكەن بولاتىن، سوندىقتان ءبىزدىڭ مىنا زامان قاراماققا تىم قيىن كورىنگەنىمەن، ءبىراق ول شىن ءمۇمين ءۇشىن ەش قيىن كورىنبەيدى.

اللا ءاززا ۋا-ءجاللا ءبىزدى وسى زاماندا جاراتتى، بۇرىنعى كەزدەگى ادامدار ەتىپ جاراتپادى، وعان قارسىلىعىڭىز بارما؟ جوق، ءبىز بۇعان ەشتەڭە دەي المايمىز. مۇسىلماندار، مۇميندەر، اسىرەسە ءتاريقاتتاعىلار اللا ءجاللا ءجالالۋحۋ نە بەرسە سونى قابىل ەتۋى كەرەك، ال ءبىزدىڭ «و راببىم، ءسىزدىڭ بەرگەندەرىڭىزگە ءدان ريزامىز، وعان قۋانىشتىمىز.» دەپ ايتۋدان باسقا ەش ايتارىمىز جوق. و اللا ءاززا ۋا-ءجاللا، ءبىز كەيدە «ول نە، بۇل نە؟» دەپ ارتىق سويلەپ، قارسىلىق ەتىپ قويساق، ءبىزدى كەشىرىڭىز، ءبىز اللا ءجاللا ءجالالۋحۋعا قارسى ءىس قىلماي، قايتا وعان بويۇسىنۋىمىز كەرەك، سىزدەر وزدەرىڭىزگە، وتباسىڭىزعا، تۋىس-تۋعاندارىڭىزعا جانە مۇسىلماندارعا قايىرلى ءىس ىستەۋگە قۇلشىنىڭىز، ءبىزدىڭ مىندەتىمىز وسى-ءدۇر، مىندەتىمىز وزگەلەردى زيانداۋ نەمەسە وزگەلەرمەن ايتىسىپ-تارتىسۋ ەمەس.

ءقازىر تىنىش ءۇنسىز جۇرەتىن زامان، وزىڭىزگە جاقسى كوڭىل ءبولىپ، سابىر ساقتايتىن زامان، ال وسى كەزەڭنەن كەيىن، ينشاللا، پايعامبارىمىزدىڭ بىزگە ايتقانىنداي جاقسى ۋاقىت كەلمەك، ول «اقىرزاماندا ءسايدىنا ءماحدي الەيحي سالام كەلگەندە بۇكىل بارلىعى جاقسى بولادى.» دەپ وسيەتتەپ كەتكەن ەدى، ال ول كەلۋدەن بۇرىن ەشتەڭە جاقسى بولماق ەمەس. ەل-جۇرت سايلاۋ جۇرگىزەدى، انا-مىنانى ىستەپ باعادى، اناۋ كەلەدى، مىناۋ كەتەدى، ال بۇلاردىڭ ەشقايسىسى ماڭىزدى ەمەس، ءبىراق بۇندا ءبىز ءۇشىن ماڭىزدىسى ءسايدىنا ءماحدي الەيحي سالامدى كۇتۋ بولماق، ال باسقا ادامدارعا ەش ءۇمىت ارتپاڭىز، ول كەلسىن يا بۇل كەتسىن، ءبارىبىر، ولار ۇقساس ادامدار، ولاردىڭ ۇيرەتىندىلەرى دە ۇقساس، دەمەك ولار ەل-جۇرتتى ءبىراز الداپ تۇرادى دا، سوسىن ءوز جونىنە كەتەدى، باسقا ەشتەڭە جوق، سوندىقتان ولاردىڭ ەش ىسىنە ارالاسپاڭىز، وزىڭىزبەن وتباسىڭىزعا جاقسى كوڭىل ءبولىڭىز ءارى ءسايدىنا ءماحدي الەيحي سالامنىڭ كەلۋىن توسىڭىز، اللا ءجاللا ءجالالۋحۋ ونى توسقاندىعىڭىز ءۇشىن دە كوپ ساۋاپتار بەرەدى، سەبەبى «انتظار الفرج عبادة» ياعني «جەڭىلدىكتى كۇتۋدە عيبادات.» دەلىنگەن.

اللا ءجاللا ءجالالۋحۋ سىزدەرگە مول ساۋاپتار بەرگەي جانە اللا ءجاللا ءجالالۋحۋ بارشامىزدى ونىمەن (ءسايدىنا ءماحدي الەيحي سالامعا) كەزدەسۋگە ءناسىپ ەتكەي، ينشاللا. اللا ءجاللا ءجالالۋحۋ سىزدەردى جانە بىزدەردى امان-ەسەن ەتكەي، يماندارىمىزدى ءدىن امان ەتكەي، ينشاللا، بارلىعىڭىزعا كوپ راحمەت.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw