Сұхбат: икеміңіз бар жұмысты істеңіз (2023.01.11, 18 Жүмәдә әл-Ақир 1444)

Ақ Баба Дергасы, Таң Намаз.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

«كُلٌّ مُيَسَّرٌ لِمَا خُلِقَ لَهُ».

«Әрбір адам неге жаралса, ол соған епті.» (Хадис) делінеді, Алла Әззә уа-Жәллә жаратқан әрбір пендесіне мәлім бір артықшылықпен ептілік берген, олар сол өздері епті болған ісіне сүйене отырып өмір сүреді, егер олар сол берілгенге риза болса, олар жәйлі тыныш өмір сүретін болады, алайда қазіргі заманда адамдар бұндай жолды тастап, өмірлерін көптеп табыс табумен молынан ақша жинайтын бағыттарға салып алды, демек олар өздерінің бейімдері бар істі істемей, тек ақшаны көп табатын жолдарға ғана түсіп алған.

Ертедегі адамдар өздерін өздерінің ең икем-бейімі бар іске салатын, сонымен жүретін еді, олар әуелі оқушы болатын да, сосын барып ысылған маманға айналатын, олар осылай өмір сүріп, істеген ісін өмірлік кәсібі етуші еді әрі олар сол ісіне өте жақсы тәрбиеленіп шығатын еді. Олар өздерінің ұстазын нағыз пірдей көретін де, әрдайым өздерінің ебі бар, өздері білетін кәсіпке қатты ден қойып жұмыс істейтін әрі өздерін басқа қатыссыз нәрселермен алаң қылып, әбігерге салмайтын.

Алайда қазіргі кездегі жұрт «бұл жұмыспен ақша табуға келмейді, біз басқа бір жұмыс табуымыз керек.» дейді де, ебімен икемдері мүлдем келмейтін мамандықтарға шаптасып алады, соған кіреді, соны үйренеді, одан соң олар оның соңына шыға алмай қалады немесе жолда күйреп жатады, сіз өзіңіздің икем-бейіміңіз бар жұмысты жалғасты істеуіңіз керек, өзіңізді сіз өзіңіз білмейтін және түсінбейтін жұмыстармен әбігерлікке салмаңыз, демек Алла Жәллә Жәләлуху сізді оған жаратпады.

Өз өзіңізді қамдап, Алла Жәллә Жәләлухуға құлшылық етуіңіз үшін Алла Әззә уа-Жәллә сізге мәлім бір тіршілік жолын көрсетіп, сізге бейімдеп мәлім бір кәсіпті я ептілікті берген, ал осыған ерген адам өз іс-кәсібінде білікті жан болады да, ойындағы ауырлықтарды кетіріп, жеңіл жүретін болады.

Сондықтан нендей іс-шаруаға еп-икеміңіз болса, қайсы кәсіпте білікті маман болсаңыз, соныңызбен қалыңыз, оны сақтаңыз да, оны онан арман ары қарай ұштап, дамытуға құлшыныңыз, бұл сізге берекемен тыншытық алып келетін болады, сіз де Алла Жәллә Жәләлухудың бергеніне риза боласыз, осылайша Алла Жәллә Жәләлухудың ризалығына жетесіз, міне осылай.

Қазіргі адамдарға қарап отырсаңыз, олар өздерімен қатысы жоқ жұмыстарды істейді, мәселен кейбір адамдар өздері түсінбейтін құрылысшы немесе келісімші серіктік болып істегісі келеді де, елден ақша алады, бірақ соңында олар күйруге ұшырайды (банкрот) әрі өзге адамдарды да өздерімен бірге күйретеді, сол сияқты басқада көптеген адамдар бар, олар да (өздерінің икемі келмейін) ана я мына саудаларды істегісі келер, жоқ! Алла Жәллә Жәләлуху сөзсіз түрде барлығын сізге өзіңіз өмір сүре алатындай етіп береді.

Сондықтан, бұл нәрселер маңызды емес, бірақ Алла Жәллә Жәләлухудың ризалығына жету және құлшылықтарыңызды өтеп жүру маңызды болмақ, бұнда Алла Жәллә Жәләлухуды қуандыру маңызды болмақ, біз Алла Жәллә Жәләлухуға шүкір айтуымыз керек.

Алла Жәллә Жәләлуху бізге қанағаттылық бергей, біз Ол не берсе соған риза бола білелік, иншалла, баршамызға береке бергей.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: يكەمىڭىز بار جۇمىستى ىستەڭىز (2023.01.11، 18 ءجۇمادا ءال-اقير 1444)

اق بابا دەرگاسى، تاڭ ناماز.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

«كُلٌّ مُيَسَّرٌ لِمَا خُلِقَ لَهُ».

«ءاربىر ادام نەگە جارالسا، ول سوعان ەپتى.» (حاديس) دەلىنەدى، اللا ءاززا ۋا-ءجاللا جاراتقان ءاربىر پەندەسىنە ءمالىم ءبىر ارتىقشىلىقپەن ەپتىلىك بەرگەن، ولار سول وزدەرى ەپتى بولعان ىسىنە سۇيەنە وتىرىپ ءومىر سۇرەدى، ەگەر ولار سول بەرىلگەنگە ريزا بولسا، ولار ءجايلى تىنىش ءومىر سۇرەتىن بولادى، الايدا قازىرگى زاماندا ادامدار بۇنداي جولدى تاستاپ، ومىرلەرىن كوپتەپ تابىس تابۋمەن مولىنان اقشا جينايتىن باعىتتارعا سالىپ الدى، دەمەك ولار وزدەرىنىڭ بەيىمدەرى بار ءىستى ىستەمەي، تەك اقشانى كوپ تاباتىن جولدارعا عانا ءتۇسىپ العان.

ەرتەدەگى ادامدار وزدەرىن وزدەرىنىڭ ەڭ يكەم-بەيىمى بار ىسكە سالاتىن، سونىمەن جۇرەتىن ەدى، ولار اۋەلى وقۋشى بولاتىن دا، سوسىن بارىپ ىسىلعان مامانعا اينالاتىن، ولار وسىلاي ءومىر ءسۇرىپ، ىستەگەن ءىسىن ومىرلىك كاسىبى ەتۋشى ەدى ءارى ولار سول ىسىنە وتە جاقسى تاربيەلەنىپ شىعاتىن ەدى. ولار وزدەرىنىڭ ۇستازىن ناعىز پىردەي كورەتىن دە، ءاردايىم وزدەرىنىڭ ەبى بار، وزدەرى بىلەتىن كاسىپكە قاتتى دەن قويىپ جۇمىس ىستەيتىن ءارى وزدەرىن باسقا قاتىسسىز نارسەلەرمەن الاڭ قىلىپ، ابىگەرگە سالمايتىن.

الايدا قازىرگى كەزدەگى جۇرت «بۇل جۇمىسپەن اقشا تابۋعا كەلمەيدى، ءبىز باسقا ءبىر جۇمىس تابۋىمىز كەرەك.» دەيدى دە، ەبىمەن يكەمدەرى مۇلدەم كەلمەيتىن ماماندىقتارعا شاپتاسىپ الادى، سوعان كىرەدى، سونى ۇيرەنەدى، ودان سوڭ ولار ونىڭ سوڭىنا شىعا الماي قالادى نەمەسە جولدا كۇيرەپ جاتادى، ءسىز ءوزىڭىزدىڭ يكەم-بەيىمىڭىز بار جۇمىستى جالعاستى ىستەۋىڭىز كەرەك، ءوزىڭىزدى ءسىز ءوزىڭىز بىلمەيتىن جانە تۇسىنبەيتىن جۇمىستارمەن ابىگەرلىككە سالماڭىز، دەمەك اللا ءجاللا ءجالالۋحۋ ءسىزدى وعان جاراتپادى.

ءوز ءوزىڭىزدى قامداپ، اللا ءجاللا ءجالالۋحۋعا قۇلشىلىق ەتۋىڭىز ءۇشىن اللا ءاززا ۋا-ءجاللا سىزگە ءمالىم ءبىر تىرشىلىك جولىن كورسەتىپ، سىزگە بەيىمدەپ ءمالىم ءبىر كاسىپتى يا ەپتىلىكتى بەرگەن، ال وسىعان ەرگەن ادام ءوز ءىس-كاسىبىندە بىلىكتى جان بولادى دا، ويىنداعى اۋىرلىقتاردى كەتىرىپ، جەڭىل جۇرەتىن بولادى.

سوندىقتان نەندەي ءىس-شارۋاعا ەپ-يكەمىڭىز بولسا، قايسى كاسىپتە بىلىكتى مامان بولساڭىز، سونىڭىزبەن قالىڭىز، ونى ساقتاڭىز دا، ونى ونان ارمان ارى قاراي ۇشتاپ، دامىتۋعا قۇلشىنىڭىز، بۇل سىزگە بەرەكەمەن تىنشىتىق الىپ كەلەتىن بولادى، ءسىز دە اللا ءجاللا ءجالالۋحۋدىڭ بەرگەنىنە ريزا بولاسىز، وسىلايشا اللا ءجاللا ءجالالۋحۋدىڭ ريزالىعىنا جەتەسىز، مىنە وسىلاي.

قازىرگى ادامدارعا قاراپ وتىرساڭىز، ولار وزدەرىمەن قاتىسى جوق جۇمىستاردى ىستەيدى، ماسەلەن كەيبىر ادامدار وزدەرى تۇسىنبەيتىن قۇرىلىسشى نەمەسە كەلىسىمشى سەرىكتىك بولىپ ىستەگىسى كەلەدى دە، ەلدەن اقشا الادى، ءبىراق سوڭىندا ولار كۇيرۋگە ۇشىرايدى (بانكروت) ءارى وزگە ادامداردى دا وزدەرىمەن بىرگە كۇيرەتەدى، سول سياقتى باسقادا كوپتەگەن ادامدار بار، ولار دا (وزدەرىنىڭ يكەمى كەلمەيىن) انا يا مىنا ساۋدالاردى ىستەگىسى كەلەر، جوق! اللا ءجاللا ءجالالۋحۋ ءسوزسىز تۇردە بارلىعىن سىزگە ءوزىڭىز ءومىر سۇرە الاتىنداي ەتىپ بەرەدى.

سوندىقتان، بۇل نارسەلەر ماڭىزدى ەمەس، ءبىراق اللا ءجاللا ءجالالۋحۋدىڭ ريزالىعىنا جەتۋ جانە قۇلشىلىقتارىڭىزدى وتەپ ءجۇرۋ ماڭىزدى بولماق، بۇندا اللا ءجاللا ءجالالۋحۋدى قۋاندىرۋ ماڭىزدى بولماق، ءبىز اللا ءجاللا ءجالالۋحۋعا شۇكىر ايتۋىمىز كەرەك.

اللا ءجاللا ءجالالۋحۋ بىزگە قاناعاتتىلىق بەرگەي، ءبىز ول نە بەرسە سوعان ريزا بولا بىلەلىك، ينشاللا، بارشامىزعا بەرەكە بەرگەي.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw