Сұхбат: адамдарды жолға баста (2023.01.09, 16 Жүмәдә әл-Ақир 1444)

Ақ Баба Дергасы, Таң Намаз.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Пайғамбарымыз «егер сіз мәлім бір адамның тура жол табуына себепкер болсаңыз, демек Алла Жәллә Жәләлуху сізді соған себепкер етсе, ол сіз үшін бүкіл дүниеден де қайырлы.» дейді, міне бұл біздің қасиетті пайғамбарымыздың айтқан сөзі, адамдардың туралық табуына себепкер болған адам туралыққа жеткізген әрбір адамы үшін мына бүкіл дүниеден де әлдеқайда қымбат болған сауап табатын болады.

Алла Әззә уа-Жәллә адамдардың жақсылыққа және туралыққа жетулері үшін аса мол сыйлықтармен сауаптар береді, ал мына дүниенің еш құны жоқ, Алла Жәллә Жәләлухудың назарында адам баласы бағалы-дүр. Адамдарды жақсы жолға бастаған кісі, өзгелердің туралық табуына себепкер болған кісі аса үлкен игіліктерге жетеді және басқаларды құтқарған болады, сонымен бірге ол осыбір тура жолға түскен жандарға да аса мол игіліктермен сауаптар алып келеді.

Біз өмір сүріп жатқан мына уақыт өзгеше бөтен уақыт, адамдары анық емес, айтылған іс бүкіл барлық адамдарға келе бермес, кейбір кісілер бар, ал біз олардың адамдарға тура жол көрсетіп, хидаятқа сеп болуына, сонымен бірге біз олардың бұны ешбір жеке мүдделік пайдасы үшін емес, бірақ Алла Жәллә Жәләлухудың ризалығы үшін істеуіне тілектеспіз, себебі егер олар жолдан біраз бұрылып кетіп қалса, кейін олар тура жолын түгел тастап кетіп қалатын болады, сондықтан ниет таза болсын, ниет жақсы болсын, сонда беретін нәтижесі де жақсы болмақ, істеген амалдарыңыз жамандыққа өзгеріп кетпеуі керек.

Мардымсыз болсада адамдарды тура жолға қарай баста да, «жол - осы, бұл жолды сақтағын, бұл жол - Алла Жәллә Жәләлухудың және пайғамбарымыздың жолы, жолдан ауытқымай, оны сақта, титтей болсада, бұл жолдан таймағын, бұл жол құтылысқа жететін жолың.» деп айтыңыз, оларды еш қысымсыз немесе күшсіз-ақ шабыттандыра біліңіз, олар хақ жолға келген соң, Алла Жәллә Жәләлухудың рұқсатында өздері біртіндеп алға басатын болады.

Біздің қасиетті пайғамбарымыз адамдарға «Лә илаха иллаллаһ Мұхаммадун Расұаллаһ» деп айттыруға әмір етілген, ал адамдар бұл сөзді айтқан соң, қалғандары өздері жақсы ниетпен ақырындап еретін болады әрі бұның нәтижесі жақсы болмақ, олар осылайша құтылысқа жетеді, сіз де көптеген адамдарды тозақтан құтқарған боласыз. Иншалла, Алла Жәллә Жәләлуху бізді және әрбір жанды осыбір әдемі істе табысқа жеткізгей, ел-жұрт та осы аса зор игілікке жете бергей, иншалла.

Тіпті бір адамды құтылысқа жеткізсеңіз де, сол жетеді, ал егер сіз бүкіл елдің барлығын тура жолға салмаққа күшенсеңіз, ешкімді де тура жолға сала алмайтын боласыз, бірақ оны бір-бірден істеуіңізге болады, иншалла.

Алла Жәллә Жәләлуху баршамызға шын Иман бергей, ақырымызды жақсы еткей, иншалла.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: ادامداردى جولعا باستا (2023.01.09، 16 ءجۇمادا ءال-اقير 1444)

اق بابا دەرگاسى، تاڭ ناماز.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

پايعامبارىمىز «ەگەر ءسىز ءمالىم ءبىر ادامنىڭ تۋرا جول تابۋىنا سەبەپكەر بولساڭىز، دەمەك اللا ءجاللا ءجالالۋحۋ ءسىزدى سوعان سەبەپكەر ەتسە، ول ءسىز ءۇشىن بۇكىل دۇنيەدەن دە قايىرلى.» دەيدى، مىنە بۇل ءبىزدىڭ قاسيەتتى پايعامبارىمىزدىڭ ايتقان ءسوزى، ادامداردىڭ تۋرالىق تابۋىنا سەبەپكەر بولعان ادام تۋرالىققا جەتكىزگەن ءاربىر ادامى ءۇشىن مىنا بۇكىل دۇنيەدەن دە الدەقايدا قىمبات بولعان ساۋاپ تاباتىن بولادى.

اللا ءاززا ۋا-ءجاللا ادامداردىڭ جاقسىلىققا جانە تۋرالىققا جەتۋلەرى ءۇشىن اسا مول سىيلىقتارمەن ساۋاپتار بەرەدى، ال مىنا دۇنيەنىڭ ەش قۇنى جوق، اللا ءجاللا ءجالالۋحۋدىڭ نازارىندا ادام بالاسى باعالى-ءدۇر. ادامداردى جاقسى جولعا باستاعان كىسى، وزگەلەردىڭ تۋرالىق تابۋىنا سەبەپكەر بولعان كىسى اسا ۇلكەن يگىلىكتەرگە جەتەدى جانە باسقالاردى قۇتقارعان بولادى، سونىمەن بىرگە ول ءوسىبىر تۋرا جولعا تۇسكەن جاندارعا دا اسا مول يگىلىكتەرمەن ساۋاپتار الىپ كەلەدى.

ءبىز ءومىر ءسۇرىپ جاتقان مىنا ۋاقىت وزگەشە بوتەن ۋاقىت، ادامدارى انىق ەمەس، ايتىلعان ءىس بۇكىل بارلىق ادامدارعا كەلە بەرمەس، كەيبىر كىسىلەر بار، ال ءبىز ولاردىڭ ادامدارعا تۋرا جول كورسەتىپ، حيداياتقا سەپ بولۋىنا، سونىمەن بىرگە ءبىز ولاردىڭ بۇنى ەشبىر جەكە مۇددەلىك پايداسى ءۇشىن ەمەس، ءبىراق اللا ءجاللا ءجالالۋحۋدىڭ ريزالىعى ءۇشىن ىستەۋىنە تىلەكتەسپىز، سەبەبى ەگەر ولار جولدان ءبىراز بۇرىلىپ كەتىپ قالسا، كەيىن ولار تۋرا جولىن تۇگەل تاستاپ كەتىپ قالاتىن بولادى، سوندىقتان نيەت تازا بولسىن، نيەت جاقسى بولسىن، سوندا بەرەتىن ناتيجەسى دە جاقسى بولماق، ىستەگەن امالدارىڭىز جاماندىققا وزگەرىپ كەتپەۋى كەرەك.

ماردىمسىز بولسادا ادامداردى تۋرا جولعا قاراي باستا دا، «جول - وسى، بۇل جولدى ساقتاعىن، بۇل جول - اللا ءجاللا ءجالالۋحۋدىڭ جانە پايعامبارىمىزدىڭ جولى، جولدان اۋىتقىماي، ونى ساقتا، تيتتەي بولسادا، بۇل جولدان تايماعىن، بۇل جول قۇتىلىسقا جەتەتىن جولىڭ.» دەپ ايتىڭىز، ولاردى ەش قىسىمسىز نەمەسە كۇشسىز-اق شابىتتاندىرا ءبىلىڭىز، ولار حاق جولعا كەلگەن سوڭ، اللا ءجاللا ءجالالۋحۋدىڭ رۇقساتىندا وزدەرى بىرتىندەپ العا باساتىن بولادى.

ءبىزدىڭ قاسيەتتى پايعامبارىمىز ادامدارعا «ءلا يلاحا يللاللاھ مۇحاممادۋن راسۇاللاھ» دەپ ايتتىرۋعا ءامىر ەتىلگەن، ال ادامدار بۇل ءسوزدى ايتقان سوڭ، قالعاندارى وزدەرى جاقسى نيەتپەن اقىرىنداپ ەرەتىن بولادى ءارى بۇنىڭ ناتيجەسى جاقسى بولماق، ولار وسىلايشا قۇتىلىسقا جەتەدى، ءسىز دە كوپتەگەن ادامداردى توزاقتان قۇتقارعان بولاسىز. ينشاللا، اللا ءجاللا ءجالالۋحۋ ءبىزدى جانە ءاربىر جاندى ءوسىبىر ادەمى ىستە تابىسقا جەتكىزگەي، ەل-جۇرت تا وسى اسا زور يگىلىككە جەتە بەرگەي، ينشاللا.

ءتىپتى ءبىر ادامدى قۇتىلىسقا جەتكىزسەڭىز دە، سول جەتەدى، ال ەگەر ءسىز بۇكىل ەلدىڭ بارلىعىن تۋرا جولعا سالماققا كۇشەنسەڭىز، ەشكىمدى دە تۋرا جولعا سالا المايتىن بولاسىز، ءبىراق ونى ءبىر-بىردەن ىستەۋىڭىزگە بولادى، ينشاللا.

اللا ءجاللا ءجالالۋحۋ بارشامىزعا شىن يمان بەرگەي، اقىرىمىزدى جاقسى ەتكەي، ينشاللا.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw