Сұхбат: жұманың игіліктері (2023.01.06, 13 Жүмәдә әл-Ақир 1444)

Ақ Баба Дергасы, Таң Намаз.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Жұма күні берекелі бір күн болып, Алла Әззә уа-Жәллә оны біздің Қасиетті Пайғамбарымызға және оның Үмбетіне арнады, ең жақсы күн Жұма күні, әрине Жұмада Жұма намазы өтелінуі керек.

Жұма намаз уақытында сауда істеп алым-сатым жасау рұқсат етілмеген іс, Мұсылмандар осыны білуі керек, жұрт бұл хақында жағдайға қарай өздері орналастырулар жүргізуі тиіс, тіпті кейбіреулері «Жұма уақытында сатумен сатып алу (сауда істеу) Харам.» дер, бұл Мәзхапқа қарай әртүрлі болып келетін мәселе болмақ, жұрт осыны білуі керек, Мұсылмандар да оны білгені жөн. Кімде дүкен бар болса, ол кезде (Жұма уақытында) дүкенін уақытша жаба тұруы керек, жұмысшылар кейде жұмыс істеуге міндетті болып Жұмаға бара алмай қалып жатады, бірақ олар ең кемінде үш аптада бір рет Жұмаға қатысуы керек, олар бұны қағыс қалдырмасын. Жұма күні аса берекелі күн, онда аса көп пайдалар бар, берер дүниелік пайдалары да мол, кімде-кім осыған көңіл бөліп, сол күні жарым сағат я бір сағат дүкендерін жаба тұрса немесе саудасын қоя тұрса Алла Әззә уа-Жәллә оған тіпті де көп игіліктерді берері анық.

Жұма күні істелінетін Сүннеттер бар болып, оны істегендерге аса зор жақсылықтар келмек, Жұма күні Ғұсыл (шомылу) бар, демек Жұма күні Ғұсыл алу Сүннет болып, ол денсаулықпен берекені бірдей ала келеді әрі оны істеушілерге мол Сауап беріледі, әрине жұрт бұл Сүннетті істеуі керек.

Сонымен бірге Қасиетті Пайғамбарымыз «егер бір адам Ғұсыл алған соң, мешітке барып Жұма намазға қатысса, оның басқан әрбір қадамына бір жылдық құлшылық жазылады.» деп айтқан еді, міне қараңыз, бұнда әрбір қадамға аса ірі Сауаптар беріледі, мешітке барғанға дейінгі қадам ғана емес, басқан әрбір қадамға бір жылдың Сауабы жазылмақ, міне бұл Алла Әззә уа-Жәлләның айтқандары еді.

Алла Жәллә Жәләлухудың құзіретіндегі қазына ешқашан таусылмақ емес, себебі ондағылар бұл дүниедегі жағдайға ұқсамайды, қазір адамдар ел-жұртқа «мен саған мұнша беремін, ал қазір сен маған біреу бер, кейін көп табатын боласың.» деп алдайды. Алла Жәллә Жәләлухудың құзіретіндегі қазына бітпейді, таусылып түгесілмек емес, (мешітке барғанша) милиондаған қадам басыңыз Алла Әззә уа-Жәллә сонда да басқан әрбір қадамыңызға бір жылдық Сауапты жаза береді.

Сондықтан Жұманың игіліктерінен игіліктенуді ешқашан қағыс қалдыруға болмайды, одан міндетті түрде игіліктену керек, онда Тәсбихат бар және әр Жұма күні «жауап сағаты» бар, дұғамыз сол сағатқа тура келсе, дұға қабыл етілетін болады, сондықтан Жұма күні тынбай дұға жасаңыз.

Алла Жәллә Жәләлуху баршамыздың жұмамызды берекелегей әрі баршамызды жақсылық істеуде табысқа жеткізгей, иншалла.

Уәмин Аллаһ ат-Тауфиқ, әл-Фатиха.

Бұнда құран қатым, ясин және сүрелермен аяттар оқылды, бұлар дүниенің әр бұрышынан жіберілуде және бұнда жүздеген, мыңдаған тахлият, тәкбірат және салауаттар оқылды, біз бұлардың барлығын ең алдымен қасиетті пайғамбарымыздың ұлық әруағына, оның ахлу л-бәйіт әулетіне, сахабаларына ұсынамыз, оны барлық пайғамбарлардың әруақтарына, өзіміздің машайықтардың әруақтарына және қайтыс болып кеткен туыстарымыздың әруақтарына бағыштаймыз, сонымен бірге «жақсылық келіп, жамандық кетсін» деген ниетпен оны өзіміздің руханиятымызға да арнаймыз.

Алла Жәллә Жәләлуху бізге көктен берекесін жаудырғай, біз тәубе етіп жатырмыз, Алла Жәллә Жәләлуху осы тәубелерімізді қабыл еткей, өткенде дүние бойынша мардымды жауын жаумады, бұл арада да солай болды, Алла Жәллә Жәләлуху көп жауын бергей әрі оны жақсы еткей және берекеге толы еткей, оны залалды жауын етпегей, одан зиян әкелгізбегей, дұғасын айтқандар мақсаттарына жеткей, ақиқат анық көрінгей.

Зұлымдық ақырына жетіп тамамдағай, Алла Жәллә Жәләлуху осы дұғалаларымызды қабыл еткей. Ли-ллахи Тағала л-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: جۇمانىڭ يگىلىكتەرى (2023.01.06، 13 ءجۇمادا ءال-اقير 1444)

اق بابا دەرگاسى، تاڭ ناماز.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

جۇما كۇنى بەرەكەلى ءبىر كۇن بولىپ، اللا ءاززا ۋا-ءجاللا ونى ءبىزدىڭ قاسيەتتى پايعامبارىمىزعا جانە ونىڭ ۇمبەتىنە ارنادى، ەڭ جاقسى كۇن جۇما كۇنى، ارينە جۇمادا جۇما نامازى وتەلىنۋى كەرەك.

جۇما ناماز ۋاقىتىندا ساۋدا ىستەپ الىم-ساتىم جاساۋ رۇقسات ەتىلمەگەن ءىس، مۇسىلماندار وسىنى ءبىلۋى كەرەك، جۇرت بۇل حاقىندا جاعدايعا قاراي وزدەرى ورنالاستىرۋلار جۇرگىزۋى ءتيىس، ءتىپتى كەيبىرەۋلەرى «جۇما ۋاقىتىندا ساتۋمەن ساتىپ الۋ (ساۋدا ىستەۋ) حارام.» دەر، بۇل ءمازحاپقا قاراي ءارتۇرلى بولىپ كەلەتىن ماسەلە بولماق، جۇرت وسىنى ءبىلۋى كەرەك، مۇسىلماندار دا ونى بىلگەنى ءجون. كىمدە دۇكەن بار بولسا، ول كەزدە (جۇما ۋاقىتىندا) دۇكەنىن ۋاقىتشا جابا تۇرۋى كەرەك، جۇمىسشىلار كەيدە جۇمىس ىستەۋگە مىندەتتى بولىپ جۇماعا بارا الماي قالىپ جاتادى، ءبىراق ولار ەڭ كەمىندە ءۇش اپتادا ءبىر رەت جۇماعا قاتىسۋى كەرەك، ولار بۇنى قاعىس قالدىرماسىن. جۇما كۇنى اسا بەرەكەلى كۇن، وندا اسا كوپ پايدالار بار، بەرەر دۇنيەلىك پايدالارى دا مول، كىمدە-كىم وسىعان كوڭىل ءبولىپ، سول كۇنى جارىم ساعات يا ءبىر ساعات دۇكەندەرىن جابا تۇرسا نەمەسە ساۋداسىن قويا تۇرسا اللا ءاززا ۋا-ءجاللا وعان ءتىپتى دە كوپ يگىلىكتەردى بەرەرى انىق.

جۇما كۇنى ىستەلىنەتىن سۇننەتتەر بار بولىپ، ونى ىستەگەندەرگە اسا زور جاقسىلىقتار كەلمەك، جۇما كۇنى عۇسىل (شومىلۋ) بار، دەمەك جۇما كۇنى عۇسىل الۋ سۇننەت بولىپ، ول دەنساۋلىقپەن بەرەكەنى بىردەي الا كەلەدى ءارى ونى ىستەۋشىلەرگە مول ساۋاپ بەرىلەدى، ارينە جۇرت بۇل سۇننەتتى ىستەۋى كەرەك.

سونىمەن بىرگە قاسيەتتى پايعامبارىمىز «ەگەر ءبىر ادام عۇسىل العان سوڭ، مەشىتكە بارىپ جۇما نامازعا قاتىسسا، ونىڭ باسقان ءاربىر قادامىنا ءبىر جىلدىق قۇلشىلىق جازىلادى.» دەپ ايتقان ەدى، مىنە قاراڭىز، بۇندا ءاربىر قادامعا اسا ءىرى ساۋاپتار بەرىلەدى، مەشىتكە بارعانعا دەيىنگى قادام عانا ەمەس، باسقان ءاربىر قادامعا ءبىر جىلدىڭ ساۋابى جازىلماق، مىنە بۇل اللا ءاززا ۋا-ءجاللانىڭ ايتقاندارى ەدى.

اللا ءجاللا ءجالالۋحۋدىڭ قۇزىرەتىندەگى قازىنا ەشقاشان تاۋسىلماق ەمەس، سەبەبى ونداعىلار بۇل دۇنيەدەگى جاعدايعا ۇقسامايدى، ءقازىر ادامدار ەل-جۇرتقا «مەن ساعان مۇنشا بەرەمىن، ال ءقازىر سەن ماعان بىرەۋ بەر، كەيىن كوپ تاباتىن بولاسىڭ.» دەپ الدايدى. اللا ءجاللا ءجالالۋحۋدىڭ قۇزىرەتىندەگى قازىنا بىتپەيدى، تاۋسىلىپ تۇگەسىلمەك ەمەس، (مەشىتكە بارعانشا) ميليونداعان قادام باسىڭىز اللا ءاززا ۋا-ءجاللا سوندا دا باسقان ءاربىر قادامىڭىزعا ءبىر جىلدىق ساۋاپتى جازا بەرەدى.

سوندىقتان جۇمانىڭ يگىلىكتەرىنەن يگىلىكتەنۋدى ەشقاشان قاعىس قالدىرۋعا بولمايدى، ودان مىندەتتى تۇردە يگىلىكتەنۋ كەرەك، وندا ءتاسبيحات بار جانە ءار جۇما كۇنى «جاۋاپ ساعاتى» بار، دۇعامىز سول ساعاتقا تۋرا كەلسە، دۇعا قابىل ەتىلەتىن بولادى، سوندىقتان جۇما كۇنى تىنباي دۇعا جاساڭىز.

اللا ءجاللا ءجالالۋحۋ بارشامىزدىڭ جۇمامىزدى بەرەكەلەگەي ءارى بارشامىزدى جاقسىلىق ىستەۋدە تابىسقا جەتكىزگەي، ينشاللا.

ءۋامين اللاھ ات-تاۋفيق، ءال-فاتيحا.

بۇندا قۇران قاتىم، ياسين جانە سۇرەلەرمەن اياتتار وقىلدى، بۇلار دۇنيەنىڭ ءار بۇرىشىنان جىبەرىلۋدە جانە بۇندا جۇزدەگەن، مىڭداعان تاحليات، تاكبىرات جانە سالاۋاتتار وقىلدى، ءبىز بۇلاردىڭ بارلىعىن ەڭ الدىمەن قاسيەتتى پايعامبارىمىزدىڭ ۇلىق ءارۋاعىنا، ونىڭ احلۋ ل-ءبايىت اۋلەتىنە، ساحابالارىنا ۇسىنامىز، ونى بارلىق پايعامبارلاردىڭ ءارۋاقتارىنا، ءوزىمىزدىڭ ماشايىقتاردىڭ ءارۋاقتارىنا جانە قايتىس بولىپ كەتكەن تۋىستارىمىزدىڭ ءارۋاقتارىنا باعىشتايمىز، سونىمەن بىرگە «جاقسىلىق كەلىپ، جاماندىق كەتسىن» دەگەن نيەتپەن ونى ءوزىمىزدىڭ رۋحانياتىمىزعا دا ارنايمىز.

اللا ءجاللا ءجالالۋحۋ بىزگە كوكتەن بەرەكەسىن جاۋدىرعاي، ءبىز تاۋبە ەتىپ جاتىرمىز، اللا ءجاللا ءجالالۋحۋ وسى تاۋبەلەرىمىزدى قابىل ەتكەي، وتكەندە دۇنيە بويىنشا ماردىمدى جاۋىن جاۋمادى، بۇل ارادا دا سولاي بولدى، اللا ءجاللا ءجالالۋحۋ كوپ جاۋىن بەرگەي ءارى ونى جاقسى ەتكەي جانە بەرەكەگە تولى ەتكەي، ونى زالالدى جاۋىن ەتپەگەي، ودان زيان اكەلگىزبەگەي، دۇعاسىن ايتقاندار ماقساتتارىنا جەتكەي، اقيقات انىق كورىنگەي.

زۇلىمدىق اقىرىنا جەتىپ تامامداعاي، اللا ءجاللا ءجالالۋحۋ وسى دۇعالالارىمىزدى قابىل ەتكەي. لي-للاحي تاعالا ل-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw