Ақ Баба Дергасы, Таң Намаз.

Әс-сәламу Әлейкум, уа Рахматуллахи уа Баракатуху. 

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Қасиетті пайғамбарымыз "мен айтпаған нәрсені 'айтты' дегендер Алланың қарғысына қалады." дейді, қасиетті құраннан соң пайғамбарымыздың сөзі бізге жол көрсетер, демек ол бізге құраннан соң ислам жолын және не істеу керектігін көрсетеді.

Мұхадистер бар, Алла оларға риза болғай, Хадистерді жинақтаған солар еді, олар пайғамбарымыздың Хадистерімен қасиетті сөздерін өте нақты түрде жинап, одан соң оны құрастырып, кітап етіп қалдырды, Алла оларға риза болсын.

Хадис жәйлі білімдер аса ұлы білімге жатады, себебі елдің барлығы бірдей Құранды түсіне бермейді, оның түсіндірмесі болуы керек, ал осы түсіндірмелер пайғамбарымыздың Хадистерінен табылады, сонымен бірге Хадистерді үйренуде көптеген сауап бар. 

Исламның, құлшылықтың және басқада көптеген істердің қағидаларын Алла кемел етіп тамамдастырып қойған, осыған ерген адамдар бақытқа жетеді, ал Алладан басқаның сөздерімен заңдарына қарағандар ешқашан жәйлі өмірге және тыныштыққа жете алмайды, олар заңдарын ұдайы өзгертіп әбігер, олар үнемі "бұл қазірше осылай, біз оны кейін тағы басқаша етіп өзгертетін боламыз." дейді, олар осылайша заңдарын бос нәрселерге айналдырған.

Алланың заңы Мұсылмандарға арналған, сондықтан олар оған ілесуі керек және оны шамалары келгенінше атқаруы керек, Алла аса мейірімді, біз қанша құлшынсақта оны қайтара алмаймыз, алайда Алла заңына қарсы келу қателік болмақ, себебі бұл Аллаға қарсы шығу саналады, ал Аллаға қарсылар ешқашан жеңіске жете алмас, бүкіл дүние түгіл бүкіл әлем Аллаға қарсы келсе де оған заңы жүрмес, тек Алланың заңы ғана жүреді, сол ғана қолданысқа ие, ал қалғандары мейлі не істесе де, ол істегендері еш мәнсіз әрі маңызсыз бірдеңелер болып қала бермек.

Сондықтан да пайғамбарымыздың Хадистерді адамзатқа берілген нұр саналады, оны оқығандармен оның білімін үйреткендерге аса зор игіліктер беріледі, олардың Алла алдындағы дәрежесі жоғары болмақ, бұл оны Алла ризалығымен Исламға қызмет өтеу үшін қылғандарға беріледі. Барлығы Алла қалауымен туылады, әйтпесе бұл білімдер де пайда болмас еді, Алла бұл білімдерді ұлы ғұламалармен Имамдарға Исламды сақтау үшін берді, шүкір-Алла, ол осыларға берілді, ал біз болсақ олардан игіліктенеміз. Осы адамдарға және пайғамбарымыздың сүннетіне ергендер міндетті түрде пайдаға кенеледі, пайда деген осы, мына дүниенің пайдасы қабырға дейін ғана, ал мыналардың берер игілігі мәңгілік болмақ.

Алла осы білімдерден өз үлестерімізді сәтті түрде алып қалуға нәсіп еткей, біз Талиб Ілим яғни біз білім іздеушілерміз, иншалла, біз білімнің қабырға дейінгі оқушыларымыз, себебі Мұсылмандар үшін бесіктен қабырға дейін білім іздену парыз, бұл айтылған сөз бізге арналған, біз басқа ешкімнің де оқушысы емеспіз, біз Алла сүйген білімнің ізденушілерімен оқушыларымыз, біз Аллаға апарар барлық жолдардың оқушыларымыз, иншалла.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

nvrislam.net

instagram.com/tanirtaw

fb.com/tanirtaw

سۇحبات: ونىڭ حاديستەرى - توگىلگەن نۇر (2023.01.04، 11 ءجۇمادا ءال-اقير 1444)

اق بابا دەرگاسى، تاڭ ناماز.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

قاسيەتتى پايعامبارىمىز "مەن ايتپاعان نارسەنى 'ايتتى' دەگەندەر اللانىڭ قارعىسىنا قالادى." دەيدى، قاسيەتتى قۇراننان سوڭ پايعامبارىمىزدىڭ ءسوزى بىزگە جول كورسەتەر، دەمەك ول بىزگە قۇراننان سوڭ يسلام جولىن جانە نە ىستەۋ كەرەكتىگىن كورسەتەدى.

مۇحاديستەر بار، اللا ولارعا ريزا بولعاي، حاديستەردى جيناقتاعان سولار ەدى، ولار پايعامبارىمىزدىڭ حاديستەرىمەن قاسيەتتى سوزدەرىن وتە ناقتى تۇردە جيناپ، ودان سوڭ ونى قۇراستىرىپ، كىتاپ ەتىپ قالدىردى، اللا ولارعا ريزا بولسىن.

حاديس ءجايلى بىلىمدەر اسا ۇلى بىلىمگە جاتادى، سەبەبى ەلدىڭ بارلىعى بىردەي قۇراندى تۇسىنە بەرمەيدى، ونىڭ تۇسىندىرمەسى بولۋى كەرەك، ال وسى تۇسىندىرمەلەر پايعامبارىمىزدىڭ حاديستەرىنەن تابىلادى، سونىمەن بىرگە حاديستەردى ۇيرەنۋدە كوپتەگەن ساۋاپ بار. 

يسلامنىڭ، قۇلشىلىقتىڭ جانە باسقادا كوپتەگەن ىستەردىڭ قاعيدالارىن اللا كەمەل ەتىپ تامامداستىرىپ قويعان، وسىعان ەرگەن ادامدار باقىتقا جەتەدى، ال اللادان باسقانىڭ سوزدەرىمەن زاڭدارىنا قاراعاندار ەشقاشان ءجايلى ومىرگە جانە تىنىشتىققا جەتە المايدى، ولار زاڭدارىن ۇدايى وزگەرتىپ ابىگەر، ولار ۇنەمى "بۇل قازىرشە وسىلاي، ءبىز ونى كەيىن تاعى باسقاشا ەتىپ وزگەرتەتىن بولامىز." دەيدى، ولار وسىلايشا زاڭدارىن بوس نارسەلەرگە اينالدىرعان.

اللانىڭ زاڭى مۇسىلماندارعا ارنالعان، سوندىقتان ولار وعان ىلەسۋى كەرەك جانە ونى شامالارى كەلگەنىنشە اتقارۋى كەرەك، اللا اسا مەيىرىمدى، ءبىز قانشا قۇلشىنساقتا ونى قايتارا المايمىز، الايدا اللا زاڭىنا قارسى كەلۋ قاتەلىك بولماق، سەبەبى بۇل اللاعا قارسى شىعۋ سانالادى، ال اللاعا قارسىلار ەشقاشان جەڭىسكە جەتە الماس، بۇكىل دۇنيە تۇگىل بۇكىل الەم اللاعا قارسى كەلسە دە وعان زاڭى جۇرمەس، تەك اللانىڭ زاڭى عانا جۇرەدى، سول عانا قولدانىسقا يە، ال قالعاندارى مەيلى نە ىستەسە دە، ول ىستەگەندەرى ەش ءمانسىز ءارى ماڭىزسىز بىردەڭەلەر بولىپ قالا بەرمەك.

سوندىقتان دا پايعامبارىمىزدىڭ حاديستەردى ادامزاتقا بەرىلگەن نۇر سانالادى، ونى وقىعاندارمەن ونىڭ ءبىلىمىن ۇيرەتكەندەرگە اسا زور يگىلىكتەر بەرىلەدى، ولاردىڭ اللا الدىنداعى دارەجەسى جوعارى بولماق، بۇل ونى اللا ريزالىعىمەن يسلامعا قىزمەت وتەۋ ءۇشىن قىلعاندارعا بەرىلەدى. بارلىعى اللا قالاۋىمەن تۋىلادى، ايتپەسە بۇل بىلىمدەر دە پايدا بولماس ەدى، اللا بۇل بىلىمدەردى ۇلى عۇلامالارمەن يمامدارعا يسلامدى ساقتاۋ ءۇشىن بەردى، شۇكىر-اللا، ول وسىلارعا بەرىلدى، ال ءبىز بولساق ولاردان يگىلىكتەنەمىز. وسى ادامدارعا جانە پايعامبارىمىزدىڭ سۇننەتىنە ەرگەندەر مىندەتتى تۇردە پايداعا كەنەلەدى، پايدا دەگەن وسى، مىنا دۇنيەنىڭ پايداسى قابىرعا دەيىن عانا، ال مىنالاردىڭ بەرەر يگىلىگى ماڭگىلىك بولماق.

اللا وسى بىلىمدەردەن ءوز ۇلەستەرىمىزدى ءساتتى تۇردە الىپ قالۋعا ءناسىپ ەتكەي، ءبىز تاليب ءىليم ياعني ءبىز ءبىلىم ىزدەۋشىلەرمىز، ينشاللا، ءبىز ءبىلىمنىڭ قابىرعا دەيىنگى وقۋشىلارىمىز، سەبەبى مۇسىلماندار ءۇشىن بەسىكتەن قابىرعا دەيىن ءبىلىم ىزدەنۋ پارىز، بۇل ايتىلعان ءسوز بىزگە ارنالعان، ءبىز باسقا ەشكىمنىڭ دە وقۋشىسى ەمەسپىز، ءبىز اللا سۇيگەن ءبىلىمنىڭ ىزدەنۋشىلەرىمەن وقۋشىلارىمىز، ءبىز اللاعا اپارار بارلىق جولداردىڭ وقۋشىلارىمىز، ينشاللا.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

nvrislam.net

instagram.com/tanirtaw

fb.com/tanirtaw