Сұхбат: кешірім сұрауға асық (2022.12.23, 29 Жүмәдүл әуәл 1444)

Лефка, Кипр Аралы.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт.

Тәриқатуна әс-Сұхбах уа л-Қайру фи л-Жәмиях.

Құтпамызда оқыған аят былай басталған еді, онда Алла ӘззӘ уа-Жәллә

«وَسَارِعُوا إِلَىٰ مَغْفِرَةٍ مِّن رَّبِّكُمْ» (құран 03:133) дейді,

онда «раббыңнан кешірім сұрауға асық.» (құран 03:133) делінген, Алла Әззә уа-Жәлләдан ғапу сұрауға асығыңыз, асықсаңыз осыған асығыңыз, ғапу сұрап, тәубе етуге жүгіріңіз, себебі Алла Жәллә Жәләлухудың кешірімімен рахымы аса зор.

Алла Әззә уа-Жәлләның кеңдігімен рахымы жермен көктей зор, өте үлкен, не істесеңізде тәубе етіп, кешірім сұрасаңыз, Алла Жәллә Жәләлуху оны қабыл етіп, сізді кешіретін болады, Алла Жәллә Жәләлуху аса кешірімді, ол - кешіруші, ол - ғафуу, ол - ең кешірімді, лә тәшбих яғни Алла Жәллә Жәләлухға ештеңені салыстыруға келмейді, мына өмірде адамдар бірдеңе істеп қойса, олардың кейбірі кешірісе алады, бірақ олар мәлім істерді кешірісе алмайды, алайда Алла Әззә уа-Жәллә адамдар ғапу өтініп, тура жолға түссе олардың барлығын кешіре алады.

Сондықтан жаратушы иеміз бізге осы орайды бостан-босқа өткізіп алмауды айтады, сіз кімнің әрі оның қашан өлетінін білмейсіз, ал адам қайтыс болғанда, ендігәрі «тәубе есігі» болмайды, алайда біз тірі жүрген кезімізде ол ашық тұрады, демек бізге тәубе жасауға орай бар. Сіз бұл дүниемен қоштасып, екінші өмірге кіргеніңізде, тәубеге орай мүлдем жоқ, ол кезде мейлі сіз қатты өкініп, соншама тәубе жасаңыз, ғапу сұраңыз барлығы түкке жарамас.

Сондықтан, дүние ісіне асығу жақсылық емес, бірақ ақирет ісіне асығу жақсылық, жұрт ұдайы осыған асығуы керек, ертеде біздің жұртта мынадай сөз бар еді:

«“عَجِّلُوا بِالصَّلاةِ قَبْلَ الْفَوْتِ، وَعَجِّلُوا بِالتَّوْبَةِ قَبْلَ الْمَوْتِ”»

олар «уақыты өтіп кетуден бұрын намазға асық, өлім келуден бұрын тәубеге асық.» деп айтатын, намаздың уақыты өтіп кетпей тұрып, намаз оқуға асығыңыз, әйтпесе ол адамдар үшін аса үлкен зиян болар, себебі намазды өз уағында оқымау аса зор игіліктен құр қалдырады, намаздың да біздің ғұмырымыз сияқты өз ғұмыры бар, мәселен, бесіннің уақыты екінтіге дейін болса, екінтінің уақыты ақшамға дейін, ал ақшамның уақыты құптанға дейін болмақ, уақыт өте тез өтіп жатыр, сондықтан намазды уақытында орындауыңыз керек, сүннетпен әдепті істеңіз, тәсбихат жасаңыз, олардың мол игіліктеріне қол жеткізіңіз.

«وَعَجِّلُوا بِالتَّوْبَةِ قَبْلَ الْمَوْتِ»

яғни «өлім келуден бұрын тәубеге асық.», тәубе жасауға жүгірмек керек, оған барынша асығыңыз, себебі оның уақыты көзіңіздің тірісінде, дем тынысыңыз таусылмай тұрған кезде ғана болмақ, тынысыңыз үзілгенде, оның уақыты өтіп кететін болады, одан соң еш тәубе пайда бермес, ол кезде мейлі қанша жылап, соншама тәубе етіңіз, барлығы да ештеңеге жарамайды, оның уақыты өтіп кетті.

Сондықтан садақа беріп, игі амалдар істей алатын орайыңыз тірі кезіңізде бар, Алла Әззә уа-Жәллә өзгелерге жәрдем беретіндерді, өзгелерді кешіретіндерді және ашуын меңгерген адамдарды сүйеді, 

«وَاللَّهُ يُحِبُّ الْمُحْسِنِينَ» (құран 03:134)

«алла игі іс істеушілерді сүйеді.» (құран 03:134) делінген, Алла Жәллә Жәләлуху мейірімді адамдармен жақсылық істеушілерді сүйеді, бірақ жақсылық істемей, жамандық істейтіндерді ұнатпайды. Адамдар «мен ештеңе қылмаймын, намаз оқымаймын не басқа сол тектес істерді істемеймін, бірақ мен жақсы іс істеймін.» дейді, жә жарайды, бірақ жұрт бұнда мынаны білуі керек, бұндай істелген жақсылықтар алды-арты бірдей тегіс келген бас бүтін толық жақсылыққа жатпайды, оны осы өмірдегі тірі жүрген шағыңызда толықтап алыңыз, өзіңізге ешқандай сылтау іздемеңіз.

Себебі адамдар дүниелік істерге сонша асығып жүгіреді де, өздерін тынбастан қинауда ұстайды, егер олар осы дүние ісіне арнаған қайратының 1%-тін Алла Жәллә Жәләлухудың ризалығына арнаса, олардың барлық істері олар үшін аса жақсы болған болар еді, бірақ олар бұны істеген жоқ. Сіз бұл жерде немесе әнеу жақта біреулердің мәлім заттарды сатып жатқанын естисіз, хабарлардан көресіз, ал жұрт болса түнімен ұйықтай алмай соны ойлайды, олар ерте тұрып, дүкеннің алдына барады әрі оны сатып алмақшы болып, ұзақ уақыт күтеді, олар осыны істей алады, бірақ оларға «ұйқыңнан оянып, Алла Жәллә Жәләлухудың ризалығы үшін екі ракат намаз оқы.» деп айта көрмеңіз! айтқаныңыз сол екен, олар оны істей алмайтын бола қалады, олар тұрған күнде де, «намаз оқы.» десек, сол екі ракат намазды өтеуге ерінеді, олар бұған келгенде тым жалқаусынар. Адам балалары нәпсілерінің құл қызметшісі болды, олар Алла Жәллә Жәләлухудың ризалығы үшін істелінетін істерге жалқау келеді де, бірақ шайтанмен нәпсілерінің шаруасына келгенде, олар ерекше қайрат шығарып, барынша күш салады, оған тым құлшынғыш келеді, сондықтан Алла Жәллә Жәләлухудың бізді өз панасына алуын сұраймыз.

Бұл дүние - орайлар дүниесі, олар да «орай» дейді, бірақ олардың бұндағы «орай» дегені тек жекелік және дүниелік пайдалар үшін арналған орайды меңзейді, шындығында «нағыз орай» дегеніміз осы дүнйедегі ақиретің үшін берілген орайлар-дүр.

Алла Жәллә Жәләлуху баршамызға осы әдемі орайларды нәсіп еткей, бізді өз нәпсілерімізге бас ұрудан сақтағай.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: كەشىرىم سۇراۋعا اسىق (2022.12.23، 29 ءجۇمادۇل ءاۋال 1444)

لەفكا، كيپر ارالى.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات.

ءتاريقاتۋنا ءاس-سۇحباح ۋا ل-قايرۋ في ل-ءجامياح.

قۇتپامىزدا وقىعان ايات بىلاي باستالعان ەدى، وندا اللا ءاززا ۋا-ءجاللا

«وَسَارِعُوا إِلَىٰ مَغْفِرَةٍ مِّن رَّبِّكُمْ» (قۇران 03:133) دەيدى،

وندا «راببىڭنان كەشىرىم سۇراۋعا اسىق.» (قۇران 03:133) دەلىنگەن، اللا ءاززا ۋا-ءجاللادان عاپۋ سۇراۋعا اسىعىڭىز، اسىقساڭىز وسىعان اسىعىڭىز، عاپۋ سۇراپ، تاۋبە ەتۋگە جۇگىرىڭىز، سەبەبى اللا ءجاللا ءجالالۋحۋدىڭ كەشىرىمىمەن راحىمى اسا زور.

اللا ءاززا ۋا-ءجاللانىڭ كەڭدىگىمەن راحىمى جەرمەن كوكتەي زور، وتە ۇلكەن، نە ىستەسەڭىزدە تاۋبە ەتىپ، كەشىرىم سۇراساڭىز، اللا ءجاللا ءجالالۋحۋ ونى قابىل ەتىپ، ءسىزدى كەشىرەتىن بولادى، اللا ءجاللا ءجالالۋحۋ اسا كەشىرىمدى، ول - كەشىرۋشى، ول - عافۋۋ، ول - ەڭ كەشىرىمدى، ءلا ءتاشبيح ياعني اللا ءجاللا ءجالالۋحعا ەشتەڭەنى سالىستىرۋعا كەلمەيدى، مىنا ومىردە ادامدار بىردەڭە ىستەپ قويسا، ولاردىڭ كەيبىرى كەشىرىسە الادى، ءبىراق ولار ءمالىم ىستەردى كەشىرىسە المايدى، الايدا اللا ءاززا ۋا-ءجاللا ادامدار عاپۋ ءوتىنىپ، تۋرا جولعا تۇسسە ولاردىڭ بارلىعىن كەشىرە الادى.

سوندىقتان جاراتۋشى يەمىز بىزگە وسى ورايدى بوستان-بوسقا وتكىزىپ الماۋدى ايتادى، ءسىز كىمنىڭ ءارى ونىڭ قاشان ولەتىنىن بىلمەيسىز، ال ادام قايتىس بولعاندا، ەندىگارى «تاۋبە ەسىگى» بولمايدى، الايدا ءبىز ءتىرى جۇرگەن كەزىمىزدە ول اشىق تۇرادى، دەمەك بىزگە تاۋبە جاساۋعا وراي بار. ءسىز بۇل دۇنيەمەن قوشتاسىپ، ەكىنشى ومىرگە كىرگەنىڭىزدە، تاۋبەگە وراي مۇلدەم جوق، ول كەزدە مەيلى ءسىز قاتتى وكىنىپ، سونشاما تاۋبە جاساڭىز، عاپۋ سۇراڭىز بارلىعى تۇككە جاراماس.

سوندىقتان، دۇنيە ىسىنە اسىعۋ جاقسىلىق ەمەس، ءبىراق اقيرەت ىسىنە اسىعۋ جاقسىلىق، جۇرت ۇدايى وسىعان اسىعۋى كەرەك، ەرتەدە ءبىزدىڭ جۇرتتا مىناداي ءسوز بار ەدى:

«“عَجِّلُوا بِالصَّلاةِ قَبْلَ الْفَوْتِ، وَعَجِّلُوا بِالتَّوْبَةِ قَبْلَ الْمَوْتِ”»

ولار «ۋاقىتى ءوتىپ كەتۋدەن بۇرىن نامازعا اسىق، ءولىم كەلۋدەن بۇرىن تاۋبەگە اسىق.» دەپ ايتاتىن، نامازدىڭ ۋاقىتى ءوتىپ كەتپەي تۇرىپ، ناماز وقۋعا اسىعىڭىز، ايتپەسە ول ادامدار ءۇشىن اسا ۇلكەن زيان بولار، سەبەبى نامازدى ءوز ۋاعىندا وقىماۋ اسا زور يگىلىكتەن قۇر قالدىرادى، نامازدىڭ دا ءبىزدىڭ عۇمىرىمىز سياقتى ءوز عۇمىرى بار، ماسەلەن، بەسىننىڭ ۋاقىتى ەكىنتىگە دەيىن بولسا، ەكىنتىنىڭ ۋاقىتى اقشامعا دەيىن، ال اقشامنىڭ ۋاقىتى قۇپتانعا دەيىن بولماق، ۋاقىت وتە تەز ءوتىپ جاتىر، سوندىقتان نامازدى ۋاقىتىندا ورىنداۋىڭىز كەرەك، سۇننەتپەن ادەپتى ىستەڭىز، ءتاسبيحات جاساڭىز، ولاردىڭ مول يگىلىكتەرىنە قول جەتكىزىڭىز.

«وَعَجِّلُوا بِالتَّوْبَةِ قَبْلَ الْمَوْتِ»

ياعني «ءولىم كەلۋدەن بۇرىن تاۋبەگە اسىق.»، تاۋبە جاساۋعا جۇگىرمەك كەرەك، وعان بارىنشا اسىعىڭىز، سەبەبى ونىڭ ۋاقىتى كوزىڭىزدىڭ تىرىسىندە، دەم تىنىسىڭىز تاۋسىلماي تۇرعان كەزدە عانا بولماق، تىنىسىڭىز ۇزىلگەندە، ونىڭ ۋاقىتى ءوتىپ كەتەتىن بولادى، ودان سوڭ ەش تاۋبە پايدا بەرمەس، ول كەزدە مەيلى قانشا جىلاپ، سونشاما تاۋبە ەتىڭىز، بارلىعى دا ەشتەڭەگە جارامايدى، ونىڭ ۋاقىتى ءوتىپ كەتتى.

سوندىقتان ساداقا بەرىپ، يگى امالدار ىستەي الاتىن ورايىڭىز ءتىرى كەزىڭىزدە بار، اللا ءاززا ۋا-ءجاللا وزگەلەرگە جاردەم بەرەتىندەردى، وزگەلەردى كەشىرەتىندەردى جانە اشۋىن مەڭگەرگەن ادامداردى سۇيەدى، 

«وَاللَّهُ يُحِبُّ الْمُحْسِنِينَ» (قۇران 03:134)

«اللا يگى ءىس ىستەۋشىلەردى سۇيەدى.» (قۇران 03:134) دەلىنگەن، اللا ءجاللا ءجالالۋحۋ مەيىرىمدى ادامدارمەن جاقسىلىق ىستەۋشىلەردى سۇيەدى، ءبىراق جاقسىلىق ىستەمەي، جاماندىق ىستەيتىندەردى ۇناتپايدى. ادامدار «مەن ەشتەڭە قىلمايمىن، ناماز وقىمايمىن نە باسقا سول تەكتەس ىستەردى ىستەمەيمىن، ءبىراق مەن جاقسى ءىس ىستەيمىن.» دەيدى، ءجا جارايدى، ءبىراق جۇرت بۇندا مىنانى ءبىلۋى كەرەك، بۇنداي ىستەلگەن جاقسىلىقتار الدى-ارتى بىردەي تەگىس كەلگەن باس ءبۇتىن تولىق جاقسىلىققا جاتپايدى، ونى وسى ومىردەگى ءتىرى جۇرگەن شاعىڭىزدا تولىقتاپ الىڭىز، وزىڭىزگە ەشقانداي سىلتاۋ ىزدەمەڭىز.

سەبەبى ادامدار دۇنيەلىك ىستەرگە سونشا اسىعىپ جۇگىرەدى دە، وزدەرىن تىنباستان قيناۋدا ۇستايدى، ەگەر ولار وسى دۇنيە ىسىنە ارناعان قايراتىنىڭ 1%-ءتىن اللا ءجاللا ءجالالۋحۋدىڭ ريزالىعىنا ارناسا، ولاردىڭ بارلىق ىستەرى ولار ءۇشىن اسا جاقسى بولعان بولار ەدى، ءبىراق ولار بۇنى ىستەگەن جوق. ءسىز بۇل جەردە نەمەسە انەۋ جاقتا بىرەۋلەردىڭ ءمالىم زاتتاردى ساتىپ جاتقانىن ەستيسىز، حابارلاردان كورەسىز، ال جۇرت بولسا تۇنىمەن ۇيىقتاي الماي سونى ويلايدى، ولار ەرتە تۇرىپ، دۇكەننىڭ الدىنا بارادى ءارى ونى ساتىپ الماقشى بولىپ، ۇزاق ۋاقىت كۇتەدى، ولار وسىنى ىستەي الادى، ءبىراق ولارعا «ۇيقىڭنان ويانىپ، اللا ءجاللا ءجالالۋحۋدىڭ ريزالىعى ءۇشىن ەكى راكات ناماز وقى.» دەپ ايتا كورمەڭىز! ايتقانىڭىز سول ەكەن، ولار ونى ىستەي المايتىن بولا قالادى، ولار تۇرعان كۇندە دە، «ناماز وقى.» دەسەك، سول ەكى راكات نامازدى وتەۋگە ەرىنەدى، ولار بۇعان كەلگەندە تىم جالقاۋسىنار. ادام بالالارى ناپسىلەرىنىڭ قۇل قىزمەتشىسى بولدى، ولار اللا ءجاللا ءجالالۋحۋدىڭ ريزالىعى ءۇشىن ىستەلىنەتىن ىستەرگە جالقاۋ كەلەدى دە، ءبىراق شايتانمەن ناپسىلەرىنىڭ شارۋاسىنا كەلگەندە، ولار ەرەكشە قايرات شىعارىپ، بارىنشا كۇش سالادى، وعان تىم قۇلشىنعىش كەلەدى، سوندىقتان اللا ءجاللا ءجالالۋحۋدىڭ ءبىزدى ءوز پاناسىنا الۋىن سۇرايمىز.

بۇل دۇنيە - ورايلار دۇنيەسى، ولار دا «وراي» دەيدى، ءبىراق ولاردىڭ بۇنداعى «وراي» دەگەنى تەك جەكەلىك جانە دۇنيەلىك پايدالار ءۇشىن ارنالعان ورايدى مەڭزەيدى، شىندىعىندا «ناعىز وراي» دەگەنىمىز وسى دۇنيەدەگى اقيرەتىڭ ءۇشىن بەرىلگەن ورايلار-ءدۇر.

اللا ءجاللا ءجالالۋحۋ بارشامىزعا وسى ادەمى ورايلاردى ءناسىپ ەتكەي، ءبىزدى ءوز ناپسىلەرىمىزگە باس ۇرۋدان ساقتاعاي.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw