Сұхбат: түзу бол (2022.12.22, 28 Жүмәдүл әуәл 1444)

Лефка, Кипр Аралы.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт.

Тәриқатуна әс-Сұхбах уа л-Қайру фи л-Жәмиях.

«فَاسْتَقِمْ كَمَا أُمِرْتَ وَمَن تَابَ مَعَكَ» (құран 11:112).

«Сондықтан (сен) және сенімен бірге Аллаға бұрылғандар қалыптарыңды бұзбай әмір етілген түзу жолда болыңдар.» (құран 11:112) делінеді.

Бұл сөз Алла Әззә уа-Жәлләнің қасиетті пайғамбарымызға түсірген әмірі еді, бұл әмір - үлкен әмір. Пайғамбарымыз «бұл сүре (хұд сүресі) менің сақалымды ағартып жіберді.» дейді, әсілінде пайғамбарымыздың сақалы бүкілдей қап-қара сақал болатын, кейін оған аздап там-тұм ақ сақалдар пайда болды, бұл «ақтар» осы сүренің ұлылығымен ауырлығынан кірген еді, себебі түзу жолда ауытқымай түп-түзу жүру оңай іс емес, бірақ сонда да мүминдермен пайғамбарымызды сүйетіндер оған ілесіп, түзу бағытпен алға тартуы керек.

Алдаумен өтірік айту түзу жолдан емес, бірақ олар түзуліктің керісі-дүр, ол қыңырлықтан болмақ, бұны істеп жүрген адамдар өздерінің нәпсілеріне берілгендер және ирадасы әлсіздер, әрине олардың ақылымен ирадасы әлсіз болары айдан анық, себебі түзу жолдың аясынан тысқары істелінген іс-амалдар ешбір пайда әкеле алмайды емеспе. Адамдар «мен сақ болуым керек, оны я бұны істеуім керек, пайдаға кенелуім үшін адамдарды алдауым керек.» деп ойлар, бірақ олар бұл істерімен күнә және өкініштен басқа ештеңе жиған жоқ, себебі өтірік айтумен алдау ешбір игілікке жеткізбейді, ал түзу жолда жүру мол игіліктермен зор пайдалар алып келеді, тіпті ол қиындау болған күнде де, оның берер нәтижесі жақсы болмақ, түзу жолда болу - ең жақсы іс, одан асқан жақсы ештеңе жоқ.

Алайда адамдар шаруаны өздері шешкісі келеді де, Алла Әззә уа-Жәлләны ұмытады, қайыр-жақсылық естерінен шығып кетеді, олар «тек біз ғана жақсымыз, өзіміз тырысып-ақ "бірдеңе" тындыра аламыз.» деп ойлайды, мейлі олар өздері қалағанындай «жақсы-ақ» болсын, мейлі олар өздерін соншама ақылды кісі санасын, бірақ Алла Жәллә Жәләлуху қаламаса, олар ештеңе тындыра алмақ емес, олар бір ғана себепке байланысты бүкіл барлығын жоғалтып қойуы мұнда тұрған іс.

Айтып өткеніміздей, бұл сөздер адамдар үшін бір сабақ, Алла Әззә уа-Жәллә адамдарға 100% пайдалы істерді бұйырады, ал бұл бұйырылған істердің керісін істеу оларға да, барлығына да зиян алып келмек, сондықтан түзу бол, түзу жолдағылармен бірге бол.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: ءتۇزۋ بول (2022.12.22، 28 ءجۇمادۇل ءاۋال 1444)

لەفكا، كيپر ارالى.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات.

ءتاريقاتۋنا ءاس-سۇحباح ۋا ل-قايرۋ في ل-ءجامياح.

«فَاسْتَقِمْ كَمَا أُمِرْتَ وَمَن تَابَ مَعَكَ» (قۇران 11:112).

«سوندىقتان (سەن) جانە سەنىمەن بىرگە اللاعا بۇرىلعاندار قالىپتارىڭدى بۇزباي ءامىر ەتىلگەن ءتۇزۋ جولدا بولىڭدار.» (قۇران 11:112) دەلىنەدى.

بۇل ءسوز اللا ءاززا ۋا-ءجاللانىڭ قاسيەتتى پايعامبارىمىزعا تۇسىرگەن ءامىرى ەدى، بۇل ءامىر - ۇلكەن ءامىر. پايعامبارىمىز «بۇل سۇرە (حۇد سۇرەسى) مەنىڭ ساقالىمدى اعارتىپ جىبەردى.» دەيدى، اسىلىندە پايعامبارىمىزدىڭ ساقالى بۇكىلدەي قاپ-قارا ساقال بولاتىن، كەيىن وعان ازداپ تام-تۇم اق ساقالدار پايدا بولدى، بۇل «اقتار» وسى سۇرەنىڭ ۇلىلىعىمەن اۋىرلىعىنان كىرگەن ەدى، سەبەبى ءتۇزۋ جولدا اۋىتقىماي ءتۇپ-ءتۇزۋ ءجۇرۋ وڭاي ءىس ەمەس، ءبىراق سوندا دا مۇميندەرمەن پايعامبارىمىزدى سۇيەتىندەر وعان ىلەسىپ، ءتۇزۋ باعىتپەن العا تارتۋى كەرەك.

الداۋمەن وتىرىك ايتۋ ءتۇزۋ جولدان ەمەس، ءبىراق ولار تۇزۋلىكتىڭ كەرىسى-ءدۇر، ول قىڭىرلىقتان بولماق، بۇنى ىستەپ جۇرگەن ادامدار وزدەرىنىڭ ناپسىلەرىنە بەرىلگەندەر جانە يراداسى السىزدەر، ارينە ولاردىڭ اقىلىمەن يراداسى ءالسىز بولارى ايدان انىق، سەبەبى ءتۇزۋ جولدىڭ اياسىنان تىسقارى ىستەلىنگەن ءىس-امالدار ەشبىر پايدا اكەلە المايدى ەمەسپە. ادامدار «مەن ساق بولۋىم كەرەك، ونى يا بۇنى ىستەۋىم كەرەك، پايداعا كەنەلۋىم ءۇشىن ادامداردى الداۋىم كەرەك.» دەپ ويلار، ءبىراق ولار بۇل ىستەرىمەن كۇنا جانە وكىنىشتەن باسقا ەشتەڭە جيعان جوق، سەبەبى وتىرىك ايتۋمەن الداۋ ەشبىر يگىلىككە جەتكىزبەيدى، ال ءتۇزۋ جولدا ءجۇرۋ مول يگىلىكتەرمەن زور پايدالار الىپ كەلەدى، ءتىپتى ول قيىنداۋ بولعان كۇندە دە، ونىڭ بەرەر ناتيجەسى جاقسى بولماق، ءتۇزۋ جولدا بولۋ - ەڭ جاقسى ءىس، ودان اسقان جاقسى ەشتەڭە جوق.

الايدا ادامدار شارۋانى وزدەرى شەشكىسى كەلەدى دە، اللا ءاززا ۋا-ءجاللانى ۇمىتادى، قايىر-جاقسىلىق ەستەرىنەن شىعىپ كەتەدى، ولار «تەك ءبىز عانا جاقسىمىز، ءوزىمىز تىرىسىپ-اق "بىردەڭە" تىندىرا الامىز.» دەپ ويلايدى، مەيلى ولار وزدەرى قالاعانىنداي «جاقسى-اق» بولسىن، مەيلى ولار وزدەرىن سونشاما اقىلدى كىسى ساناسىن، ءبىراق اللا ءجاللا ءجالالۋحۋ قالاماسا، ولار ەشتەڭە تىندىرا الماق ەمەس، ولار ءبىر عانا سەبەپكە بايلانىستى بۇكىل بارلىعىن جوعالتىپ قويۋى مۇندا تۇرعان ءىس.

ايتىپ وتكەنىمىزدەي، بۇل سوزدەر ادامدار ءۇشىن ءبىر ساباق، اللا ءاززا ۋا-ءجاللا ادامدارعا 100% پايدالى ىستەردى بۇيىرادى، ال بۇل بۇيىرىلعان ىستەردىڭ كەرىسىن ىستەۋ ولارعا دا، بارلىعىنا دا زيان الىپ كەلمەك، سوندىقتان ءتۇزۋ بول، ءتۇزۋ جولداعىلارمەن بىرگە بول.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw