Сұхбат: Алла тағала ғана хақ (2022.12.19, 25 Жүмәдүл әуәл 1444)

Лефка, Кипр Аралы.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт.

Тәриқатуна әс-Сұхбах уа л-Қайру фи л-Жәмиях.

«ذَٰلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِن دُونِهِ هُوَ الْبَاطِلُ» (құран 22:62).

«Себебі Алла хақ, ал олардың одан басқа шақырғандары жалған.» (құран 22:62) делінген. Алла Әззә уа-Жәлла хақ, нағыз бар болушы Алла Әззә уа-Жәлла, бүкіл әлем және бүкіл барлығы Алла Жәллә Жәләлухудың қалауымен жаратылған, олар Оның қалауымен жаратылып, білініп және көрініп отыр.

Ештеңе Алла Жәллә Жәләлухуға ұқсай алмайды, Одан басқаның барлығы жалған, ештеңе Одан айырыла алмайды, Оны тастап кетпек жоқ, Алла Әззә уа-Жәллаға қарсы келушілер түкке татымайды, ештеңе емес, ондайлардың еш құнымен маңыздылығы жоқ, мейлі жын, адам я хайуан болсын, егер олар Алла Жәллә Жәләлухуға қарсы келсе, оларда жарарлық ешбір құн қалмайды.

Көптеген адамдар Алла Жәллә Жәләлухуға осылай қарсы келуде, демек олар осы қыңыр жолда кетіп барады, ал сіз оларды «дұрыс» деп ойлап қалмаңыз әрі оларға ешқашан ілесуші болмаңыз, олардан аулақ жүріңіз, тұра қашыңыз, себебі олар жалған, ештеңеге жарамас татымсыздар, олар бүкіл дүние, бүкіл әлемнің ішіндегі бір тал тозаң құрлы бола алмайды, Алла Жәллә Жәләлухудың ұлылығының алдына олар ештеңе емес.

Ел-жұрт оларды керемет ойлап жүр, шаң-тозаң құрлы құны жоқ бұндай адамдарды «кісі» санап жүргендер мүлдем ақымақтыққа ұрынды, себебі Алла Жәллә Жәләлуху оларға «Өзін яғни Алла Жәллә Жәләлухуды білсін» деп әлемді көрсетті, Алла Әззә уа-Жәлланы көре алмайсыз, бірақ Оның ұлылығын Оның жаратқан жаратылыстары арқылы көре аласыз әрі Ол олар Өзін көруі үшін аз ғана білім берген. Мына дүниеге соншама көңіл бөлгіш адамдар өздері өз ауыздарымен «біз тұрған мына дүние, бұл жер әлемнің алдында бір тал тозақ құрлы емес екен.» деп айтуда, ал осыны білетін адамдар Жаратушыға бойұсынуы және оны қабыл етуі керек.

«Өзіміз оны істейміз, бұны істейміз» деп жүріп, Алла Әззә уа-Жәллаға қарсы келетіндер ешқашанда зерек, есті адамдар емес, себебі бұрын да солар сияқты көптеген адамдар өткен, олар Алла Әззә уа-Жәллаға қарсы келген еді, қазір бұнда олардың бірі де жоқ, олар мейлі жүз жыл, бес жүз жыл немесе мың жыл өмір сүрсе де, олардың істегендері еш пайда берген жоқ, ал олар ақиретте мүлдем жоғалтуға ұшырамақ, олардың бұл жоғалтуы қайтарып орнына әкелуге келмейтін жоғалту-дүр.

Сол себепті Алла Жәллә Жәләлухудың жолында жүргендер жеңіске жететін болады, ал Алла Жәллә Жәләлуху жолында болмағандар құриды, олар бұнда сырт көзге қарамаққа жеңгендей көрінгенімен, шындығында олар ұтылды, барлығын жоғалытты, сондықтан мұсылмандар, жастар, үлкендер және әрбір жан ондай адамдарға қызығып тамсануының, іштарлық етуінің еш қажеті жоқ, шайтан алдайды, оларға қызықтырады, содан соң ол оларды көмек керек кезде тастап, қашып кететін болады.

Алла Жәллә Жәләлуху баршамызды шайтанның кесір-кесапаттарынан сақтағай, бізді осыбір бүлік-фитналардан қорғағай.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: اللا تاعالا عانا حاق (2022.12.19، 25 ءجۇمادۇل ءاۋال 1444)

لەفكا، كيپر ارالى.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات.

ءتاريقاتۋنا ءاس-سۇحباح ۋا ل-قايرۋ في ل-ءجامياح.

«ذَٰلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِن دُونِهِ هُوَ الْبَاطِلُ» (قۇران 22:62).

«سەبەبى اللا حاق، ال ولاردىڭ ودان باسقا شاقىرعاندارى جالعان.» (قۇران 22:62) دەلىنگەن. اللا ءاززا ۋا-ءجاللا حاق، ناعىز بار بولۋشى اللا ءاززا ۋا-ءجاللا، بۇكىل الەم جانە بۇكىل بارلىعى اللا ءجاللا ءجالالۋحۋدىڭ قالاۋىمەن جاراتىلعان، ولار ونىڭ قالاۋىمەن جاراتىلىپ، ءبىلىنىپ جانە كورىنىپ وتىر.

ەشتەڭە اللا ءجاللا ءجالالۋحۋعا ۇقساي المايدى، ودان باسقانىڭ بارلىعى جالعان، ەشتەڭە ودان ايىرىلا المايدى، ونى تاستاپ كەتپەك جوق، اللا ءاززا ۋا-ءجاللاعا قارسى كەلۋشىلەر تۇككە تاتىمايدى، ەشتەڭە ەمەس، وندايلاردىڭ ەش قۇنىمەن ماڭىزدىلىعى جوق، مەيلى جىن، ادام يا حايۋان بولسىن، ەگەر ولار اللا ءجاللا ءجالالۋحۋعا قارسى كەلسە، ولاردا جارارلىق ەشبىر قۇن قالمايدى.

كوپتەگەن ادامدار اللا ءجاللا ءجالالۋحۋعا وسىلاي قارسى كەلۋدە، دەمەك ولار وسى قىڭىر جولدا كەتىپ بارادى، ال ءسىز ولاردى «دۇرىس» دەپ ويلاپ قالماڭىز ءارى ولارعا ەشقاشان ىلەسۋشى بولماڭىز، ولاردان اۋلاق ءجۇرىڭىز، تۇرا قاشىڭىز، سەبەبى ولار جالعان، ەشتەڭەگە جاراماس تاتىمسىزدار، ولار بۇكىل دۇنيە، بۇكىل الەمنىڭ ىشىندەگى ءبىر تال توزاڭ قۇرلى بولا المايدى، اللا ءجاللا ءجالالۋحۋدىڭ ۇلىلىعىنىڭ الدىنا ولار ەشتەڭە ەمەس.

ەل-جۇرت ولاردى كەرەمەت ويلاپ ءجۇر، شاڭ-توزاڭ قۇرلى قۇنى جوق بۇنداي ادامداردى «كىسى» ساناپ جۇرگەندەر مۇلدەم اقىماقتىققا ۇرىندى، سەبەبى اللا ءجاللا ءجالالۋحۋ ولارعا «ءوزىن ياعني اللا ءجاللا ءجالالۋحۋدى ءبىلسىن» دەپ الەمدى كورسەتتى، اللا ءاززا ۋا-ءجاللانى كورە المايسىز، ءبىراق ونىڭ ۇلىلىعىن ونىڭ جاراتقان جاراتىلىستارى ارقىلى كورە الاسىز ءارى ول ولار ءوزىن كورۋى ءۇشىن از عانا ءبىلىم بەرگەن. مىنا دۇنيەگە سونشاما كوڭىل بولگىش ادامدار وزدەرى ءوز اۋىزدارىمەن «ءبىز تۇرعان مىنا دۇنيە، بۇل جەر الەمنىڭ الدىندا ءبىر تال توزاق قۇرلى ەمەس ەكەن.» دەپ ايتۋدا، ال وسىنى بىلەتىن ادامدار جاراتۋشىعا بويۇسىنۋى جانە ونى قابىل ەتۋى كەرەك.

«ءوزىمىز ونى ىستەيمىز، بۇنى ىستەيمىز» دەپ ءجۇرىپ، اللا ءاززا ۋا-ءجاللاعا قارسى كەلەتىندەر ەشقاشاندا زەرەك، ەستى ادامدار ەمەس، سەبەبى بۇرىن دا سولار سياقتى كوپتەگەن ادامدار وتكەن، ولار اللا ءاززا ۋا-ءجاللاعا قارسى كەلگەن ەدى، ءقازىر بۇندا ولاردىڭ ءبىرى دە جوق، ولار مەيلى ءجۇز جىل، بەس ءجۇز جىل نەمەسە مىڭ جىل ءومىر سۇرسە دە، ولاردىڭ ىستەگەندەرى ەش پايدا بەرگەن جوق، ال ولار اقيرەتتە مۇلدەم جوعالتۋعا ۇشىراماق، ولاردىڭ بۇل جوعالتۋى قايتارىپ ورنىنا اكەلۋگە كەلمەيتىن جوعالتۋ-ءدۇر.

سول سەبەپتى اللا ءجاللا ءجالالۋحۋدىڭ جولىندا جۇرگەندەر جەڭىسكە جەتەتىن بولادى، ال اللا ءجاللا ءجالالۋحۋ جولىندا بولماعاندار قۇريدى، ولار بۇندا سىرت كوزگە قاراماققا جەڭگەندەي كورىنگەنىمەن، شىندىعىندا ولار ۇتىلدى، بارلىعىن جوعالىتتى، سوندىقتان مۇسىلماندار، جاستار، ۇلكەندەر جانە ءاربىر جان ونداي ادامدارعا قىزىعىپ تامسانۋىنىڭ، ءىشتارلىق ەتۋىنىڭ ەش قاجەتى جوق، شايتان الدايدى، ولارعا قىزىقتىرادى، سودان سوڭ ول ولاردى كومەك كەرەك كەزدە تاستاپ، قاشىپ كەتەتىن بولادى.

اللا ءجاللا ءجالالۋحۋ بارشامىزدى شايتاننىڭ كەسىر-كەساپاتتارىنان ساقتاعاي، ءبىزدى ءوسىبىر بۇلىك-فيتنالاردان قورعاعاي.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw