Сұхбат: алланың арқанынан мықты ұста (2022.12.15, 21 Жүмәдүл әуәл 1444)

Таң намазы, Лефка, Кипр Аралы.

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт.

Тәриқатуна әс-Сұхбах уа л-Қайру фи л-Жәмиях.

«Жел "еккен", дауыл "орады".» деген сөз бар, бұның мағынасы не? «жел» дегені жамандық-дүр, егер сіз жақсылық ексеңіз, жақсылық «орасыз», жақсылық екпеген болсаңыз, әрине жақсылық «ора алмайсыз», бірақ жамандық «орып алатын» боласыз, ал бұл «орып алғандарыңыздың» еш пайдасы болмақ емес, қайта оныңыз адамдарға тек залал алып келетін нәрселер ғана болмақ.

Күллі жақсылық атаулы пайғамбарымыздан адам баласына берілді әрі олар адамзатқа жақсы жолды көрсетіп кетті, олардың көрсеткендерінің барлығы ең әдемі нәрселер, бұндағы ең маңыздысы, олар адамзатқа жаратушы алла тағала хақында айтып кетті, жақсы адамдар, игі жандар - пайғамбарлармен әулиелер еңбегінің жемісі.

Ал олардың керісі болған шайтан, адамдарды алдап, оларды өзі сияқты ұсқынсыз қарғысталған бірдеңе етіп жетістірді, тәрбиелеп шығарды, ол адам баласына жамандықты көрсетіп, кесір-кесапаттың ұрығын екті, ал жамандықтан жақсылық өніп шықпайтыны белгілі іс емеспе. Барлық пайғамбарлардың кезінде шайтан адамдарды адастырып, жұртты артына ертті, әсіресе біздің пайғамбарымыз кете сала адамдар адасып, шайтанға алданды, бір тобы шайтанның соңынан еріп кетті, ал олардан ешқандай жақсылық келмек емес, бірақ тек жамандық келер, олардың еккені жамандық, сондықтан олар соңында жамандық «орып» алды да, көздері құрып, жоқ болды, шипасы бітті, олардың өздері де, «еккендерімен» істегендерді де қалмады, олардың жолы тура болмағандықтан, жойылып ісі тамам болды, құйға батып, ғарық болды, бірақ олардың ізін басып, орнын ауыстыра келгендер бар, олар да надан тобырлар немесе соларға ұқсайтын адамдар еді, бұлар да солар сияқты адамдарға жамандық істеп жатыр, жақсылық «екпеді».

Бұндай топтар барлық уақытта, әр дәуірде болған, бірақ олардың адамдарды ғана ұқсамайды, олардың жолы дұрыс болмағандықтан, олардың жамандығының шаруасы бітеді, бірақ олар онысы бітісімен тағы бір жамандығын немесе кесір-кесапатын бастайды, міне осылайша жаңадан және бір бүлік-фитна пайда болады, алайда бұнысының да шипасы бітпек, одан соң олар тағы сондай бірдеңе бастамақ ...

«Хақ жол» дегеніміз алла тағаланың жолы, барлық пайғамбарлардың жолы, бұл жол еш өзгерместен бүгінге дейін жалғасып келе жатыр, кім бұл жолға ілессе, ол аса берік жерге бекінген болады, ол өте мықты орынға табан тіреді, соған байланды, ол ара ешқашан өзгермейтін тұрлаусыз әрі ешқашан құрымайтын тым берік тұрақ, ол мәңгілік тұра бермек.

Қазір адамдар «біз мына адамның жолына ереміз, ол мәңгілікке жалғасады.» дейді, алайда бұл дүниеде мәңгілікке жалғасатын жол тек алла тағаланың жолы ғана болмақ, ал қалғандары бүкілдей жалған, құрама, ойдырма нәрселер ғана, олар үнемі көпке бармай-ақ құрып, көзі жойылып отырады, мүмкін, олар 10, 100 не 200 жыл тұрар, бірақ соңында олардың шипасы бітіп, жоғалып жатады әрі олардың ақыры жақсы болмақ емес, олар жойылады, олар еш пайдасы жоқ зияндылар болып, тек жамандықтан басқа ештеңені әкеле алмайды.

Сондықтан осыбір берік жолға өзіңді жалға, соған түс. Алла тағала:

«وَٱعْتَصِمُوا۟ بِحَبْلِ ٱللَّهِ» (құран 03:103),

яғни «алланың арқанынан мықтап жармасыңдар.» (құран 03:103) дейді, алла тағаланың арқанынан мықты ұстағын! «оны мықты ұста.» дейді алла тағала, кімде-кім одан мықты ұстап, жібермей қойса құтылады, демек осы арқанды мықты ұстағандар ғана аман қалады, ал қалғандары үймелі-күймелісімен, топ-тобырымен түгел құритын болады.

Алла тағала баршамызды өз панасына алып қорғағай.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: اللانىڭ ارقانىنان مىقتى ۇستا (2022.12.15، 21 ءجۇمادۇل ءاۋال 1444)

تاڭ نامازى، لەفكا، كيپر ارالى.

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات.

ءتاريقاتۋنا ءاس-سۇحباح ۋا ل-قايرۋ في ل-ءجامياح.

«جەل "ەككەن"، داۋىل "ورادى".» دەگەن ءسوز بار، بۇنىڭ ماعىناسى نە؟ «جەل» دەگەنى جاماندىق-ءدۇر، ەگەر ءسىز جاقسىلىق ەكسەڭىز، جاقسىلىق «وراسىز»، جاقسىلىق ەكپەگەن بولساڭىز، ارينە جاقسىلىق «ورا المايسىز»، ءبىراق جاماندىق «ورىپ الاتىن» بولاسىز، ال بۇل «ورىپ العاندارىڭىزدىڭ» ەش پايداسى بولماق ەمەس، قايتا ونىڭىز ادامدارعا تەك زالال الىپ كەلەتىن نارسەلەر عانا بولماق.

كۇللى جاقسىلىق اتاۋلى پايعامبارىمىزدان ادام بالاسىنا بەرىلدى ءارى ولار ادامزاتقا جاقسى جولدى كورسەتىپ كەتتى، ولاردىڭ كورسەتكەندەرىنىڭ بارلىعى ەڭ ادەمى نارسەلەر، بۇنداعى ەڭ ماڭىزدىسى، ولار ادامزاتقا جاراتۋشى اللا تاعالا حاقىندا ايتىپ كەتتى، جاقسى ادامدار، يگى جاندار - پايعامبارلارمەن اۋليەلەر ەڭبەگىنىڭ جەمىسى.

ال ولاردىڭ كەرىسى بولعان شايتان، ادامداردى الداپ، ولاردى ءوزى سياقتى ۇسقىنسىز قارعىستالعان بىردەڭە ەتىپ جەتىستىردى، تاربيەلەپ شىعاردى، ول ادام بالاسىنا جاماندىقتى كورسەتىپ، كەسىر-كەساپاتتىڭ ۇرىعىن ەكتى، ال جاماندىقتان جاقسىلىق ءونىپ شىقپايتىنى بەلگىلى ءىس ەمەسپە. بارلىق پايعامبارلاردىڭ كەزىندە شايتان ادامداردى اداستىرىپ، جۇرتتى ارتىنا ەرتتى، اسىرەسە ءبىزدىڭ پايعامبارىمىز كەتە سالا ادامدار اداسىپ، شايتانعا الداندى، ءبىر توبى شايتاننىڭ سوڭىنان ەرىپ كەتتى، ال ولاردان ەشقانداي جاقسىلىق كەلمەك ەمەس، ءبىراق تەك جاماندىق كەلەر، ولاردىڭ ەككەنى جاماندىق، سوندىقتان ولار سوڭىندا جاماندىق «ورىپ» الدى دا، كوزدەرى قۇرىپ، جوق بولدى، شيپاسى ءبىتتى، ولاردىڭ وزدەرى دە، «ەككەندەرىمەن» ىستەگەندەردى دە قالمادى، ولاردىڭ جولى تۋرا بولماعاندىقتان، جويىلىپ ءىسى تامام بولدى، قۇيعا باتىپ، عارىق بولدى، ءبىراق ولاردىڭ ءىزىن باسىپ، ورنىن اۋىستىرا كەلگەندەر بار، ولار دا نادان توبىرلار نەمەسە سولارعا ۇقسايتىن ادامدار ەدى، بۇلار دا سولار سياقتى ادامدارعا جاماندىق ىستەپ جاتىر، جاقسىلىق «ەكپەدى».

بۇنداي توپتار بارلىق ۋاقىتتا، ءار داۋىردە بولعان، ءبىراق ولاردىڭ ادامداردى عانا ۇقسامايدى، ولاردىڭ جولى دۇرىس بولماعاندىقتان، ولاردىڭ جاماندىعىنىڭ شارۋاسى بىتەدى، ءبىراق ولار ونىسى بىتىسىمەن تاعى ءبىر جاماندىعىن نەمەسە كەسىر-كەساپاتىن باستايدى، مىنە وسىلايشا جاڭادان جانە ءبىر بۇلىك-فيتنا پايدا بولادى، الايدا بۇنىسىنىڭ دا شيپاسى بىتپەك، ودان سوڭ ولار تاعى سونداي بىردەڭە باستاماق ...

«حاق جول» دەگەنىمىز اللا تاعالانىڭ جولى، بارلىق پايعامبارلاردىڭ جولى، بۇل جول ەش وزگەرمەستەن بۇگىنگە دەيىن جالعاسىپ كەلە جاتىر، كىم بۇل جولعا ىلەسسە، ول اسا بەرىك جەرگە بەكىنگەن بولادى، ول وتە مىقتى ورىنعا تابان تىرەدى، سوعان بايلاندى، ول ارا ەشقاشان وزگەرمەيتىن تۇرلاۋسىز ءارى ەشقاشان قۇرىمايتىن تىم بەرىك تۇراق، ول ماڭگىلىك تۇرا بەرمەك.

ءقازىر ادامدار «ءبىز مىنا ادامنىڭ جولىنا ەرەمىز، ول ماڭگىلىككە جالعاسادى.» دەيدى، الايدا بۇل دۇنيەدە ماڭگىلىككە جالعاساتىن جول تەك اللا تاعالانىڭ جولى عانا بولماق، ال قالعاندارى بۇكىلدەي جالعان، قۇراما، ويدىرما نارسەلەر عانا، ولار ۇنەمى كوپكە بارماي-اق قۇرىپ، كوزى جويىلىپ وتىرادى، مۇمكىن، ولار 10، 100 نە 200 جىل تۇرار، ءبىراق سوڭىندا ولاردىڭ شيپاسى ءبىتىپ، جوعالىپ جاتادى ءارى ولاردىڭ اقىرى جاقسى بولماق ەمەس، ولار جويىلادى، ولار ەش پايداسى جوق زياندىلار بولىپ، تەك جاماندىقتان باسقا ەشتەڭەنى اكەلە المايدى.

سوندىقتان ءوسىبىر بەرىك جولعا ءوزىڭدى جالعا، سوعان ءتۇس. اللا تاعالا:

«وَٱعْتَصِمُوا۟ بِحَبْلِ ٱللَّهِ» (قۇران 03:103)،

ياعني «اللانىڭ ارقانىنان مىقتاپ جارماسىڭدار.» (قۇران 03:103) دەيدى، اللا تاعالانىڭ ارقانىنان مىقتى ۇستاعىن! «ونى مىقتى ۇستا.» دەيدى اللا تاعالا، كىمدە-كىم ودان مىقتى ۇستاپ، جىبەرمەي قويسا قۇتىلادى، دەمەك وسى ارقاندى مىقتى ۇستاعاندار عانا امان قالادى، ال قالعاندارى ۇيمەلى-كۇيمەلىسىمەن، توپ-توبىرىمەن تۇگەل قۇريتىن بولادى.

اللا تاعالا بارشامىزدى ءوز پاناسىنا الىپ قورعاعاي.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw