Сұхбат: ақиретті ұдайы есіңе ал (2022.12.05, 11 Жүмәдүл әуәл 1444)

Таң намазы, Ақбаба Дергасы

Әс-сәламу Әлейкум, уа Рахматуллахи уа Баракатуху.

Ағузубиллаһи Минаш-шайтанир ражим, Бисмиллахир Рахманир Рахим.

Уа с-салату уа с-Саламу ғала Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт.

Тәриқатуна әс-Сұхбах уа л-Қайру фи л-Жәмиях.

Қасиетті пайғамбарымыз алла тағала екі періштеге әркүні мына сөзді айттырып қоятындығын жеткізеді, олар «لِدُوا لِلمَوتِ وَ ابنُوا لِلخَرَابِ» яғни «тек өлу үшін туғансың, тек қирау үшін салынғансың» деген сөзді әркүні тынбай айтып отырады. Барлығы өлу үшін туылады, қирау үшін салынады, адам баласының өмірі де дәл осындай, алла тағала періштелер арқылы адамдарға «әрбірің өлетіндіктеріңді біліңдер» деп ескерту жасап отыр. Бұл дүниеде өлмес ештеңе жоқ, барлығы өледі, алайда қияметтен соң барлығы мәңгілік болып, адамдар тек сол кезде ғана өлмес өмірге қауышады.

Мейлі тағаны өте мықты аса берік үй салынсада, ол түбінде құлап, бір қирайтын болады, қазіргі жұрт «біз жер сілкінісіне төзімді аса берік ғимараттармен үйлерді салалық» дейді, расында олар сілкініске төзімді берік болар, бірақ соңында қиямет келген күні олар бәрібір жоқ болады емеспе, ол кезде жер жүзінде ештеңе қалмайды, үй-ғимараттарды айтпай-ақ қоялық, таулардың өзі тура алмай үгітіліп жоғалады, олар бір-бірімен соғылып, ұсақ құм топыраққа айналып кетеді.

Жұрт 7-8 балдық жер сілкіністер туралы айтып жатыр, ал қиямет келгенде сілкіністер қанша бал болатынын алла тағала өзі біледі, мүмкін 20 бал, мүмкін 100 бал болар, барлығы бір алла тағаланың өзіне аян, себебі алла тағала құран әзиму-шанда «لَّا تَرَىٰ فِيهَا عِوَجًا وَلَآ أَمْتًا» (құран 20:107) яғни «онда қисық-қыңыр я йыр-қиыр жатқан ештеңе көрмейсіңдер» (құран 20:107) дейді, қиямет күнінде тау емес, ешбір томпайған дөң де, қисайған ой да көрмейсіз, адамдардың соңғы есеп күніне жиналуы үшін бүкіл жердің беті жұмыртқадай майда етіліп тегістеледі.

Сондықтан мына дүниеде дүние үшін жанталаса әбігер болып жүрген адамдар расында бос нәрсеге әбігер болып, «тұяғынан тозып» жүрген жандар, олардың бар ісі босқа кетпек, біз өлімді ұдайы еске алып, ақирет үшін жұмыс жасауымыз керек. Әрбір адам әуел баста өзін өлмейтіндей көрер, алайда бір күні өлім келіп оны алып кетеді, демек өлім бүкіл адам баласының басына түбі бір келмек, жұрт осыған даяр болуы тиіс. Айтып өткеніміздей, үй салсаңызда алла тағаланың ризалығы үшін салыңыз, сонда алла тағала оны қорғайтын болады, әр ісімізде алла тағаладан көмек сұрауымыз керек, иншалла.

Дүние адамдарды алдауда, ол кейбір адамға жақсы болып тисе, кейбір адамға жаман болып тиеді, бірақ алла тағаланың жолында жүргендермен алла тағаланың ризалығын сұрағандар мейлі қандай жағдайдың болып жатқанына қарамастан пайдаға кенеле беретін болады, олар ақирет ісімен өлімді ешқашан ұмытпайды, олар дүниеге көңіл қоймайды, оны елемейді, алла тағала бізге әркүні ескерту жасауда, сондықтан біз мына дүниеге алданбалық, оған жүрегімізді бермелік, алла тағаланың ескертуіне құлақ асалық, барлық істеріміз бізге алла тағаланы және ақиретті ескертуі керек, алла тағала бізді өз панасына алғай, ақырымыз жақсы болғай, иншалла.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: اقيرەتتى ۇدايى ەسىڭە ال (2022.12.05، 11 ءجۇمادۇل ءاۋال 1444)

تاڭ نامازى، اقبابا دەرگاسى

ءاس-ءسالامۋ الەيكۋم، ۋا راحماتۋللاحي ۋا باراكاتۋحۋ.

اعۋزۋبيللاھي ميناش-شايتانير راجيم، بيسميللاحير راحمانير راحيم.

ۋا س-سالاتۋ ۋا س-سالامۋ عالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات.

ءتاريقاتۋنا ءاس-سۇحباح ۋا ل-قايرۋ في ل-ءجامياح.

قاسيەتتى پايعامبارىمىز اللا تاعالا ەكى پەرىشتەگە اركۇنى مىنا ءسوزدى ايتتىرىپ قوياتىندىعىن جەتكىزەدى، ولار «لِدُوا لِلمَوتِ وَ ابنُوا لِلخَرَابِ» ياعني «تەك ءولۋ ءۇشىن تۋعانسىڭ، تەك قيراۋ ءۇشىن سالىنعانسىڭ» دەگەن ءسوزدى اركۇنى تىنباي ايتىپ وتىرادى. بارلىعى ءولۋ ءۇشىن تۋىلادى، قيراۋ ءۇشىن سالىنادى، ادام بالاسىنىڭ ءومىرى دە ءدال وسىنداي، اللا تاعالا پەرىشتەلەر ارقىلى ادامدارعا «ءاربىرىڭ ولەتىندىكتەرىڭدى بىلىڭدەر» دەپ ەسكەرتۋ جاساپ وتىر. بۇل دۇنيەدە ولمەس ەشتەڭە جوق، بارلىعى ولەدى، الايدا قيامەتتەن سوڭ بارلىعى ماڭگىلىك بولىپ، ادامدار تەك سول كەزدە عانا ولمەس ومىرگە قاۋىشادى.

مەيلى تاعانى وتە مىقتى اسا بەرىك ءۇي سالىنسادا، ول تۇبىندە قۇلاپ، ءبىر قيرايتىن بولادى، قازىرگى جۇرت «ءبىز جەر سىلكىنىسىنە ءتوزىمدى اسا بەرىك عيماراتتارمەن ۇيلەردى سالالىق» دەيدى، راسىندا ولار سىلكىنىسكە ءتوزىمدى بەرىك بولار، ءبىراق سوڭىندا قيامەت كەلگەن كۇنى ولار ءبارىبىر جوق بولادى ەمەسپە، ول كەزدە جەر جۇزىندە ەشتەڭە قالمايدى، ءۇي-عيماراتتاردى ايتپاي-اق قويالىق، تاۋلاردىڭ ءوزى تۋرا الماي ۇگىتىلىپ جوعالادى، ولار ءبىر-بىرىمەن سوعىلىپ، ۇساق قۇم توپىراققا اينالىپ كەتەدى.

جۇرت 7-8 بالدىق جەر سىلكىنىستەر تۋرالى ايتىپ جاتىر، ال قيامەت كەلگەندە سىلكىنىستەر قانشا بال بولاتىنىن اللا تاعالا ءوزى بىلەدى، مۇمكىن 20 بال، مۇمكىن 100 بال بولار، بارلىعى ءبىر اللا تاعالانىڭ وزىنە ايان، سەبەبى اللا تاعالا قۇران ءازيمۋ-شاندا «لَّا تَرَىٰ فِيهَا عِوَجًا وَلَآ أَمْتًا» (قۇران 20:107) ياعني «وندا قيسىق-قىڭىر يا يىر-قيىر جاتقان ەشتەڭە كورمەيسىڭدەر» (قۇران 20:107) دەيدى، قيامەت كۇنىندە تاۋ ەمەس، ەشبىر تومپايعان ءدوڭ دە، قيسايعان وي دا كورمەيسىز، ادامداردىڭ سوڭعى ەسەپ كۇنىنە جينالۋى ءۇشىن بۇكىل جەردىڭ بەتى جۇمىرتقاداي مايدا ەتىلىپ تەگىستەلەدى.

سوندىقتان مىنا دۇنيەدە دۇنيە ءۇشىن جانتالاسا ابىگەر بولىپ جۇرگەن ادامدار راسىندا بوس نارسەگە ابىگەر بولىپ، «تۇياعىنان توزىپ» جۇرگەن جاندار، ولاردىڭ بار ءىسى بوسقا كەتپەك، ءبىز ءولىمدى ۇدايى ەسكە الىپ، اقيرەت ءۇشىن جۇمىس جاساۋىمىز كەرەك. ءاربىر ادام اۋەل باستا ءوزىن ولمەيتىندەي كورەر، الايدا ءبىر كۇنى ءولىم كەلىپ ونى الىپ كەتەدى، دەمەك ءولىم بۇكىل ادام بالاسىنىڭ باسىنا ءتۇبى ءبىر كەلمەك، جۇرت وسىعان دايار بولۋى ءتيىس. ايتىپ وتكەنىمىزدەي، ءۇي سالساڭىزدا اللا تاعالانىڭ ريزالىعى ءۇشىن سالىڭىز، سوندا اللا تاعالا ونى قورعايتىن بولادى، ءار ىسىمىزدە اللا تاعالادان كومەك سۇراۋىمىز كەرەك، ينشاللا.

دۇنيە ادامداردى الداۋدا، ول كەيبىر ادامعا جاقسى بولىپ تيسە، كەيبىر ادامعا جامان بولىپ تيەدى، ءبىراق اللا تاعالانىڭ جولىندا جۇرگەندەرمەن اللا تاعالانىڭ ريزالىعىن سۇراعاندار مەيلى قانداي جاعدايدىڭ بولىپ جاتقانىنا قاراماستان پايداعا كەنەلە بەرەتىن بولادى، ولار اقيرەت ىسىمەن ءولىمدى ەشقاشان ۇمىتپايدى، ولار دۇنيەگە كوڭىل قويمايدى، ونى ەلەمەيدى، اللا تاعالا بىزگە اركۇنى ەسكەرتۋ جاساۋدا، سوندىقتان ءبىز مىنا دۇنيەگە الدانبالىق، وعان جۇرەگىمىزدى بەرمەلىك، اللا تاعالانىڭ ەسكەرتۋىنە قۇلاق اسالىق، بارلىق ىستەرىمىز بىزگە اللا تاعالانى جانە اقيرەتتى ەسكەرتۋى كەرەك، اللا تاعالا ءبىزدى ءوز پاناسىنا العاي، اقىرىمىز جاقسى بولعاي، ينشاللا.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw