Біздың тәриқат кеңес берумен, нәсихат, сұхбатқа сүйенеді. Алла тағала адамдрға және олар бірге болғанда жақсылықтар болуын қалайды, біз пайғамбарға ілесеміз, иншалла, біз оның мұсылманға, бей-мұсылманға, барша бақыт іздеген барша адамдарға және алланы риза еткісі келетіндерге пайда әкелуін үміт етеміз. Алла тағала өзімен бірге болғанда риза болмақ, егер алла тағала саған риза болмаса, онда сен ешқашан бақытты әрі қуанышты жүре алмайсың. Егер шайтанның өнегесіне ерсеңдер, алла тағала сендерге риза болмайды, сондықтан шайтанмен бірге кеткендер қуанышпен бақыт ішінде бола алмайды, шайтан адамдарға нені уәде етті? оның уәдесі тек жаманшылықпен кесір ғана, оның міндеті адам баласын мазасыздықпен кесапатты әбігерліктерге салу, ол бұл жұмысты өзі таңдап алды, шайтанмен бірге болғандар тек қана жамандық көретін болады. Алла тағала бізге қуаныш, бақыт, игілік-жақсылық және жәннатты уәде етті, уларын әр жерге таратып жүрген улы-кесірлі адамдарға еріп алданба, қазір бұл улы ой-идеялар бір жерге ғана емес, барлық жерге тарады, олар бүкіл дүниені меңгеріп, ойына келгендерін айтып жатыр, бірақ олар ақиқатпен жақсы нәрселерді жасырады.

Қазір біз пайғамбарымыз айтып кеткен «екінші реткі надандық дәуірінде» өмір сүріп жатырмыз, бірінші надандық дәуірі пайғамбардан бұрынғы кез болатын, ол кезде де бүкіл жер беті надандыққа яғни жәхилиятқа толған еді, одан соң пайғамбарымыз дүниеге нұр болып келіп, бүкіл дүниені жарыққа толтырды, нұрын шашты, адамгершілік нұры жердің шығысынан батысына, оңтүстігінен солтүстігіне тарады, сол кезді пайғамбарымыз «адам ұқығы, ер-әйелдің хақысы берілген кез» деп атады. Одан бұрынғы кез кәпірлік дәуірі болып, әйелмен құлды жұрт адам қатарында есептемейтін еді, адамзатты қараңғылықтан құтқарған ислам болатұғын, исламның нұры адам баласына шұғыла шашты, көп таралды, милиондаған жұрт алланың осы нұрына келді, ғұламалар, әулиелер адамзатқа қызмет етіп, оларға тура жол көрсетті, әрине әр жолы шайтан осындай хақ жол көрсеткендерге ұдайы қарсы тұрып келеді.

Жақсы адамдар жаман адамдармен бірге болмауы керек, ал ерсеңдер жақсыға еріңдер, кейде жаман адамдарда хидаятты көріп тура жолға түсіп жататын жәйіт та бар. Біз көптеген үлкен ғұламаларды және әулиелерді көрдік, білеміз, олар осы дүниеге мәдениет таратты, бұл адамдар хақ жолдағы адамдар болып, ешқашан бүлік-фитна жасамаған, бірақ олар адам баласына тек қана жақсылықпен игілік алып келген, алла тағала олардың жүрегіне нұр құйып, оларға білім берді, оларды сан түрлі жақсы істерге себеп қылды, міне бұл олардың сыры еді. Пайғамбардың жолы әхлі сүнна уәл жамағаның жолы, сахабаларды, әхлұл байіттерді және әулиелерді қабыл еткендердің жолы, бұл жол пайғамбар үмбетімен бүкіл адамзат үшін ең жақсы жол.

Кейбір адамдар «ол сахаба алай деді, бұл сахаба былай деген» деп бүлік-фитна жасайды, бұны бір жаққа қоя тұралық, әдетте жаман ой ойлаудың өзі күнә саналып, жаман іс ретінде қаралады, ал анадай сөзді айтып жүрген адамдар келер ұрпақтар үшін бүлік-фитна дайындап жатыр, олар мұсылмандар ара өзара жаулықпен өзара жек көрісуды таратып жатыр. Мәуләнә шайық назым қазірет бүлік-фитна естігісі келмейтұғын, ол пайғамбардан соң мұсылмандар ара не (жаман іс) туылып, не болғаны жәйлі мүлдем білгісіде келмейтін кісі еді, ол «бұл істермен тақырыптарға араласпаңдар, тек өздеріңнің істеріңмен кемшіліктеріңе қараңдар әрі алладан бұл нәрселер жәйлі пана тілеңдер.» деуші еді. Пайғамбардың дәрежесіне 1400 жылдан бері ешкім жеткен жоқ, егер біреу сөйлегісі келсе тек жақсы нәрсе сөйлесін, әйтпесе үндемей үнсіз қалғаны ең абзал, себебі біз пайғамбарымызды риза қыла алмай, ренжітіп қоятын орында тұрып қалғымыз келмейді. Алла тағала бізге хидаят беріп, күллі жамандық атаулыдан аулақ еткей.

Уәмин Аллаһ ат-Тауфиқ, әл-Фатиха.

Исламбол (Станбул), Түркия

- Әулие Сопы Маулана Шайық Мехмет Әділ әр-Раббани, Нақшыбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam

https://www.nvrislam.net

https://www.instagram.com/tanirtaw/

http://www.fb.com/tanirtaw

سۇحبات: تاۋبە جاساۋعا اسىق (2022.03.16)

ءبىزدىڭ تاريقات كەڭەس بەرۋمەن، ءناسيحات، سۇحباتقا سۇيەنەدى. اللا تاعالا ادامدرعا جانە ولار بىرگە بولعاندا جاقسىلىقتار بولۋىن قالايدى، ءبىز پايعامبارعا ىلەسەمىز، ينشاللا، ءبىز ونىڭ مۇسىلمانعا، بەي-مۇسىلمانعا، بارشا باقىت ىزدەگەن بارشا ادامدارعا جانە اللانى ريزا ەتكىسى كەلەتىندەرگە پايدا اكەلۋىن ءۇمىت ەتەمىز. اللا تاعالا وزىمەن بىرگە بولعاندا ريزا بولماق، ەگەر اللا تاعالا ساعان ريزا بولماسا، وندا سەن ەشقاشان باقىتتى ءارى قۋانىشتى جۇرە المايسىڭ. ەگەر شايتاننىڭ ونەگەسىنە ەرسەڭدەر، اللا تاعالا سەندەرگە ريزا بولمايدى، سوندىقتان شايتانمەن بىرگە كەتكەندەر قۋانىشپەن باقىت ىشىندە بولا المايدى، شايتان ادامدارعا نەنى ۋادە ەتتى؟ ونىڭ ۋادەسى تەك جامانشىلىقپەن كەسىر عانا، ونىڭ مىندەتى ادام بالاسىن مازاسىزدىقپەن كەساپاتتى ابىگەرلىكتەرگە سالۋ، ول بۇل جۇمىستى ءوزى تاڭداپ الدى، شايتانمەن بىرگە بولعاندار تەك قانا جاماندىق كورەتىن بولادى. اللا تاعالا بىزگە قۋانىش، باقىت، يگىلىك-جاقسىلىق جانە ءجانناتتى ۋادە ەتتى، ۋلارىن ءار جەرگە تاراتىپ جۇرگەن ۋلى-كەسىرلى ادامدارعا ەرىپ الدانبا، قازىر بۇل ۋلى وي-يدەيالار ءبىر جەرگە عانا ەمەس، بارلىق جەرگە تارادى، ولار بۇكىل دۇنيەنى مەڭگەرىپ، ويىنا كەلگەندەرىن ايتىپ جاتىر، بىراق ولار اقيقاتپەن جاقسى نارسەلەردى جاسىرادى.

قازىر ءبىز پايعامبارىمىز ايتىپ كەتكەن «ەكىنشى رەتكى ناداندىق داۋىرىندە» ءومىر ءسۇرىپ جاتىرمىز، ءبىرىنشى ناداندىق ءداۋىرى پايعامباردان بۇرىنعى كەز بولاتىن، ول كەزدە دە بۇكىل جەر بەتى ناداندىققا ياعني جاحيلياتقا تولعان ەدى، ودان سوڭ پايعامبارىمىز دۇنيەگە نۇر بولىپ كەلىپ، بۇكىل دۇنيەنى جارىققا تولتىردى، نۇرىن شاشتى، ادامگەرشىلىك نۇرى جەردىڭ شىعىسىنان باتىسىنا، وڭتۇستىگىنەن سولتۇستىگىنە تارادى، سول كەزدى پايعامبارىمىز «ادام ۇقىعى، ەر-ايەلدىڭ حاقىسى بەرىلگەن كەز» دەپ اتادى. ودان بۇرىنعى كەز كاپىرلىك ءداۋىرى بولىپ، ايەلمەن قۇلدى جۇرت ادام قاتارىندا ەسەپتەمەيتىن ەدى، ادامزاتتى قاراڭعىلىقتان قۇتقارعان يسلام بولاتۇعىن، يسلامنىڭ نۇرى ادام بالاسىنا شۇعىلا شاشتى، كوپ تارالدى، ميليونداعان جۇرت اللانىڭ وسى نۇرىنا كەلدى، عۇلامالار، اۋليەلەر ادامزاتقا قىزمەت ەتىپ، ولارعا تۋرا جول كورسەتتى، ارينە ءار جولى شايتان وسىنداي حاق جول كورسەتكەندەرگە ۇدايى قارسى تۇرىپ كەلەدى.

جاقسى ادامدار جامان ادامدارمەن بىرگە بولماۋى كەرەك، ال ەرسەڭدەر جاقسىعا ەرىڭدەر، كەيدە جامان ادامداردا حيداياتتى كورىپ تۋرا جولعا ءتۇسىپ جاتاتىن ءجايىت تا بار. ءبىز كوپتەگەن ۇلكەن عۇلامالاردى جانە اۋليەلەردى كوردىك، بىلەمىز، ولار وسى دۇنيەگە مادەنيەت تاراتتى، بۇل ادامدار حاق جولداعى ادامدار بولىپ، ەشقاشان بۇلىك-فيتنا جاساماعان، بىراق ولار ادام بالاسىنا تەك قانا جاقسىلىقپەن يگىلىك الىپ كەلگەن، اللا تاعالا ولاردىڭ جۇرەگىنە نۇر قۇيىپ، ولارعا ءبىلىم بەردى، ولاردى سان ءتۇرلى جاقسى ىستەرگە سەبەپ قىلدى، مىنە بۇل ولاردىڭ سىرى ەدى. پايعامباردىڭ جولى ءاحلى ءسۇننا ءۋال جاماعانىڭ جولى، ساحابالاردى، ءاحلۇل بايىتتەردى جانە اۋليەلەردى قابىل ەتكەندەردىڭ جولى، بۇل جول پايعامبار ۇمبەتىمەن بۇكىل ادامزات ءۇشىن ەڭ جاقسى جول.

كەيبىر ادامدار «ول ساحابا الاي دەدى، بۇل ساحابا بىلاي دەگەن» دەپ بۇلىك-فيتنا جاسايدى، بۇنى ءبىر جاققا قويا تۇرالىق، ادەتتە جامان وي ويلاۋدىڭ ءوزى كۇنا سانالىپ، جامان ءىس رەتىندە قارالادى، ال اناداي ءسوزدى ايتىپ جۇرگەن ادامدار كەلەر ۇرپاقتار ءۇشىن بۇلىك-فيتنا دايىنداپ جاتىر، ولار مۇسىلماندار ارا ءوزارا جاۋلىقپەن ءوزارا جەك كورىسۋدى تاراتىپ جاتىر. ءماۋلانا شايىق نازىم قازىرەت بۇلىك-فيتنا ەستىگىسى كەلمەيتۇعىن، ول پايعامباردان سوڭ مۇسىلماندار ارا نە (جامان ءىس) تۋىلىپ، نە بولعانى ءجايلى مۇلدەم بىلگىسىدە كەلمەيتىن كىسى ەدى، ول «بۇل ىستەرمەن تاقىرىپتارعا ارالاسپاڭدار، تەك وزدەرىڭنىڭ ىستەرىڭمەن كەمشىلىكتەرىڭە قاراڭدار ءارى اللادان بۇل نارسەلەر ءجايلى پانا تىلەڭدەر.» دەۋشى ەدى. پايعامباردىڭ دارەجەسىنە 1400 جىلدان بەرى ەشكىم جەتكەن جوق، ەگەر بىرەۋ سويلەگىسى كەلسە تەك جاقسى نارسە سويلەسىن، ايتپەسە ۇندەمەي ءۇنسىز قالعانى ەڭ ابزال، سەبەبى ءبىز پايعامبارىمىزدى ريزا قىلا الماي، رەنجىتىپ قوياتىن ورىندا تۇرىپ قالعىمىز كەلمەيدى. اللا تاعالا بىزگە حيدايات بەرىپ، كۇللى جاماندىق اتاۋلىدان اۋلاق ەتكەي.

ءۋامين اللاھ ات-تاۋفيق، ءال-فاتيحا.

يسلامبول (ستانبۋل)، تۇركيا

- اۋليە سوپى ماۋلانا شايىق مەحمەت ءادىل ءار-رابباني، ناقشىباند تاريقاتىنىڭ 41-اۋليە شايقى